# ರಸ್ತೆಯಲ್ಲೇ ಸ್ನಾನ, ಧ್ಯಾನ ಎಲ್ಲಾ ಮಾಡುತ್ತಿರುವ ವ್ಯಕ್ತಿ ; ಅಧಿಕಾರಿಗಳ ಕಣ್ತೆರೆಸುವ ವಿಭಿನ್ನ ಪ್ರತಿಭಟನೆಯ ವೀಡಿಯೋ ವೈರಲ್

- Link: https://hosakannada.com/news/man-protested-against-potholes-on-road/
- Published: 2022-08-10T14:33:14+00:00
- Author: ನಿಶ್ಮಿತಾ ಎನ್.

ವ್ಯಕ್ತಿಯೊಬ್ಬರ ದೈನಂದಿನ ಕ್ರಿಯೆಯೆಲ್ಲಾ ರಸ್ತೆಯಲ್ಲಿ ಮಾಡುವಂತಹ ವೀಡಿಯೋ ವೈರಲ್ ಆಗಿದೆ. ಆದ್ರೆ,
ಇದು ನೀವು ಅಂದುಕೊಂಡ ರೀತಿ ಆತ ಮನೆಯಿಲ್ಲದೇ ಇರೋ ಅಲೆಮಾರಿ ಅಂತೂ ಅಲ್ಲ, ಹುಚ್ಚನೂ ಅಲ್ಲ. ಆತನೊಬ್ಬ
ಜನರಿಗಾಗಿ ಪ್ರತಿಭಟಿಸೋ ಮಹಾನುಭಾವ. ಅಷ್ಟಕ್ಕೂ ಆತನ ಈ ಕೆಲಸಕ್ಕೆ ಕಾರಣ ಏನೂ ಎಂಬುದು ಮುಂದೆ ಓದಿ..

Sponsored

ಈ ಘಟನೆ ಕೇರಳದ ಮಲಪ್ಪುರಂ ಪ್ರದೇಶದಲ್ಲಿ ನಡೆದಿದ್ದು, ಈ ವ್ಯಕ್ತಿ ರಸ್ತೆಯ ಗುಂಡಿಗಳ ವಿರುದ್ಧ ಅತ್ಯಂತ
ವಿಶಿಷ್ಟ ರೀತಿಯಲ್ಲಿ ಪ್ರತಿಭಟನೆ ನಡೆಸುತ್ತಿದ್ದಾರೆ. ಈ ಘಟನೆಯ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ 
ಸಿಕ್ಕಾಪಟ್ಟೆ ವೈರಲ್‌ ಆಗಿದೆ. ಮಾತಿನಿಂದ ಕ್ರಮ ಕೈಗೊಳ್ಳದ ಅಧಿಕಾರಿಗಳಿಗೆ ಈ ರೀತಿಯಾಗಿ ಅರಿವು ಮೂಡಿಸಲು
ಹೊರಟಿದ್ದಾರೆ.

Advertisement

Advertisement

ವೀಡಿಯೋದಲ್ಲಿ ಇರುವಂತೆ, ಆ ವ್ಯಕ್ತಿಯು ಮಳೆ ನೀರಿನಿಂದ ತುಂಬಿದ ಗುಂಡಿಯಲ್ಲಿ ಸ್ನಾನ ಮಾಡುತ್ತಿರುವುದನ್ನು
ಕಾಣಬಹುದು. ಅವನು ತನ್ನ ಬಟ್ಟೆಗಳನ್ನು ಕೆಸರಿನ ನೀರಿನಲ್ಲಿ ಒಗೆಯುವುದನ್ನು ಸಹ ನೋಡಬಹುದು. ಅಷ್ಟೇ
ಅಲ್ಲದೆ, ನೀರು ತುಂಬಿದ ಗುಂಡಿಯಲ್ಲಿ ಯೋಗ ಮಾಡುತ್ತಾನೆ.

ಈ ವೇಳೆ ಸ್ಥಳೀಯ ಶಾಸಕ ಯು.ಎ.ಲತೀಫ್ ಅವರ ಕಾರು ಸ್ಥಳಕ್ಕೆ ತಲುಪಿದೆ. ಆಗ ಗುಂಡಿಯಲ್ಲಿ ಧ್ಯಾನ ಮಾಡಲು
ಪ್ರಾರಂಭಿಸಿದನು. ಅಲ್ಲದೆ, ಆ ವ್ಯಕ್ತಿ ನಂತರ ಶಾಸಕರ ಮುಂದೆ ಮತ್ತೊಂದು ನಿಂತಿರುವ ಯೋಗ ಭಂಗಿಯನ್ನು
ಮಾಡಲು ಎದ್ದು ನಿಲ್ಲುತ್ತಾನೆ.

ಈ ವ್ಯಕ್ತಿ ಹಂಝ ಪೊರಾಲಿ ಎಂಬುವವರಾಗಿದ್ದು, ರಸ್ತೆ ಗುಂಡಿ ವಿರುದ್ಧ ಕ್ರಮಕೈಗೊಳ್ಳಲು ಈ ಮೂಲಕ ಅವರು
ಅಧಿಕಾರಿಗಳ ಗಮನ ಸೆಳೆದಿದ್ದಾರೆ. ಒಟ್ಟಾರೆ, ಇವರ ರೋಡ್ ಧ್ಯಾನ, ಸ್ನಾನ ಎಲ್ಲೆಡೆ ಫುಲ್ ವೈರಲ್ ಆಗಿದೆ.

> [#WATCH](https://x.com/hashtag/WATCH?src=hash&ref_src=twsrc%5Etfw) | Kerala: A
> man in Malappuram protested against potholes on roads in a unique way by bathing&
> performing yoga in a water-logged pothole in front of MLA on the way [pic.twitter.com/XSOCPrwD5f](https://t.co/XSOCPrwD5f)
> — ANI (@ANI) [August 9, 2022](https://x.com/ANI/status/1557045691452911622?ref_src=twsrc%5Etfw)

Advertisement