# ವಿದ್ಯಾರ್ಥಿಗಳಿಂದ ಎಂ.ಫಿಲ್, ಪಿಎಚ್ ಡಿ ಫೆಲೋಶಿಫ್ ಗೆ ಅರ್ಜಿ ಆಹ್ವಾನ!! ರೂ.10,000  ನಿರ್ವಹಣಾ ಫೆಲೋಶಿಪ್ ನೀಡಿಕೆ

- Link: https://hosakannada.com/news/minority-community-department-invited-applications-for-m-phil-and-phd-fellowship/
- Published: 2022-07-18T18:32:26+00:00
- Author: ಹೊಸಕನ್ನಡ ನ್ಯೂಸ್

ಅಲ್ಪಸಂಖ್ಯಾತ ಸಮುದಾಯದ ವಿದ್ಯಾರ್ಥಿಗಳಿಗೆ ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆ ವತಿಯಿಂದ ಎಂ.ಫಿಲ್ ಮತ್ತು
ಪಿಎಚ್‌ಡಿ ಫೆಲೋಶಿಫ್‌ಗೆ ಅರ್ಜಿ ಆಹ್ವಾನಿಸಲಾಗಿದೆ. ಆಸಕ್ತ ಮತ್ತು ಅರ್ಹ ಅಭ್ಯರ್ಥಿಗಳು ನಿಗದಿತ ದಿನಾಂಕದೊಳಗೆ
ಅರ್ಜಿ ಸಲ್ಲಿಸಬಹುದಾಗಿದೆ.

Sponsored

[2021-22](https://hosakannada.com/news/minority-community-department-invited-applications-for-m-phil-and-phd-fellowship/202122)
ಮತ್ತು [2022-23](https://hosakannada.com/news/minority-community-department-invited-applications-for-m-phil-and-phd-fellowship/202223)
ರ ವರ್ಷದ ಅವಧಿಯ ಎಂ.ಫಿಲ್ ಮತ್ತು ಪಿಎಚ್‌ಡಿ ಗೆ ನೋಂದಣಿ ಮಾಡಿಸಿರುವ ವಿದ್ಯಾರ್ಥಿಗಳು ಮಾತ್ರ ಈ ಫೆಲೋಶಿಫ್‌ಗೆ
ಅರ್ಹರಾಗಿರುತ್ತಾರೆ. ಆನ್‌ಲೈನ್ ಮೂಲಕ ಅರ್ಜಿ ಸಲ್ಲುಸಲು ಅವಕಾಶ ಮಾತ್ರ ನೀಡಲಾಗಿದೆ. ಅರ್ಜಿ ಸಲ್ಲಿಸಲು
ಆಗಸ್ಟ್ 16, 2022 ಅರ್ಜಿ ಸಲ್ಲಿಸಲು ಕೊನೆಯ ದಿನವಾಗಿದೆ.

Advertisement

Advertisement

ವಿಶ್ವ ವಿದ್ಯಾಲಯಗಳಲ್ಲಿ ಪಿಹೆಚ್‌ಡಿ ವ್ಯಾಸಂಗ ಮಾಡುವ ಅಲ್ಪ ಸಂಖ್ಯಾತರ ಸಮುದಾಯಗಳ ವಿದ್ಯಾರ್ಥಿಗಳಿಗೆ
ಮೂರು ವರ್ಷಕ್ಕೆ ಹಾಗೂ ಎಂ ಫಿಲ್ ವ್ಯಾಸಂಗ ಮಾಡುತ್ತಿರುವ ವಿದ್ಯಾರ್ಥಿಗಳಿಗೆ ಎರಡು ವರ್ಷಕ್ಕೆ ಸರ್ಕಾರದಿಂದ
25,000 ರೂ. ಗಳನ್ನು ನೀಡಲಾಗುತ್ತದೆ. ಪ್ರತಿ ವರ್ಷ 10,000 ರೂ. ಗಳನ್ನು ನಿರ್ವಹಣಾ ವೆಚ್ಚವನ್ನು
ಫೆಲೋಶಿಫ್ ಮೂಲಕ ನೀಡಲಾಗುತ್ತದೆ.

ಸೂಚನೆ : ಎಂ.ಫಿಲ್ ಮತ್ತು ಪಿಎಚ್‌ಡಿ ವಿಷಯಗಳ ಫೆಲೋಶಿಫ್‌ಗೆ ಆನ್‌ಲೈನ್ ಮೂಲಕ ಅರ್ಜಿ ಸಲ್ಲಿಸಬೇಕು.
ಅಧಿಕೃತ ವೆಬ್‌ಸೈಟ್ [Sevasindhuservices.karnataka.gov.in](http://Sevasindhuservices.karnataka.gov.in)
ಗೆ ಭೇಟಿ ನೀಡಿ ಅರ್ಜಿ ಸಲ್ಲಿಸಬೇಕು. ಅರ್ಜಿಯ ಕಾಗದದ ಪ್ರತಿಯನ್ನು ಅಗತ್ಯ ದಾಖಲೆಗಳೊಡನೆ ಅಧಿಕಾರ 
ವ್ಯಾಪ್ತಿಯ ಜಿಲ್ಲಾ ಅಲ್ಪಸಂಖ್ಯಾತರ ಕಚೇರಿಗೆ ಸಲ್ಲಿಸತಕ್ಕದ್ದು. ಈ ಯೋಜನೆಯ ವಿವರಗಳಿಗಾಗಿ [https://dom.karnataka.gov.in](https://dom.karnataka.gov.in)
ಗೆ ಭೇಟಿ ನೀಡಿ ಪಡೆಯಬಹುದಾಗಿದೆ.

ಅರ್ಹತೆ : ಅರ್ಜಿ ಸಲ್ಲಿಸುವ ವಿದ್ಯಾರ್ಥಿಗಳು ಕರ್ನಾಟಕದವರಾಗಿರಬೇಕು. ಜೈನ, ಪಾರ್ಸಿ, ಬೌದ್ಧ, ಸಿಖ್,
ಕ್ರಿಶ್ಚಿಯನ್ ಮತ್ತು ಮುಸ್ಲಿಂ ಸಮುದಾಯಕ್ಕೆ ಸೇರಿದವರಾಗಿರಬೇಕು. ಅಭ್ಯರ್ಥಿಗಳು ಪೂರ್ಣಾವಧಿ ಕೋರ್ಸ್‌ಗೆ
ಎನ್‌ರೋಲ್ ಮಾಡಿರಬೇಕು. ವಿದ್ಯಾರ್ಥಿಯ ಪಾಲಕರು ಮತ್ತು ಪೋಷಕರ ಆಧಾಯ ವಾರ್ಷಿಕ 8 ಲಕ್ಷಗಳಿಗಿಂತ ಮೀರಿರಬಾರದು.
ಗರಿಷ್ಠ ವಯೋಮಿತಿ 35 ವರ್ಷಗಳು. ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಇಲಾಖೆಗಳಲ್ಲಿ ಕೆಲಸ ಮಾಡುತ್ತಿರುವ
ಅಭ್ಯರ್ಥಿಗಳು ಅರ್ಜಿ ಸಲ್ಲಿಸುವಂತಿಲ್ಲ.

ಹೆಚ್ಚಿನ ಮಾಹಿತಿಗಾಗಿ ಜಿಲ್ಲಾ ಅಲ್ಪಸಂಖ್ಯಾತರ ಕಚೇರಿ, ಅಲ್ಪಸಂಖ್ಯಾತರ ಕಲ್ಯಾಣ ಇಲಾಖೆಯ ಸಹಾಯವಾಣಿ
ಸಂಖ್ಯೆ- [8277799990](https://hosakannada.com/news/minority-community-department-invited-applications-for-m-phil-and-phd-fellowship/8277799990)
ಗೆ ಸಂಪರ್ಕಿಸಬಹುದಾಗಿದೆ

Advertisement