# Chandrayaan-3: ಸುರ್ಯೋದಯಕ್ಕಾಗಿ ಕಾಯುತ್ತಿರುವ ಚಂದ್ರಯಾನ-3! ಈ ಕಾಯುವಿಕೆಯಲ್ಲೂ ಒಂದು ಅರ್ಥವಿದೆ!

- Link: https://hosakannada.com/news/national-news-chandrayaan-3-status-chandrayaan-3-mission-just-25-km-away-from-the-moon-crosses-the-last-stage-of-the-landing/
- Published: 2023-08-20T09:48:33+00:00
- Author: ವಿದ್ಯಾ ಗೌಡ

Chandrayaan-3: ದೇಶದ ಮಹತ್ವಾಕಾಂಕ್ಷಿ ಯೋಜನೆ ಚಂದ್ರಯಾನ-3 (Chandrayaan-3) ಉಡಾವಣೆ ಯಶಸ್ವಿಯಾಗಿದೆ.
ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಸ್ಥೆ (ISRO) ಆಂಧ್ರ ಪ್ರದೇಶದ ಶ್ರೀಹರಿ ಕೋಟಾದ ಸತೀಶ್ ಧವನ್ ಬಾಹ್ಯಾಕಾಶ
ಕೇಂದ್ರದಿಂದ ಚಂದ್ರಯಾನ-3 ನೌಕೆಯು ಬೆಂಕಿ ಬೆರೆಸಿಕೊಂಡು ಉರಿಯುತ್ತ ಸುಧೀರ್ಘ ಪ್ರಯಾಣಕ್ಕೆ ಹೊರಟಿದ್ದು,
ಇದೀಗ ಚಂದ್ರನ ಅಂಗಳದಲ್ಲಿದೆ.

Sponsored

ಚಂದ್ರಯಾನ-3 (Chandrayaan-3) ಬಾಹ್ಯಾಕಾಶ ನೌಕೆ ಚಂದ್ರನ ಐದನೇ ಹಾಗೂ ಕೊನೆಯ ಕಕ್ಷೆಯನ್ನು ಯಶಸ್ವಿಯಾಗಿ
ಪ್ರವೇಶಿಸಿದ್ದು, ಈ ಮೂಲಕ ಚಂದ್ರನ (Moon) ಮೇಲ್ಮೈಗೆ ಸಮೀಪಿಸಿದೆ. ಚಂದ್ರನ ಕಾಂಪೌಂಡ್ ನಷ್ಟು ಸನಿಹದಲ್ಲಿ
ವಿಕ್ರಮ ತಲುಪಿದೆ. ಸದ್ಯ ಚಂದ್ರಯಾನ-3 ಚಂದ್ರನ ಮೇಲ್ಮೈಗೆ ಇಳಿಯಲು ಕೇವಲ 3 ದಿನಗಳು ಮಾತ್ರ ಬಾಕಿ 
ಉಳಿದಿವೆ. ವಿಕ್ರಮ್ ಲ್ಯಾಂಡರ್ ತನ್ನ ಎತ್ತರ ಹಾಗೂ ವೇಗವನ್ನು ಕಡಿಮೆ ಮಾಡುತ್ತಿದೆ. ಚಂದ್ರಯಾನ-3 
ತಡರಾತ್ರಿ 1.50ಕ್ಕೆ ಮತ್ತೊಂದು ಪ್ರಮುಖ ಮೈಲಿಗಲ್ಲನ್ನು ದಾಟಿದೆ.

Advertisement

Advertisement

ಇಂದು ಬೆಳಗಿನ ಜಾವ 1.50ಕ್ಕೆ ವಿಕ್ರಮ್ ಲ್ಯಾಂಡರ್ ಅನ್ನು ಯಶಸ್ವಿಯಾಗಿ ಡಿ-ಬೂಸ್ಟ್ ಮಾಡಲಾಗಿದ್ದು,
ಚಂದ್ರಯಾನ-3 ಅನ್ನು ನಿಧಾನಗೊಳಿಸುವಲ್ಲಿ ಯಶಸ್ವಿಯಾಗಿದೆ ಎಂದು ಇಸ್ರೋ ಹೇಳಿದೆ. ಜೊತೆಗೆ ಅಂತಿಮ ಡೀಬೂಸ್ಟಿಂಗ್
ಕಾರ್ಯಾಚರಣೆಯು LM ಕಕ್ಷೆಯನ್ನು 25 km x 134 km ಗೆ ಯಶಸ್ವಿಯಾಗಿ ತಗ್ಗಿಸಿದೆ. ಮಾಡ್ಯೂಲ್ ಆಂತರಿಕ
ತಪಾಸಣೆಗೆ ಒಳಗಾಗಾಬೇಕು ಮತ್ತು ಲ್ಯಾಂಡಿಂಗ್ ಸೈಟ್‌’ನಲ್ಲಿ ಸೂರ್ಯೋದಯಕ್ಕಾಗಿ ಕಾಯಬೇಕಾಗುತ್ತದೆ. 
ಇದು ಆಗಸ್ಟ್ 23 ರಂದು ಸಂಜೆ ಸುಮಾರು 45 ನಿಮಿಷಗಳಲ್ಲಿ ಇಳಿಯುವ ನಿರೀಕ್ಷೆಯಿದೆ ಎಂದು ಹೇಳಲಾಗಿದೆ.

ಈ ಡೀಬೂಸ್ಟಿಂಗ್‌’ನೊಂದಿಗೆ, ವಿಕ್ರಮ್ ಲ್ಯಾಂಡರ್ ಚಂದ್ರನ ಅತ್ಯಂತ ಕಡಿಮೆ ಕಕ್ಷೆಯನ್ನು ತಲುಪಿದೆ.
ಈಗ ಚಂದ್ರನಿಂದ ಅದರ ಕನಿಷ್ಠ ದೂರ ಕೇವಲ 25 ಮತ್ತು ಗರಿಷ್ಠ ದೂರ 134 ಕಿಲೋಮೀಟರ್ ನಲ್ಲಿದೆ. ಚಂದ್ರಯಾನ-
3 ಈಗ ಸೂರ್ಯನು ಚಂದ್ರನ ಮೇಲ್ಮೈಯಲ್ಲಿ ಉದಯಿಸಲು ಕಾಯುತ್ತಿದೆ. ಇದೀಗ ಚಂದ್ರನಲ್ಲಿ ರಾತ್ರಿಯಾಗಿದ್ದು,
23ರಂದು ಸೂರ್ಯೋದಯವಾಗಲಿದೆ. ವಿಕ್ರಮ್ ಲ್ಯಾಂಡರ್ ಸೂರ್ಯನ ಬೆಳಕು ಮತ್ತು ಶಕ್ತಿಯನ್ನು ಬಳಸಿಕೊಂಡು
ತನ್ನ ಕಾರ್ಯಾಚರಣೆಯನ್ನು ಮುಂದಕ್ಕೆ ತೆಗೆದುಕೊಳ್ಳುತ್ತದೆ. ಎರಡೂ ರೋವರ್‌ಗಳು ವಿದ್ಯುತ್ ಉತ್ಪಾದಿಸಲು
ಸೌರ ಫಲಕಗಳನ್ನು ಬಳಸುತ್ತವೆ. ಈ ಕಾರ್ಯಾಚರಣೆಯಲ್ಲಿ, ಪ್ರಗ್ಯಾನ್ ರೋವರ್ ಮುಂದಿನ 14 ದಿನಗಳವರೆಗೆ
ತನ್ನ ಜವಾಬ್ದಾರಿಗಳನ್ನು ನಿರ್ವಹಿಸುತ್ತದೆ.

ಅಂದಹಾಗೆ ಯಾವುದೇ ಬಾಹ್ಯಾಕಾಶ ನೌಕೆಗೆ, ಚಂದ್ರನ ಮೇಲ್ಮೈಯಲ್ಲಿ ಇಳಿಯುವುದು ಕಷ್ಟ. ಈ ಹಾದಿಯಲ್ಲಿ

ಸಾವಿರಾರು ಸವಾಲುಗಳಿಂದ ತುಂಬಿರುತ್ತದೆ. ಈ ಎಲ್ಲವನ್ನೂ ದಾಟಿ ಹೋಗೋದು ಭಾರೀ ದೊಡ್ಡ ಸವಾಲೇ ಸರಿ. 
ಇದೀಗ ಚಂದ್ರಯಾನ-3 ಸುರ್ಯೋದಯಕ್ಕಾಗಿ ಕಾಯುತ್ತಿದೆ. ಚಂದ್ರಯಾನ-3 ಭಾರತದ ಹೆಮ್ಮೆ ಎಂದರೆ ತಪ್ಪಾಗಲಾರದು!!.
ಸದ್ಯ ಈ ಯೋಜನೆ ಯಶಸ್ವಿಯಾದರೆ ಭಾರತದ ಇತಿಹಾಸದಲ್ಲೇ ಮಹತ್ವದ ಮೈಲಿಗಲ್ಲಾಗಲಿದೆ.

ಇದನ್ನೂ ಓದಿ: [Indira Canteen: ಇಂದಿರಾ ಕ್ಯಾಂಟೀನ್‌ ಊಟದ ಬೆಲೆ ಏರಿಕೆ ಕುರಿತು ಸರಕಾರದಿಂದ ಬಂತು ಮಹತ್ವದ ಸ್ಪಷ್ಟನೆ! ಇಲ್ಲಿದೆ ಸಂಪೂರ್ಣ ಮಾಹಿತಿ](https://hosakannada.com/2023/08/20/congress-government-no-increase-in-indira-canteen-food-prices-minister-hk-patil-clarifies/)

Advertisement
