# ಮತ್ತೆ NEET ಪ್ರಶ್ನೆ ಪತ್ರಿಕೆ ಲೀಕ್? ರಾಜಸ್ಥಾನದಲ್ಲಿ ತನಿಖೆ ಚುರುಕುಗೊಳಿಸಿದ ಪೊಲೀಸ್!!

- Link: https://hosakannada.com/news/neet-question-paper-leaked-again-rajasthan-police-intensify-investigation/
- Published: 2026-06-21T17:05:32+00:00
- Author: ಹೊಸಕನ್ನಡ ನ್ಯೂಸ್

ಮೇ. 3 ರಂದು ನಡೆದ ನೀಟ್​ ಯುಜಿ ಪರೀಕ್ಷೆಯ ಪ್ರಶ್ನೆ ಪತ್ರಿಕೆ ಸೋರಿಕೆಯಾದ ಹಿನ್ನಲೆ ಇಂದು (ಜೂನ್​.
21) ದೇಶದಾದ್ಯಂತ ನೀಟ್​ ಮರು ಪರೀಕ್ಷೆಯನ್ನು ನಡೆಸಲಾಗುತ್ತಿದೆ. ಆದರೆ ಇದೀಗ ಮತ್ತೆ ನೀಟ್ ಪರೀಕ್ಷೆಯ
ಪ್ರಶ್ನೆ ಪತ್ರಿಕೆ ಲೀಕ್ ಆಯ್ತಾ ಎಂಬ ಪ್ರಶ್ನೆ ಎದುರಾಗಿದೆ.

Sponsored

ರಾಜಸ್ಥಾನದ ಅಜ್ಮೀರದ ವಿದ್ಯಾರ್ಥಿಯೊರ್ವರಿಗೆ 30 ಸಾವಿರಕ್ಕೆ ನೀಟ್​ ಪೇಪರ್​ ನೀಡುವುದಾಗಿ ಪೋನ್​
ಕರೆ ಮೂಲಕ ಹೇಳಿರುವ ಘಟನೆ ವರದಿಯಾಗಿದೆ. ಮರು ಪರೀಕ್ಷೆಯಲ್ಲಿ ಸಹ ಪ್ರಶ್ನೆ ಪತ್ರಿಕೆ ಸೋರಿಕೆ ಯ ಅನುಮಾನ
ವ್ಯಕ್ತವಾಗಿದೆ. ಅಜ್ಮೀರದ ಡಿಎವಿ ಕಾಲೇಜಿನ ವಿದ್ಯಾರ್ಥಿ ಪ್ರತಿನಿಧಿ ಕೃಷ್ಣಾ ಸಿಂಗ್​ ಠಾಕೂರ್​ ಈ
ಕುರಿತು ಪೊಲೀಸರಲ್ಲಿ ದೂರನ್ನು ನೀಡಿದ್ದಾರೆ ಎಂದು ವರದಿಯಾಗಿದೆ. 

Advertisement

Advertisement

ಶನಿವಾರ (ಜೂ.20) ದ ರಾತ್ರಿ ಹಲವು ವಿದ್ಯಾರ್ಥಿಗಳಿಗೆ ನೀಟ್​ ಪೇಪರ್​ನ್ನು ನೀಡುತ್ತೆವೆ 30 ಸಾವಿರ
ಕೊಟ್ಟು ಪ್ರಶ್ನೆ ಪತ್ರಿಕೆ ನಿಮ್ಮದಾಗಿಸಿಕೊಳ್ಳಿ ಎಂದು ಹೇಳಲಾಗಿದೆ. ಜೊತೆಗೆ ಕ್ಯೂಆರ್​ (QR) ಕೋಡ್​​
ನ್ನು ವಾಟ್ಯಾಸ್ಪ್​​ಗೆ ಕಳುಹಿಸಿದ್ದಾರೆ. ಆದರೆ ಇದೊಂದು ಮೋಸದ ಕರೆ, ನಮ್ಮಿಂದ ಹಣ ಪೀಕುವ ಜಾಲವೆಂದು
ವಿದ್ಯಾರ್ಥಿಗಳ್ಯಾರು ಈ ಜಾಲಕ್ಕೆ ಬಿದ್ದಿಲ್ಲ. ಆದರೆ ಈ ಕರೆ ನಿಜವಾಗಿದ್ದರೆ ಮತ್ತೊಮ್ಮೆ ಪ್ರಶ್ನೆ
ಪತ್ರಿಕೆ ಸೋರಿಕೆ ಆಗಿದೆ ಎಂದಲ್ಲವೇ ಎಂದು ದೂರಿನಲ್ಲಿ ಠಾಕೂರ್​ ಪ್ರಶ್ನಿಸಿದ್ದಾರೆ.

ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ದೂರನ್ನು ದಾಖಲಿಸಿಕೊಂಡಿರುವ ಪೊಲೀಸ್​ ವರಿಷ್ಟಾಧಿಕಾರಿ ಹಿಮಾಂಶು 
ಜಂಗೀದ್, ನಾವು ಈ ದೂರನ್ನು ಬಹಳ ಗಂಭೀರವಾಗಿ ಪರಿಗಣಿಸಿದ್ದೆವೆ. ಮೊಬೈಲ್​ ಸಂಖ್ಯೆ, ಕ್ಯೂಆರ್​ (QR)
ಕೋಡ್​, ಹಾಗೂ ಬ್ಯಾಂಕ್​ ಖಾತೆಗೆ ಸಂಬಂಧಿಸಿದ ಮಾಹಿತಿಯನ್ನು ಕಲೆಹಾಕುತ್ತಿದ್ದೆವೆ. ನಂತರ ಈ ಪೇಪರ್​
ಸೋರಿಕೆ ಸಂಗತಿ ಎಷ್ಟು ಸತ್ಯ? ಎಷ್ಟು ಮಿತ್ಯ? ಎಂದು ತಿಳಿಯಲಿದೆ ಎಂದಿದ್ದಾರೆ.

Advertisement