# CJP ಪ್ರತಿಭಟನೆ ಬಗ್ಗೆ ನೀಟ್ ಟಾಪರ್ ವಿದ್ಯಾರ್ಥಿ ಶಾಕಿಂಗ್ ಸ್ಟೇಟ್ಮೆಂಟ್

- Link: https://hosakannada.com/news/neet-toppers-shocking-statement-about-cjp-protests/
- Published: 2026-07-23T10:26:31+00:00
- Author: ಹೊಸಕನ್ನಡ ನ್ಯೂಸ್

ಜಂತರ್ ಮಂತರ್‌ನಲ್ಲಿ ನಡೆಯುತ್ತಿರುವ ಪ್ರತಿಭಟನೆಗಳು ಹಾಗೂ ನೀಟ್ ಪರೀಕ್ಷೆಯ ವಿವಾದಗಳು ರಾಷ್ಟ್ರಮಟ್ಟದಲ್ಲಿ
ಭಾರಿ ಚರ್ಚೆಗೆ ಕಾರಣವಾಗಿದೆ. ಒಂದೆಡೆ ಪ್ರಶ್ನೆ ಪತ್ರಿಕೆ ಸೋರಿಕೆ ವಿವಾದದ ನಡುವೆಯೂ ಸಕಾರಾತ್ಮಕವಾಗಿ
ಯೋಚಿಸಿದ ನೀಟ್ ಟಾಪರ್ ವಿದ್ಯಾರ್ಥಿ ಪನ್ಷುಲ್‌ ಬನ್ಸಲ್ ಸದ್ಯ ನಡೆಯುತ್ತಿರುವ ಪ್ರತಿಭಟನೆ ಬಗ್ಗೆ 
ಶಾಕಿಂಗ್ ಸ್ಟೇಟ್ಮೆಂಟ್ ನೀಡಿದ್ದಾನೆ.

Sponsored

ಹೌದು, ನೀಟ್ ಪ್ರಶ್ನೆ ಪತ್ರಿಕೆ ಸೋರಿಕೆ ಪ್ರಕರಣ ದೇಶಾದ್ಯಂತ ಭಾರಿ ಸಂಚಲನ ಮೂಡಿಸಿತ್ತು.ಇದಕ್ಕೆ 
ಸಂಬಂಧಿಸಿದಂತೆ ಲಕ್ಷಾಂತರ ವಿದ್ಯಾರ್ಥಿಗಳು ರಸ್ತೆಗಿಳಿದು ಜಂತರ್ ಮಂತರ್‌ನಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ.
ಇದರಲ್ಲಿ ಭಾಗವಹಿಸಿದವರ ಪೈಕಿ ಕೆಲವರು ಬೇರೆ ದೇಶದ ಬಾವುಟ ಹಿಡಿದು ಬಂದಿದ್ದರು ಎಂದು ಕೂಡ ಜಾಲತಾಣದಲ್ಲಿ
ವೈರಲ್​ ಆಗುತ್ತಿದೆ. ಈ ಪ್ರತಿಭಟನೆಯಲ್ಲಿ ನೀಟ್​ ಪರೀಕ್ಷೆ ಬರೆದ ವಿದ್ಯಾರ್ಥಿಗಳ ಬದಲು ಇದ್ದದ್ದೇ
ಬೇರೆಯವರು ಎನ್ನುವ ಮಾತುಗಳು ಕೇಳಿಬರುತ್ತಿವೆ. ಆದರೆ, ದೆಹಲಿಯ ವಿದ್ಯಾರ್ಥಿ, ನೀಟ್ ಟಾಪರ್ ಪನ್ಷುಲ್‌
ಬನ್ಸಲ್ ಮಾತ್ರ ಈ ವಿವಾದವನ್ನು ಸಂಪೂರ್ಣ ವಿಭಿನ್ನವಾಗಿ ನೋಡಿದ್ದಾರೆ. 

Advertisement

Advertisement

ಪ್ರಶ್ನೆ ಪತ್ರಿಕೆ ಸೋರಿಕೆಯಾದ ಸುದ್ದಿ ಕೇಳಿ ನನಗೂ ಮೊದಲು ಬೇಸರವಾಗಿತ್ತು. ಆದರೆ, ಆ ಬೇಸರವನ್ನ 
ನಾನು ನೆಗಿಟಿವ್‌ ಆಗಿ ತೆಗೆದುಕೊಳ್ಳಲಿಲ್ಲ. ಮನೆಯಲ್ಲೇ ಕುಳಿತು ಓದಿ ನನ್ನ ಕೌಶಲ್ಯವನ್ನ ಮತ್ತಷ್ಟು
ಹೆಚ್ಚಿಸಿಕೊಳ್ಳಲು ಮತ್ತು ಹೆಚ್ಚಿನ ಅಂಕ ಪಡೆಯಲು ಸಾಧ್ಯವಿರುವಾಗ, ನಾನು ಜಂತರ್ ಮಂತರ್‌ಗೆ ಹೋಗಿ 
ಪ್ರತಿಭಟನೆ ನಡೆಸುವ ಅವಶ್ಯಕತೆಯಾದರೂ ಏನಿದೆ ಎಂದು ನನಗೆ ನಾನೇ ಪ್ರಶ್ನಿಸಿಕೊಂಡೆ. ಇದು ನನ್ನ ಅಂಕವನ್ನ
ಉತ್ತಮಪಡಿಸಿಕೊಳ್ಳಲು ಸಿಕ್ಕ ಅದ್ಭುತ ಅವಕಾಶ ಎಂದು ಭಾವಿಸಿ, ಮನೆಯಲ್ಲೇ ಕುಳಿತು ಹೆಚ್ಚಿನ ಅಭ್ಯಾಸ
ಮಾಡಿದೆ. ಅದರ ಫಲವಾಗಿ ಇಂದು ಅತ್ಯುತ್ತಮ ಫಲಿತಾಂಶ ಬಂದಿದೆ” ಎಂದು ಸಂತಸ ವ್ಯಕ್ತಪಡಿಸಿದ್ದಾರೆ. ರದ್ದಾಗಿದ್ದ
ಮೊದಲ ಪರೀಕ್ಷೆಯಲ್ಲಿ 706 ಅಂಕ ಪಡೆದಿದ್ದ ಬನ್ಸಲ್, ನೀಟ್ ಮರುಪರೀಕ್ಷೆಯಲ್ಲಿ ಭರ್ಜರಿ 715 ಅಂಕ ಗಳಿಸುವ
ಮೂಲಕ 99.9999 ಪರ್ಸೆಂಟ್‌ಲೈನ್‌ನೊಂದಿಗೆ ಉತ್ತೀರ್ಣರಾಗಿದ್ದಾರೆ. ಎಂಬುದು ವಿಶೇಷ.

ಅಲ್ಲದೆ ದೆಹಲಿ ಜಂತರ್ ಮಂತರ್ ಪ್ರತಿಭಟನೆ ಕುರಿತು ಹೇಳಿಕೆ ನೀಡಿರುವ ಪನ್ಶುಲ್ ಬನ್ಸಲ್, ಸರಿಯಾಗಿ
ಸ್ಟಡಿ ಮಾಡಿದಾಗ ರಿಪೀಟ್​ ಪರೀಕ್ಷೆ ಬರೆಯಲು ತೊಂದರೆ ಏನೂ ಇಲ್ಲ. ಇಂಥ ಸ್ಥಿತಿಯಲ್ಲಿ ಪ್ರತಿಭಟನೆ 
ಮಾಡಲು ನಾನ್ಯಾಕೆ ಹೋಗಲಿ? ಒಮ್ಮೆ ಪರೀಕ್ಷೆಗೆ ತಯಾರಿಸಿ ನಡೆಸಿದ ವಿದ್ಯಾರ್ಥಿಗಳಿಗೆ ಮತ್ತೊಮ್ಮೆ ಇನ್ನೂ
ಹೆಚ್ಚು ಓದಲು ಅವಕಾಶ ಸಿಕ್ಕಂತಾಗಿದೆ. ಪ್ರತಿಭಟನೆಗೆ ಹೋಗಿ ಟೈಮ್​ ವೇಸ್ಟ್​ ಮಾಡುವ ಬದಲು, ನಾನು 
ಇನ್ನಷ್ಟು ಸ್ಟಡಿ ಮಾಡಲು ಅನುಕೂಲ ಆಗುತ್ತದೆ. ಅದಕ್ಕೆ ಅವಕಾಶ ಸಿಕ್ಕಂತಾಗುತ್ತದೆ ಎಂದಿದ್ದಾನೆ.

Advertisement