# ಈ ಬಾರಿ ಬಿಗ್ ಬಾಸ್ ನಡೆಸಲು ಅನುಮತಿ ಕೊಡುವುದಿಲ್ಲ – ಸಚಿವ ರಾಮಲಿಂಗ ರೆಡ್ಡಿ!!

- Link: https://hosakannada.com/news/minister-ramalinga-reddy-will-not-allow-bigg-boss-to-be-held-this-time/
- Published: 2026-08-31T18:51:50+00:00
- Author: ಹೊಸಕನ್ನಡ ನ್ಯೂಸ್

ಸ್ಯಾಂಡಲ್‌ವುಡ್‌ನ ಜನಪ್ರಿಯ ರಿಯಾಲಿಟಿ ಶೋ ‘ಬಿಗ್ ಬಾಸ್ ಕನ್ನಡ’ ಹೊಸ ಸೀಸನ್‌ಗಾಗಿ ಎದುರುನೋಡುತ್ತಿದ್ದ
ವೀಕ್ಷಕರಿಗೆ ನಿರಾಸೆಯ ಸುದ್ದಿ ಒಂದು ಹೊರಬಿದ್ದಿದೆ. ಪರಿಸರ ನಿಯಮಗಳನ್ನು ಸರಿಯಾಗಿ ಪಾಲಿಸದ ಕಾರಣ
ನಿಗದಿತ ವೇಳಾಪಟ್ಟಿಯಂತೆ ಸೆಪ್ಟೆಂಬರ್ 6ರಿಂದ ಆರಂಭವಾಗಬೇಕಿದ್ದ ಬಿಗ್ ಬಾಸ್ ಕಾರ್ಯಕ್ರಮವು ನಿರ್ದಿಷ್ಟ
ದಿನಾಂಕದಂದು ಪ್ರಾರಂಭವಾಗುವುದು ಅನುಮಾನ ಎನ್ನಲಾಗುತ್ತಿದೆ.

Sponsored

ಈ ಕುರಿತಾಗಿ ಸ್ಪಷ್ಟೀಕರಣ ನೀಡಿರುವ ಕರ್ನಾಟಕದ ಅರಣ್ಯ, ಜೀವಿಶಾಸ್ತ್ರ ಮತ್ತು ಪರಿಸರ ಸಚಿವರಾದ ರಾಮಲಿಂಗಾರೆಡ್ಡಿ
ಅವರು, ಜಾಲಿವುಡ್ ಸಂಸ್ಥೆಯು ಈ ಬಾರಿ ಶೋ ನಡೆಸಲು ಸೂಕ್ತ ಅನುಮತಿ ಪಡೆದುಕೊಂಡಿಲ್ಲ ಎಂದು ತಿಳಿಸಿದ್ದಾರೆ.“
ಕಳೆದ ವರ್ಷ ವಿಧಿಸಲಾಗಿದ್ದ ಹಳೆಯ ದಂಡವನ್ನು ಅವರು ಇನ್ನೂ ಪಾವತಿಸಿಲ್ಲ. ಜೊತೆಗೆ ಪರಿಸರ ನಿಯಮಗಳನ್ನು
ಸರಿಪಡಿಸಿಕೊಂಡಿಲ್ಲ ಹಾಗೂ ಎಸ್‌ಟಿಪಿ (STP – Sewage Treatment Plant) ಅಳವಡಿಕೆ ನಿಯಮಗಳನ್ನು
ಪಾಲಿಸಿಲ್ಲ. ಈ ಎಲ್ಲ ಲೋಪಗಳನ್ನು ತಕ್ಷಣವೇ ಸರಿಪಡಿಸಿಕೊಳ್ಳದಿದ್ದರೆ ಬಿಗ್ ಬಾಸ್ ಕಾರ್ಯಕ್ರಮಕ್ಕೆ
ಯಾವುದೇ ಕಾರಣಕ್ಕೂ ಅನುಮತಿ ನೀಡುವುದಿಲ್ಲ” ಎಂದು ಸಚಿವರು ಖಡಕ್ ಎಚ್ಚರಿಕೆ ನೀಡಿದ್ದಾರೆ.

Advertisement

Advertisement

ಕಳೆದ ವರ್ಷವೂ ಇದೇ ರೀತಿಯ ಪರಿಸರ ನಿಯಮಗಳ ಉಲ್ಲಂಘನೆ ಮತ್ತು ಕಾನೂನು ತೊಡಕುಗಳಿಂದಾಗಿ ಬಿಗ್ ಬಾಸ್
ಶೂಟಿಂಗ್ ಹಾಗೂ ಪ್ರಸಾರಕ್ಕೆ ವಿಘ್ನ ಉಂಟಾಗಿತ್ತು. ಈಗ ಮತ್ತೊಮ್ಮೆ ಅದೇ ರೀತಿಯ ಸಮಸ್ಯೆ ಎದುರಾಗಿರುವುದರಿಂದ,
ಬಿಗ್ ಬಾಸ್ ನಿರ್ಮಾಪಕರು ಹಾಗೂ ‘ಕಲರ್ಸ್ ಕನ್ನಡ’ ವಾಹಿನಿಯು ಪರಿಸರ ಮಾಲಿನ್ಯ ನಿಯಂತ್ರಣ ಮಂಡಳಿಯ 
ನಿಯಮಗಳನ್ನು ಶೀಘ್ರವಾಗಿ ಪೂರೈಸಿ ಅನುಮತಿ ಪಡೆಯುವುದು ಕಡ್ಡಾಯವಾಗಿದೆ. ಒಂದು ವೇಳೆ ಸಚಿವರ ಸೂಚನೆಯಂತೆ
ಷರತ್ತುಗಳನ್ನು ಪೂರೈಸಲು ವಿಫಲವಾದರೆ, ಸೆಪ್ಟೆಂಬರ್ 6ರಂದು ಬಿಗ್ ಬಾಸ್ ಶುರುವಾಗುವುದು ಅನುಮಾನ ಎನ್ನಲಾಗಿದೆ.

Advertisement