# ಶುದ್ಧ ಗಾಳಿಯನ್ನೇ ಮಾರಾಟಕ್ಕಿಟ್ಟ ವ್ಯಕ್ತಿ | ಅಷ್ಟಕ್ಕೂ ಈ ಕಾರ್ಯದ ಹಿಂದಿರುವ ಕಾರಣ ಏನು ಗೊತ್ತಾ?

- Link: https://hosakannada.com/news/man-selling-pure-air/
- Published: 2023-01-21T19:29:22+00:00
- Author: ಕೆ. ಎಸ್. ರೂಪಾ

ಜಗತ್ತು ಡಿಜಿಟಲೀಕರಣದತ್ತ ಹೆಜ್ಜೆ ಹಾಕುತ್ತಿದ್ದಂತೆ ಎಲ್ಲವೂ ಟೆಕ್ನಾಲಾಜಿ ಮಯವಾಗಿದೆ. ಎಲ್ಲಿ ನೋಡಿದರೂ
ಯಂತ್ರಗಳು, ಕಾರ್ಖಾನೆಗಳು, ವಾಹನಗಳ ಸಾಲುಗಳು, ಕಟ್ಟಡಗಳು ಇವೇ ಕಾಣಸಿಗುತ್ತಿದೆ. ಇದೆಲ್ಲದರ ಪರಿಣಾಮವಾಗಿ
ಪರಿಸರ ಮಾಲಿನ್ಯ ಆಗುತ್ತಿದೆ. ಉಸಿರಾಡಲು ಶುದ್ಧ ಗಾಳಿ ಸಿಗದೇ ಹೋಗುವ ಪರಿಸ್ಥಿತಿ ಎದುರಗಿದೆ. ಈ ಕಾರಣದಿಂದಾಗಿಯೇ
ಮುಂದೊಂದು ದಿನ ಶುದ್ಧ ಗಾಳಿ, ಶುದ್ಧ ನೀರು ಸಿಗದೇ ಪರದಾಡುವಂತೆ ಆಗುವುದರಲ್ಲಿ ಸಂಶಯವಿಲ್ಲ ಎನ್ನಬಹುದು.

Sponsored

ಇಂತಹ ಎಲ್ಲಾ ಆಲೋಚನೆಗಳನ್ನು ಮನಸ್ಸಿನಲ್ಲಿ ಇಟ್ಟುಕೊಂಡು ಇಲ್ಲೊಬ್ಬ ವ್ಯಕ್ತಿ ಶುದ್ಧ ಗಾಳಿಯನ್ನೇ 
ಮಾರಾಟಕ್ಕೆ ಇಟ್ಟಿದ್ದಾನೆ. ಹೌದು. ಥೈಲ್ಯಾಂಡ್​ ಮೂಲದ ವ್ಯಕ್ತಿಯೊಬ್ಬ ತನ್ನ ಫಾರ್ಮ್​ನಲ್ಲಿ ಶುದ್ಧಗಾಳಿ
ಮಾರಾಟ ಮಾಡುತ್ತಿದ್ದಾನೆ. ಅಷ್ಟಕ್ಕೂ ಈ ಶುದ್ಧಗಾಳಿಯ ಬೆಲೆ ಎಷ್ಟು ಗೊತ್ತಾದರೆ ಶಾಕ್ ಆಗೋದು ಖಂಡಿತ.
ಯಾಕಂದ್ರೆ ಆತ ಬರೋಬ್ಬರಿ 2,500 ರೂಪಾಯಿಗೆ ಶುದ್ಧ ಗಾಳಿಯನ್ನು ಮಾರಾಟ ಮಾಡುತ್ತಿದ್ದಾನೆ.

Advertisement

Advertisement

52 ವರ್ಷದ ರೈತ ದುಸಿತ್​ ಕಚೈ ಫಾರ್ಮ್​ ನಡೆಸುತ್ತಿದ್ದು, ಫು ಲೇನ್​ ಖಾ ನ್ಯಾಷನಲ್​ ಪಾರ್ಕ್ ಬಳಿ
ಇರುವ ಈ ಫಾರ್ಮ್​​​ಗೆ ಭೇಟಿ ನೀಡುವ ಪ್ರವಾಸಿಗರು ಉಸಿರಾಡುವ ಶುದ್ಧಗಾಳಿಗೂ ವೆಚ್ಚವನ್ನು ಹಾಕುತ್ತಿದ್ದಾನೆ.
ಇದರೊಂದಿಗೆ ಮಕ್ಕಳು ,ಮತ್ತು ವೃದ್ಧರಿಗೆ ಉಚಿತ ವಸತಿ, ಆಹಾರವನ್ನು ನೀಡುತ್ತಾನೆ. ದುಸಿತ್​ ಪರಿಸರ
ಸಮೂಹ ತಂಡವನ್ನು ಮುನ್ನಡೆಸುತ್ತಿದ್ದು, ಈ ಫಾರ್ಮ್​ ಇರುವ ಪ್ರದೇಶವು ಕಾಡು ಮತ್ತು ಬೆಟ್ಟಗಳಿಂದ ಆವೃತವಾಗಿದೆ.
ಹಾಗಾಗಿ ಶುದ್ಧಗಾಳಿಯು ಬೀಸುತ್ತಿದೆ ಎಂದು ದುಸಿತ್​ ಉಸಿರಾಡುವ ಗಾಳಿಗೂ ವೆಚ್ಚ ಹಾಕುತ್ತಿದ್ದಾನೆ.

ರೈತ ದುಸಿತ್, ​ ಓಝೋನ್​ ಸವಕಳಿ, ಹವಾಮಾನ ಬದಲಾವಣೆ, ಜಾಗತಿಕ ತಾಪಮಾನ ಮತ್ತು ಕಲುಷಿತ ಗಾಳಿಯಿಂದ 
ತಪ್ಪಿಸಿಕೊಳ್ಳಲು ಜನರು ಹೆಚ್ಚು ನೈಸರ್ಗಿಕ ಪ್ರದೇಶವನ್ನು ಹುಡುಕುತ್ತಿದ್ದಾರೆ. ಈ ಕಾರಣಕ್ಕೆ ಫಾರ್ಮ್​
ಗೆ ಭೇಟಿ ನೀಡುವ ಪ್ರವಾಸಿಗರಿಗೆ ಶುದ್ಧ ಗಾಳಿಗೂ ಸಹ ವೆಚ್ಚ ಹಾಕುತ್ತಿದ್ದಾನೆ ಎಂದು ರೈತ ತಿಳಿಸಿದ್ದಾನೆ.
ಬಹುಶಃ ಈತನ ಈ ಶುದ್ಧ ಗಾಳಿ ಮಾರಾಟ ಎನ್ನುವ ಅರ್ಥ ಪೂರ್ಣ ವ್ಯಾಪಾರದಿಂದಾದರೂ ಜನರು ಗಾಳಿಯ ಬೆಲೆ ತಿಳಿಯಬಹುದು
ಎಂಬುದು ನಂಬಿಕೆ…

Advertisement