# ಮುಸ್ಲಿಂ ಹುಡುಗಿಯರಿಗೆ ಶುಭ ಸುದ್ದಿ !

- Link: https://hosakannada.com/news/muslim-girls-and-college-for-study/
- Published: 2022-05-30T17:12:12+00:00
- Author: ಹೊಸಕನ್ನಡ ನ್ಯೂಸ್

ಕಲಬುರಗಿ: ಕರ್ನಾಟಕ ರಾಜ್ಯದ ಮಹಿಳೆಯರಿಗೆ ಶುಭ ಸುದ್ದಿ ಒಂದಿದೆ. ರಾಜ್ಯದ ಒಟ್ಟು 10 ಕಡೆ ಮಹಿಳೆಯರಿಗಾಗಿ
ಪದವಿ ಕಾಲೇಜು ಸ್ಥಾಪನೆ ಮಾಡುವುದಾಗಿ ಕರ್ನಾಟಕ ವಕ್ಫ್ ಮಂಡಳಿ ಘೋಷಿಸಿದೆ.
ವಕ್ಫ್ ಮಂಡಳಿ ವತಿಯಿಂದ
ಕಲಬುರಗಿ, ಯಾದಗಿರಿ, ರಾಯಚೂರು ಜಿಲ್ಲೆ ಸೇರಿದಂತೆ ರಾಜ್ಯದ 10 ಕಡೆ ಮಹಿಳೆಯರಿಗಾಗಿ 10 ಪದವಿ ಕಾಲೇಜುಗಳನ್ನು
ಸ್ಥಾಪಿಸಲು ನಿರ್ಧರಿಸಲಾಗಿದೆ ಎಂದು ಮಂಡಳಿಯ ಅಧ್ಯಕ್ಷ ಮೌಲಾನಾ ಷಫಿ ಸಅದಿ ಅವರು ತಿಳಿಸಿದ್ದಾರೆ.

Sponsored

ಕಲಬುರಗಿಯಲ್ಲಿ ಪತ್ರಿಕಾಗೋಷ್ಠಿಯನ್ನುದ್ದೇಶಿಸಿ ಮಾತನಾಡಿದ ಸಅದಿ, ಮುಸ್ಲಿಂ ಸಮುದಾಯದ ಜನರಲ್ಲಿ ಶಿಕ್ಷಣದ
ಮಹತ್ವದ ಬಗ್ಗೆ ಜಾಗೃತಿ ಮೂಡಿಸಲು ವಕ್ಫ್ ಬೋರ್ಡ್ ನಿರ್ಧರಿಸಿದೆ. ಜತೆಗೆ ಮುಸ್ಲಿಂ ಸಮುದಾಯದ ಯುವಕರನ್ನು
ಐಎಎಸ್ ಮತ್ತು ಐಪಿಎಸ್ ಸೇರಿದಂತೆ ಸ್ಪರ್ಧಾತ್ಮಕ ಪರೀಕ್ಷೆಗಳನ್ನು ಎದುರಿಸಲು ತಯಾರು ಮಾಡಲು, ವಕ್ಫ್
ಮಂಡಳಿಯು ಬೆಂಗಳೂರಿನ ಲಾಲ್ ಬಾಗ್ ಬಳಿ 30,000 ಚದರ ಅಡಿ ಭೂಮಿಯನ್ನು ಸ್ವಾಧೀನಪಡಿಸಿಕೊಳ್ಳಲು ಸುಸಜ್ಜಿತ
ಕೋಚಿಂಗ್ ಸೆಂಟರ್ ಅನ್ನು ಸಹ ನಿರ್ಮಿಸುತ್ತಿದೆ ಎಂದರು.

Advertisement

Advertisement

ಇದೇ ಜೂನ್‌ ನಲ್ಲಿ ಕೇಂದ್ರಕ್ಕೆ ಶಂಕುಸ್ಥಾಪನೆ ನಡೆಯಲಿದ್ದು, ಜಿಯಾ ಉಲ್ಲಾ ಷರೀಫ್ ಅವರು ಕೇಂದ್ರಕ್ಕೆ
15 ಕೋಟಿ ರೂ ನೆರವು ನೀಡುವ ಘೋಷಣೆ ಮಾಡಿದ್ದಾರೆ. ತುಮಕೂರಿನಲ್ಲಿ ಪದವಿ ಕಾಲೇಜು ಹಾಗೂ ಹಾಸ್ಟೆಲ್ 
ನಿರ್ಮಾಣಕ್ಕೆ ಸರ್ಕಾರ 2.5 ಕೋಟಿ ರೂ.ಗಳನ್ನು ಮಂಜೂರು ಮಾಡಿದೆ. ಕರ್ನಾಟಕ ವಕ್ಫ್ ಮಂಡಳಿಯು ತನ್ನ 
ವ್ಯಾಪ್ತಿಯಲ್ಲಿರುವ ಹೊಸ ಆಸ್ತಿಗಳ ಸಮೀಕ್ಷೆಯನ್ನು ಶೀಘ್ರದಲ್ಲೇ ನಡೆಸಲಿದೆ ಎಂದು ಅವರು ಈ ಸಂದರ್ಭದಲ್ಲಿ
ಹೇಳಿದ್ದಾರೆ.

Advertisement