# 200 ರೂ ಬಾಡಿಗೆ ಕೇಳಿದ ಆಟೋ ಚಾಲಕನಿಗೆ ಹೊಡೀತು ಲಾಟ್ರಿ – ಆಟೋದೊಳಗೇ ಕೂತು ಆತನ ಜೊತೆ ಮದುವೆ ಫಿಕ್ಸ್ ಮಾಡಿಕೊಂಡ ಯುವತಿ !!

- Link: https://hosakannada.com/news/lottery-hits-auto-driver-who-asked-for-rs-200-as-rent-young-woman-fixes-marriage-while-sitting-inside-auto/
- Published: 2026-06-10T12:54:00+00:00
- Author: ಹೊಸಕನ್ನಡ ನ್ಯೂಸ್

ಬಾಡಿಗೆಯಾಗಿ 200 ರೂಪಾಯಿ ಕೇಳಿದ ಆಟೋ ಚಾಲಕನನ್ನು ಯುವತಿ ಒಬ್ಬಳು ಸ್ಥಳದಲ್ಲೇ ಗಂಡನೆಂದು ಒಪ್ಪಿಕೊಂಡು
ಮದುವೆಯಾಗಲು ಮುಂದಾಗಿರುವ ಘಟನೆ ಇತ್ತೀಚಿಗೆ ಸೋಶಿಯಲ್ ಮೀಡಿಯಾದಲ್ಲಿ ವೈರಲಾಗಿದೆ.

Sponsored

ಸಾಮಾನ್ಯವಾಗಿ ಹುಡುಗಿಯರು ಮದುವೆ ಅಂದ ತಕ್ಷಣ ಸಾಫ್ಟ್‌ವೇರ್ ಇಂಜಿನಿಯರ್, ದೊಡ್ಡ ಬಿಸಿನೆಸ್‌ಮ್ಯಾನ್
ಅಥವಾ ಸರ್ಕಾರಿ ಕೆಲಸದಲ್ಲಿರುವ ಹುಡುಗನೇ ಬೇಕು ಎಂದು ಹುಡುಕುತ್ತಾರೆ. ಆದರೆ, ಬೆಂಗಳೂರಿನಲ್ಲಿ ಕಾವ್ಯ
ಎಂಬ ಹುಡುಗಿಯೊಬ್ಬಳು ಆಟೋದಲ್ಲಿ ಪ್ರಯಾಣಿಸುವಾಗ ಆಟೋ ಚಾಲಕ ಪ್ರಯಾಣದ ಚಾರ್ಜ್ ಎಂದು 200 ರೂಪಾಯಿ 
ಪಡೆದಿದ್ದಾನೆ. ಆಗ ಕುತೂಹಲಕ್ಕಾಗಿ ಆಟೋ ಡ್ರೈವರ್ ಬಳಿ ಒಂದು ದಿನಕ್ಕೆ ಎಷ್ಟು ದುಡಿಯುತ್ತೀರಾ ಎಂದು
ಕೇಳಿದ್ದಾಳೆ. ಅದಕ್ಕೆ ಆತ ಖರ್ಚೆಲ್ಲ ಕಳೆದು ದಿನಕೆ ಎರಡು ಸಾವಿರ ರೂಪಾಯಿ ಉಳಿಯುತ್ತದೆ ಎಂದಿದ್ದಾನೆ.

Advertisement

Advertisement

ಆಟೋ ಚಾಲಕ ಮಾತು ಕೇಳಿ ಕಾವ್ಯ ಅವರು ಸ್ವಲ್ಪವೂ ತಡ ಮಾಡಲಿಲ್ಲ. ಆಟೋದಿಂದ ಕೆಳಗಿಳಿಯುತ್ತಿದ್ದಂತೆ 
ತಕ್ಷಣವೇ ತನ್ನ ಅಮ್ಮನಿಗೆ ಫೋನ್ ಹಚ್ಚುತ್ತಾರೆ. ಫೋನ್ ರಿಸೀವ್ ಆಗುತ್ತಿದ್ದಂತೆ ಅತ್ಯಂತ ಖುಷಿ ಮತ್ತು
ಉತ್ಸಾಹದಿಂದ, “ಅಮ್ಮ, ನೀನು ನನಗಾಗಿ ಹುಡುಗನನ್ನು ಹುಡುಕುವುದು ಬೇಡ, ನನಗೆ ನನ್ನ ಗಂಡ ಸಿಕ್ಕಿಬಿಟ್ಟ!”
ಎಂದು ನೇರವಾಗಿ ಹೇಳಿಬಿಡುತ್ತಾರೆ. ಮಗಳ ಈ ಮಾತು ಕೇಳಿ ಅವರ ಅಮ್ಮನಿಗೆ ಒಂದು ಕ್ಷಣ ಶಾಕ್ ಆಗುತ್ತದೆ.
ಆಮೇಲೆ ಕಾವ್ಯ ಅವರು ನಡೆದ ಘಟನೆಯನ್ನು, ಆಟೋ ಚಾಲಕನ ಪ್ರಾಮಾಣಿಕತೆ ಮತ್ತು ಆತನ ದುಡಿಮೆಯ ಘನತೆಯನ್ನು
ವಿವರಿಸಿ ಹೇಳುತ್ತಾರೆ. ಜೀವನದಲ್ಲಿ ದೊಡ್ಡ ದೊಡ್ಡ ಕನಸುಗಳನ್ನು ಇಟ್ಟುಕೊಂಡು ಸಾಲದ ಸುಳಿಯಲ್ಲಿ ಸಿಲುಕುವ
ಹುಡುಗರಿಗಿಂತ, ಸ್ವಂತ ಕಾಲಿನ ಮೇಲೆ ನಿಂತು ಪ್ರಾಮಾಣಿಕವಾಗಿ ದುಡಿಯುವ ಇಂತಹ ಹುಡುಗನೇ ತನಗೆ ಸೂಕ್ತ
ಎಂದು ಕಾವ್ಯ ನಿರ್ಧರಿಸುತ್ತಾರೆ. 

ಸದ್ಯ ಈ ವಿಚಾರ ಬೆಂಗಳೂರಿನಲ್ಲಿ ನಡೆದಿದೆ ಎಂದು ಸೋಶಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗುತ್ತಿದೆ. ಆದರೆ
ಇದು ಜನರು ಕಟ್ಟಿದ ಕಾಲ್ಪನಿಕ ಕಥೆ ಎಂದು ಕೆಲವರು ಹೇಳುತ್ತಿದ್ದಾರೆ. ಯಾಕೆಂದರೆ ಅಧಿಕೃತವಾಗಿ ಇಂತಹ
ಘಟನೆ ಬೆಂಗಳೂರಿನಲ್ಲಿ ಎಲ್ಲಿಯೂ ಸಂಭವಿಸಿಲ್ಲ. ಎಲ್ಲಿಯೂ ದಾಖಲು ಕೂಡ ಆಗಿಲ್ಲ. ಹೀಗಾಗಿ ಇದು ಜನರೇ
ಹೆಣೆದ ಕಥೆ ಎಂದು ಭಾವಿಸಲಾಗಿದೆ.

Advertisement