# ಸಹಾಯದ ಅಗತ್ಯಬಿದ್ದರೆ, ಕಾರ್ ಟೈರ್ ಚೇಂಜ್ ಮಾಡಿ ಕೊಡಲೂ ಸೈ | ಮಂಗಳೂರು ಪೊಲೀಸರ ಕಾರ್ಯಕ್ಕೆ ರಾಜ್ಯಾದ್ಯಂತ ಶ್ಲಾಘನೆ !!

- Link: https://hosakannada.com/news/mangalore-police-help/
- Published: 2021-07-26T11:06:01+00:00
- Author: ಹೊಸಕನ್ನಡ ನ್ಯೂಸ್

ಮಂಗಳೂರು : ಕ್ರೈಮ್ ನಿಯಂತ್ರಣ ಮಾಡೋದರಲ್ಲಿ ಮತ್ತು ಅಪರಾಧಿಗಳನ್ನು ಪತ್ತೆ ಹಚ್ಚುವುದರಲ್ಲಿ ಸ್ಪೀಡಾಗಿ
ತಲೆ ಓಡಿಸುವ ಮಂಗಳೂರು ಪೊಲೀಸರು ಇವತ್ತು ರಾಜ್ಯಾದ್ಯಂತ ಬೇರೊಂದು ಕಾರಣಕ್ಕೆ ಸುದ್ದಿಯಲ್ಲಿದ್ದಾರೆ.
ಯಾರಿಗಾದರೂ ಸಹಾಯ ಮಾಡುವ ಅಗತ್ಯ ಬಿದ್ದರೆ, ಯಾವುದೇ ಕೆಲಸಕ್ಕೂ ಸೈ ಎಂದು ಈ ಪೋಲೀಸರು ತೋರಿಸಿಕೊಟ್ಟಿದ್ದಾರೆ.

Sponsored

ನಿನ್ನೆ ಮಹಿಳೆಯೊಬ್ಬರಿಗೆ ಪಂಕ್ಚರ್ ಆಗಿದ್ದ ಕಾರಿನ ಟಯರ್ ಬದಲಾಯಿಸಿ ಕೊಡುವ ಮೂಲಕ ಮಂಗಳೂರು ದಕ್ಷಿಣ
ಸಂಚಾರ ( ನಾಗುರಿ) ಠಾಣಾ ಪೊಲೀಸರು ನೆರವಾಗುವ ಮೂಲಕ ತಮ್ಮ ಸಹಾಯದ ಗುಣವನ್ನು ಪ್ರಕಟಿಸಿದ್ದಾರೆ.

Advertisement

Advertisement

ನಿನ್ನೆ, ಭಾನುವಾರ ಸಂಜೆ 6 ಗಂಟೆಗೆ ಕುಂದಾಪುರ ಮೂಲದ ಮಹಿಳೆ ಕಾರಿನಲ್ಲಿ ಪಂಪ್ ವೆಲ್ ಸಮೀಪ ಬರುತ್ತಿದ್ದಂತೆಯೇ
ಟಯರ್ ಪಂಕ್ಚರ್ ಆಗಿತ್ತು. ಆ ವೇಳೆ ಗಸ್ತು ವಾಹನದಲ್ಲಿ ಕರ್ತವ್ಯದಲ್ಲಿದ್ದ ಸಂಚಾರಿ ಪೊಲೀಸರ ಬಳಿ ಟಯರ್
ಹಾಕುವವರ ಬಗ್ಗೆ ವಿಚಾರಿಸಿದರು. ಪಕ್ಕದಲ್ಲಿ ಯಾವುದೇ ಶಾಪ್ ಅವರ ಗಮನಕ್ಕೆ ಬಂದಿಲ್ಲ. ಆಗ ಆ ಮಹಿಳೆಯ
ಅಸಹಾಯಕತೆಯನ್ನು ಗಮನಿಸಿದ ಸಂಚಾರಿ ಪೊಲೀಸರು ಆಕೆಯ ಕಾರ್ ಟಯರನ್ನು ಬದಲಿಸಿ ಕೊಟ್ಟಿದ್ದಾರೆ. ಅವರ 
ಈ ನಡೆ ರಾಜ್ಯಾದ್ಯಂತ ವ್ಯಾಪಕ ಶ್ಲಾಘನೆಗೆ ಕಾರಣವಾಗಿದೆ.

ಈ ಸಂದರ್ಭ ನಾಗುರಿ ಸಂಚಾರಿ ಠಾಣೆ ಎಎಸ್ ಐ ಲಸ್ರಾದೋ, ಸಿಬ್ಬಂದಿ ಮಹೇಶ್ ಹಾಗೂ ಹೋಂಗಾರ್ಡ್ ಆಸೀಫ್ 
ಇದ್ದರು.

Advertisement