# Maharastra : ಜಿಲ್ಲಾ ಪಂಚಾಯತ್ ಚುನಾವಣೆಯಲ್ಲಿ ಅಕ್ಕನನ್ನು ಎರಡು ವೋಟಿನಿಂದ ಸೋಲಿಸಿದ ತಂಗಿ!!

- Link: https://hosakannada.com/news/maharashtra-sister-defeats-sister-by-two-votes-in-zilla-panchayat-elections/
- Published: 2026-02-11T15:40:58+00:00
- Author: ಹೊಸಕನ್ನಡ ನ್ಯೂಸ್

Maharastra : ಮಹಾರಾಷ್ಟ್ರದಲ್ಲಿ ಜಿಲ್ಲಾ ಪಂಚಾಯತ್ ಚುನಾವಣೆ ನಡೆಯುತ್ತಿದ್ದು, ಅದರ ಭರಾಟೆ ಜೋರಾಗಿ
ನಡೆಯುತ್ತಿದೆ. ಇದೀಗ 12 ಚುನಾವಣೆಗಳ ಫಲಿತಾಂಶ ಹೊರ ಬಿದ್ದಿದೆ. ಈ ಚುನಾವಣೆಯಲ್ಲಿ ಅಕ್ಕತಂಗಿಯರ ನಡುವಿನ
ಸೆಣೆಸಾಟ ಒಂದು ಸೋಶಿಯಲ್ ಮೀಡಿಯಾದಲ್ಲಿ ಸದ್ದು ಮಾಡುತ್ತಿದೆ. ಕಾರಣ ತಂಗಿ ಒಬ್ಬಳು ಅಕ್ಕನನ್ನು ಬರಿ
ಎರಡೇ ವೋಟಿನಿಂದ ಸೋಲಿಸಿದ್ದಾಳೆ.

Sponsored

ಹೌದು, ಲಾತೂರ್‌ನ ಫಲಿತಾಂಶವು ಇಡೀ ದೇಶದ ಗಮನ ಸೆಳೆದಿದೆ. ಇಲ್ಲಿ ತಂಗಿ ತನ್ನ ಅಕ್ಕನನ್ನು ಕೇವಲ ಎರಡು
ಮತಗಳಿಂದ ಸೋಲಿಸಿದ್ದಾರೆ. ಅಂದಹಾಗೆ ಲಾತೂರ್ ಜಿಲ್ಲೆಯ ರೇನಾಪುರ ತಾಲೂಕಿನ ಕಾಮ್ಖೇಡ ಜಿಲ್ಲಾ ಪರಿಷತ್
ಚುನಾವಣೆಯಲ್ಲಿ, ಇಬ್ಬರು ಸೋದರಿಯರು ಪರಸ್ಪರ ವಿರುದ್ಧವಾಗಿ ಕಣಕ್ಕೆ ಇಳಿದಿದ್ದರು. ಆಶಾತಾಯಿ ಭಿಸೆ
ಕಾಂಗ್ರೆಸ್ ಟಿಕೆಟ್‌ನಲ್ಲಿ ಚುನಾವಣೆಗೆ ನಿಂತಿದ್ದರೆ, ಅಕ್ಕ ಸರಿತಾ ಭಿಸೆ ಬಿಜೆಪಿಯಿಂದ ಕಣಕ್ಕೆ ಇಳಿದಿದ್ದರು.
ಹೀಗಾಗಿ ಚುನಾವಣಾ ಹೋರಾಟವು ಸಾಕಷ್ಟು ಸುದ್ದಿಯಾಗಿತ್ತು. 

Advertisement

Advertisement

ಈ ಚುನಾವಣೆಯ ಫಲಿತಾಂಶ ಸೋಮವಾರ ಹೊರಬಿದ್ದಿದ್ದು, ಇದರಲ್ಲಿ, ಕಾಂಗ್ರೆಸ್‌ನಿಂದ ಸ್ಪರ್ಧೆ ಮಾಡಿ ಗೆಲುವು
ಸಾಧಿಸುವ ಅನುಮಾನದಲ್ಲಿದ್ದ ತಂಗಿ ಆಶಾತಾಯಿ ಭಿಸೆ, ಬಿಜೆಪಿಯಿಂದ ಸ್ಪರ್ಧೆ ಮಾಡಿದ್ದ ಅಕ್ಕ ಸರಿತಾ 
ಭಿಸೆ ಅವರನ್ನು ಕೇವಲ ಎರಡು ಮತಗಳಿಂದ ಸೋಲಿಸಿ ದೇಶದ ಗಮನ ಸೆಳೆಯುವಂತೆ ಮಾಡಿದ್ದಾರೆ.

ಇನ್ನೂ ಲಾತೂರ್ ಜಿಲ್ಲಾ ಪರಿಷತ್ ಚುನಾವಣೆಯಲ್ಲಿ, ಬಿಜೆಪಿ 59 ಸ್ಥಾನಗಳಲ್ಲಿ 18 ಸ್ಥಾನಗಳನ್ನು ಗೆದ್ದಿದೆ.
ಎನ್‌ಸಿಪಿ 12 ಮತ್ತು ಶಿವಸೇನೆ 1 ಸ್ಥಾನವನ್ನು ಪಡೆದಿದೆ. ಈ ಮೂರು ಪಕ್ಷಗಳು 31 ಸ್ಥಾನಗಳನ್ನು ಗೆದ್ದಿವೆ.
ಇದರಿಂದಾಗಿ, ಮಹಾಯುತಿ ಸ್ಪಷ್ಟ ಬಹುಮತವನ್ನು ಪಡೆದಿದೆ.

Advertisement