# ಜುಲೈ 1 ರಿಂದ ರೈಲ್ವೇ ಪ್ರಯಾಣಿಕರಿಗೆ ಹೊಸ ರೂಲ್ಸ್ – ಈ ತಪ್ಪು ಮಾಡಿದ್ರೆ ₹10,000 ದಂಡದ ಜೊತೆ ಜೈಲು ಫಿಕ್ಸ್!!

- Link: https://hosakannada.com/news/new-rules-for-railway-passengers-from-july-1-if-you-make-this-mistake-you-will-be-fined-10-000-rps-and-sent-to-jail/
- Published: 2026-06-20T19:22:37+00:00
- Author: ಹೊಸಕನ್ನಡ ನ್ಯೂಸ್

ರೈಲ್ವೆ ಕಾಯ್ದೆ 1989ಕ್ಕೆ ತಿದ್ದುಪಡಿ ತರಲಾಗಿದ್ದು, ಜುಲೈ 1 ರಿಂದ ಹೊಸ ರೂಲ್ಸ್‌ ಜಾರಿಗೆ ಬರಲಿವೆ.
ರೈಲ್ವೆ ಪ್ರಯಾಣವನ್ನು ಹೆಚ್ಚು ಸುರಕ್ಷಿತ ಮತ್ತು ಶಿಸ್ತುಬದ್ಧವಾಗಿಡಲು ದಂಡದ ನಿಯಮಗಳನ್ನು ಕಠಿಣಗೊಳಿಸುತ್ತಿದೆ.
ಈ ತಿದ್ದುಪಡಿಗಳಿಗೆ ಈಗಾಗಲೇ ರಾಷ್ಟ್ರಪತಿಗಳ ಅಂಕಿತವೂ ಸಿಕ್ಕಿದೆ. ರೈಲ್ವೆ ಮಂಡಳಿಯು ಎಲ್ಲಾ ವಲಯ 
ರೈಲ್ವೆಗಳಿಗೆ ಈ ಮಾಹಿತಿಯನ್ನು ರವಾನಿಸಿದೆ. ಹಾಗಿದ್ರೆ ಏನು ಆ ನಿಯಮಗಳು?

Sponsored

**ಟಿಕೆಟ್ ಇಲ್ಲದಿದ್ದರೆ ಹೆಚ್ಚು ಫೈನ್ :**

Advertisement

Advertisement

ಇನ್ನು ಮುಂದೆ ರೈಲಿನಲ್ಲಿ ಟಿಕೆಟ್ ಇಲ್ಲದೆ ಪ್ರಯಾಣಿಸುವವರಿಗೆ ಭಾರಿ ಶಾಕ್ ಕಾದಿದೆ. ಈವರೆಗಿದ್ದ 
ಕನಿಷ್ಠ ದಂಡವನ್ನು 250 ರೂ.ಗಳಿಂದ 500 ರೂ.ಗೆ ಹೆಚ್ಚಿಸಲಾಗಿದೆ. ಈ ಕನಿಷ್ಠ ದಂಡದ ಜೊತೆಗೆ ಅನ್ವಯವಾಗುವ
ಪ್ರಯಾಣ ಶುಲ್ಕವನ್ನೂ ಪಾವತಿಸಬೇಕಾಗುತ್ತದೆ. ಒಂದು ವೇಳೆ ದಂಡ ಕಟ್ಟದಿದ್ದರೆ, ಪ್ರಕರಣ ನ್ಯಾಯಾಲಯದ
ಮೆಟ್ಟಿಲೇರಲಿದೆ. ಅಷ್ಟೇ ಅಲ್ಲ, ಬೇರೆಯವರ ಟಿಕೆಟ್‌ನಲ್ಲಿ ಪ್ರಯಾಣಿಸಿದರೂ ಕನಿಷ್ಠ 500 ರೂ. ದಂಡ 
ವಿಧಿಸಲಾಗುತ್ತದೆ. ಅದರ ಜೊತೆಗೆ ಆ ಟಿಕೆಟ್ ಅನ್ನು ಜಪ್ತಿ ಮಾಡಿ, ಹೆಚ್ಚುವರಿ ಶುಲ್ಕ ವಸೂಲಿ ಮಾಡಲಾಗುತ್ತದೆ.

**ಭಿಕ್ಷಾಟನೆ ನಿಷೇಧ:**

ರೈಲುಗಳಲ್ಲಿ ಮತ್ತು ರೈಲ್ವೆ ನಿಲ್ದಾಣಗಳಲ್ಲಿ ಭಿಕ್ಷಾಟನೆ ಮಾಡುವುದನ್ನು ಸಂಪೂರ್ಣವಾಗಿ ನಿಷೇಧಿಸಲಾಗಿದೆ.
ಅನಧಿಕೃತವಾಗಿ ತಿರುಗಾಡಿ ಸಾಮಗ್ರಿ ಮಾರಾಟ ಮಾಡುವವರಿಗೆ ಮತ್ತು ಭಿಕ್ಷುಕರಿಗೆ 2,000 ರೂ. ದಂಡ ವಿಧಿಸಲಾಗುತ್ತದೆ.
ಒಂದು ವೇಳೆ ಇದೇ ತಪ್ಪನ್ನು ಎರಡನೇ ಬಾರಿ ಮಾಡಿದರೆ, ಒಂದು ವರ್ಷದವರೆಗೆ ಜೈಲು ಶಿಕ್ಷೆ ಅನುಭವಿಸಬೇಕಾಗುತ್ತದೆ.

**ಲೇಡಿಸ್ ಕಂಪಾರ್ಟ್‌ಮೆಂಟ್‌ನಲ್ಲಿ ಪುರುಷರು ಪ್ರಯಾಣಿಸುವಂತಿಲ್ಲ :**

ಇನ್ನು ಮುಂದೆ ಲೇಡೀಸ್ ಕಂಪಾರ್ಟ್‌ಮೆಂಟ್‌ನಲ್ಲಿ ಪುರುಷರು ಪ್ರಯಾಣಿಸಿದರೆ ಅವರನ್ನು ಸುಮ್ಮನೆ ಬಿಡುವುದಿಲ್ಲ.
ಮಹಿಳಾ ಕೋಚ್‌ನಲ್ಲಿ ಪ್ರಯಾಣಿಸುವ ಪುರುಷರಿಗೆ 2,500 ರೂ.ಗಳ ಭಾರಿ ದಂಡ ವಿಧಿಸಲಾಗುತ್ತದೆ. ಅಷ್ಟೇ
ಅಲ್ಲದೆ, ರೈಲ್ವೆ ಸಿಬ್ಬಂದಿ ತಕ್ಷಣವೇ ಅವರನ್ನು ರೈಲಿನಿಂದ ಕೆಳಗೆ ಇಳಿಸುತ್ತಾರೆ. ಪ್ರಯಾಣಿಕರ ಪ್ರದೇಶಗಳಿಗೆ
ಅನಧಿಕೃತವಾಗಿ ಪ್ರವೇಶಿಸಿದರೆ 500 ರೂ. ದಂಡ ಇರುತ್ತದೆ.

**ಇತರರಿಗೆ ತೊಂದರೆ ಮಾಡುವಂತಿಲ್ಲ : **

ರೈಲಿನಲ್ಲಿ ಅಥವಾ ನಿಲ್ದಾಣದಲ್ಲಿ ಸಹ ಪ್ರಯಾಣಿಕರಿಗೆ ತೊಂದರೆ ಕೊಟ್ಟರೆ ರೈಲ್ವೆ ಇಲಾಖೆ ಸುಮ್ಮನಿರುವುದಿಲ್ಲ.
ಯಾರಾದರೂ ಪ್ರಯಾಣಿಕರು ರೈಲಿನಲ್ಲಿ ಜಗಳವಾಡಿದರೆ, ಅಸಭ್ಯವಾಗಿ ಮಾತನಾಡಿದರೆ ಅಥವಾ ರೈಲ್ವೆ ಸೌಕರ್ಯಗಳಿಗೆ
ಅಡ್ಡಿಪಡಿಸಿದರೆ 1,000 ರೂ. ದಂಡ ಬೀಳುತ್ತದೆ. ಇನ್ನು ಮದ್ಯ ಅಥವಾ ಇತರ ಮಾದಕ ವಸ್ತುಗಳನ್ನು ಸೇವಿಸಿ
ಗಲಾಟೆ ಮಾಡುತ್ತಿರುವುದು ಕಂಡುಬಂದರೆ, ಅವರನ್ನು ತಕ್ಷಣವೇ ರೈಲು ಮತ್ತು ನಿಲ್ದಾಣಗಳಿಂದ ಹೊರಹಾಕಲಾಗುತ್ತದೆ.

Advertisement
