# ಮಂಗಳೂರು | ಕುಲಶೇಖರ-ಪಡೀಲ್ ನಡುವಿನ ರೈಲ್ವೆ ಹಳಿಯಲ್ಲಿ ಬಿರುಕು, ಹಲವು ರೈಲು ಸಂಚಾರ ರದ್ದು !?

- Link: https://hosakannada.com/news/manglore-railways-news/
- Published: 2021-08-25T16:38:19+00:00
- Author: ಹೊಸಕನ್ನಡ

ಮಂಗಳೂರು: ಕುಲಶೇಖರ-ಪಡೀಲ್ ನಡುವೆ ರೈಲ್ವೆ
ಹಳಿಯಲ್ಲಿ ಬಿರುಕು ಕಾಣಿಸಿಕೊಂಡ ಪರಿಣಾಮವಾಗಿ ಕೆಲವು 
ರೈಲು ಸಂಚಾರ ರದ್ದುಗೊಂಡಿದ್ದು, ಇನ್ನು ಕೆಲವು ರೈಲುಗಳು ವಿಳಂಬವಾಗಿ ಸಂಚರಿಸಿವೆ.

Sponsored

ಕರ್ತವ್ಯದಲ್ಲಿದ್ದ ಚಂದ್ರ ಕುಮಾರ್ ಅವರಿಗೆ ರಾತ್ರಿ 1.10 ರ ವೇಳೆಗೆ ಡೇಂಜರ್ ಸಿಗ್ನಲ್ ಕಂಡು ಬಂದಿದ್ದು,
ತಕ್ಷಣ ರೈಲ್ವೆ ಇಂಜಿನಿಯರ್‌ಗೆ ತಿಳಿಸಿದ್ದಾರೆ. ಸಹಾಯಕ ವಿಭಾಗೀಯ ಅಭಿಯಂತರ ಸ್ಥಳಕ್ಕೆ ಭೇಟಿ ನೀಡಿ
ಪರಿಶೀಲಿಸಿದಾಗ ಹಳಿಯಲ್ಲಿ ಬಿರುಕು ಕಾಣಿಸಿಕೊಂಡಿದೆ. ಈ ನಡುವೆ ಆಗಮಿಸಿದ ರಿಷಿಕೇಶ್-ಕೂಚುವೇಲಿ ಎಕ್ಸ್‌ಪ್ರೆಸ್
ರೈಲನ್ನು ಕುಲಶೇಖರ-ಪಡೀಲ್ ನಡುವೆ ನಿಲ್ಲಿಸಲಾಯಿತು.

Advertisement

Advertisement

ಬಿರುಕು ಬಿಟ್ಟ ಹಳಿಯನ್ನು ಬೆಳಗ್ಗಿನ ವೇಳೆಗೆ ಸರಿಪಡಿಸಲಾಯಿತು. ಮಂಗಳೂರು ಸೆಂಟ್ರಲ್ ಮಡ್‌ಗಾಂವ್ 
ಇಂಟರ್ ಸಿಟಿ ರೈಲು ರದ್ದುಗೊಂಡಿದೆ. ರಿಷಿಕೇಶ್-ಕೂಚುವೇಲಿ ಎಕ್ಸ್‌ಪ್ರೆಸ್ ರೈಲು ಸುಮಾರು 5 ಗಂಟೆ 
ತಡವಾಗಿ ಸಂಚರಿಸಿತು.

ಹಾಗೆಯೇ ತಿರುವನಂತಪುರಂ ನಿಝಾಮುದ್ದೀನ್ ಕೂಚುವೇಲಿ ಎಕ್ಸ್‌ಪ್ರೆಸ್ ರೈಲು 8 ಗಂಟೆ, ಬೆಂಗಳೂರು-ಕಾರವಾರ
ರೈಲು 6 ಗಂಟೆ, ಲೋಕಮಾನ್ಯ ತಿಲಕ್ ಮುಂಬೈ-ತಿರುವನಂತಪುರಂ ನೇತ್ರಾವತಿ ಎಕ್ಸ್‌ಪ್ರೆಸ್ 4 ಗಂಟೆ ತಡವಾಗಿ
ಸಂಚರಿಸಿವೆ. ರೈಲುಗಳಲ್ಲಿದ್ದ ಪ್ರಯಾಣಿಕರಿಗೆ ಆಹಾರ ಹಾಗೂ ನೀರಿನ ವ್ಯವಸ್ಥೆ ಕಲ್ಪಿಸಲಾಗಿದೆ ಎಂದು
ತಿಳಿದುಬಂದಿದೆ.

Advertisement
