# Cyclone Tej: ಕರಾವಳಿಗರೇ ಎಚ್ಚರ, ಅರಬ್ಬಿಯಲ್ಲಿ ಅಬ್ಬರಿಸಲಿದೆ ‘ತೇಜ್’ ಚಂಡಮಾರುತ !!

- Link: https://hosakannada.com/news/national-news-imd-warns-cyclone-tej-farming-in-arabian-sea-may-effect-mumbai-and-konkan/
- Published: 2023-10-21T10:01:42+00:00
- Author: ಹೊಸಕನ್ನಡ ನ್ಯೂಸ್

Cyclone Tej In Arabian Sea: ಅರಬ್ಬಿ ಸಮುದ್ರದ ನಡು ಮಧ್ಯ ಭಾಗದಲ್ಲಿ ವಾಯು ಭಾರ ಕುಸಿತ ಉಂಟಾಗಿರುವ
ಹಿನ್ನೆಲೆಯಲ್ಲಿ ಚಂಡಮಾರುತ (Cyclone Tej In Arabian Sea)ಸೃಷ್ಟಿಯಾಗಿದೆ. ಹಿಂದೂ ಮಹಾಸಾಗರ (
Indian Ocean region) ಪ್ರದೇಶದಲ್ಲಿ ಚಂಡಮಾರುತಗಳನ್ನು ಹೆಸರಿಸಲು ಅನುಸರಿಸಿದ ಸೂತ್ರದ ಅನುಸಾರ,
ಈ ಚಂಡ ಮಾರುತಕ್ಕೆ ‘ತೇಜ್'(Cyclone Tej)ಎಂದು ಹೆಸರಿಡಲಾಗಿದೆ . ಕೆಲ ಬಲ್ಲ ಮೂಲಗಳ ಪ್ರಕಾರ, ಈ 
ಚಂಡಮಾರುತ ಯೆಮನ್ ಹಾಗೂ ಒಮನ್ ದೇಶಗಳ ಕರಾವಳಿಗೆ ಅಪ್ಪಳಿಸುವ ಸಂಭವವಿದ್ದು, ಚಂಡಮಾರುತ ಭೀಕರ ಪ್ರಭಾವ
ಬೀರುವ ಸಾಧ್ಯತೆ ಕುರಿತು ಭಾರತೀಯ ಹವಾಮಾನ ಇಲಾಖೆ (IMD) ಶುಕ್ರವಾರ ಮಾಹಿತಿ ನೀಡಿದೆ.

Sponsored

ಒಂದು ವೇಳೆ ಈ ತೇಜ್ ಚಂಡಮಾರುತ ವಿರುದ್ದ ದಿಕ್ಕಿನಲ್ಲಿ ಸಾಗಿದರೆ ಗುಜರಾತ್ ಹಾಗೂ ಪಾಕಿಸ್ತಾನದ ಕರಾಚಿ
ಕರಾವಳಿಗೆ ಅಪ್ಪಳಿಸಲಿದೆ. ಬಹುತೇಕ ಅರಬ್ ರಾಷ್ಟ್ರಗಳ ಕಡೆಗೆ ಸಾಗುವ ಸಾಧ್ಯತೆ ದಟ್ಟವಾಗಿದೆ. ಇದು 
ಈ ವರ್ಷದಲ್ಲಿ ಅರಬ್ಬಿ ಸಮುದ್ರದಲ್ಲಿ (Arabian Sea) ಉಂಟಾಗುತ್ತಿರುವ 2ನೇ ಚಂಡಮಾರುತವಾಗಿದೆ. ಸದ್ಯ
ಒಮಾನ್ ಮತ್ತು ಪಕ್ಕದ ಯೆಮೆನ್‌ನ (Yemen) ದಕ್ಷಿಣ ಕರಾವಳಿಯ ಕಡೆಗೆ ಈ ಚಂಡ ಮಾರುತ ಚಲಿಸುತ್ತದೆ. 
ಆದರೆ ಈ ನಡುವೆ ಭಾರತದ ಗುಜರಾತ್‌ ಕರಾವಳಿಯಲ್ಲಿ ಬಿಪೊರ್‌ಜೊಯ್‌ ಚಂಡಮಾರುತ ಮಾಡಿದ ಹಾನಿ ಎಲ್ಲರಿಗೂ
ಗೊತ್ತಿರುವಂತದ್ದೇ. ಅದೇ ರೀತಿ ಈ ಚಂಡಮಾರುತ ಕೂಡ ಪಥ ಬದಲಿಸಿ ಸಾಗುವ ಸಾಧ್ಯತೆ ಕುರಿತು ಭಾರತದ ಕರಾವಳಿಗೂ
ಅಪಾಯ ಉಂಟುಮಾಡುವ ಸಂಭವದ ಬಗ್ಗೆ ಹವಾಮಾನ ಇಲಾಖೆ ಎಚ್ಚರಿಕೆ ನೀಡಿದೆ

Advertisement

Advertisement

ಇದನ್ನೂ ಓದಿ: [Ration Card Updates: ರೇಷನ್ ಕಾರ್ಡ್’ದಾರರಿಗೆ ಭಾರೀ ದೊಡ್ಡ ಆಘಾತ – ತಿದ್ದುಪಡಿಗೆ ಎದುರಾಯ್ತು ಮತ್ತೊಂದು ಸಂಕಷ್ಟ](https://hosakannada.com/2023/10/21/karnataka-news-big-shock-for-ration-card-holders-correction-of-name-in-ration-card-server-problem/)

Advertisement