# Viral News: 1872 ರ ಪುರಾತನ ಮನೆಯೊಳಗೆ ಗಾಜಿನ ಬಾಟಲಿಯಲ್ಲಿ ಸಿಕ್ತು ಪುಟಾಣಿ ಬಾಲಕಿ ಬರೆದ ಪತ್ರ ! 1975 ರಲ್ಲಿ ಬರೆದ ಆ ಪತ್ರದಲ್ಲೇನಿತ್ತು ?

- Link: https://hosakannada.com/news/latest-news-viral-news-letter-written-by-a-little-girl-found-in-a-glass-bottle-inside-an-ancient-house/
- Published: 2023-07-05T12:27:50+00:00
- Author: ವಿದ್ಯಾ ಗೌಡ

Viral News: 1872 ರ ಪುರಾತನ ಮನೆಯ ಗೋಡೆಯ ಹಿಂದೆ
 ಗಾಜಿನ ಬಾಟಲಿಯಲ್ಲಿ ಅಡಗಿಸಿಟ್ಟ ಪತ್ರವೊಂದು
ಪತ್ತೆಯಾಗಿದೆ. ಇದೀಗ ಮನೆ ದುರಸ್ತಿ ಕಾರ್ಯ ನಡೆಸುತ್ತಿದ್ದಾಗ ಪತ್ರ ಸಿಕ್ಕಿದೆ. ಸದ್ಯ ಪತ್ರದಲ್ಲಿ
ಬರೆದಿದ್ದ ವಿಚಾರಗಳು ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ (Viral News) ಆಗುತ್ತಿದೆ. ಅಷ್ಟಕ್ಕೂ ಆ ಪತ್ರದಲ್ಲಿ
ಏನಿತ್ತು ಗೊತ್ತಾ?

Sponsored

ಅಮೆರಿಕದ ಇಲಿನಾಯ್ಸ್‌ನ ಟೇಜ್‌ವೆಲ್ ಪ್ರದೇಶದ ಪುರಾತನ ಮನೆಯೊಂದರಲ್ಲಿ ಈ ಪತ್ರ ಸಿಕ್ಕಿದೆ. ಮನೆಯ 
ದುರಸ್ತಿ ಕಾರ್ಯ ನಡೆಸುತ್ತಿದ್ದಾಗ ಪತ್ರ ಸಿಕ್ಕಿದ್ದು, ಲಿವಿಂಗ್ ರೂಮ್​ನ ಮರದ ಗೋಡೆಯ ಮೇಲೆ ರಹಸ್ಯ
ಮಾರ್ಗವನ್ನು ಸೂಚಿಸುವಂತೆ ಬಾಣದ ಗುರುತು ಹಾಕಿ Note 9/29/1975 ಎಂದು ಬರೆದಿದ್ದು, ಇದನ್ನು ಡಕೋಟ
ಮೋನ್​ ಎಂಬ ಕಾರ್ಪೆಂಟರ್ ನೋಡಿದ್ದಾರೆ. ಅಲ್ಲಿ ನೋಡುವಾಗ ಗೋಡೆಯ ಹಿಂದಿನ ಬಾಟಲಿಯೊಳಗೆ ಎರಡು ಪುಟಗಳ
ಪತ್ರಗಳು ಸಿಕ್ಕಿದೆ. ಅದನ್ನು 14 ವರ್ಷದ ಸ್ಟೆಫನಿ ಹೆರಾನ್ ಎಂಬ ಬಾಲಕಿ ಬರೆದಿದ್ದಳು.

Advertisement

Advertisement

![](https://hosakannada.com/wp-content/uploads/2023/07/WhatsApp-Image-2023-07-05-
at-12.23.37-PM.jpeg)

ಪತ್ರದಲ್ಲಿ ‘ ನನ್ನ ಹೆಸರು ಸ್ಟೆಫನಿ ಹೆರಾನ್. ಈ ಮನೆ 1872 ರಲ್ಲಿ ನಿರ್ಮಾಣವಾಗಿದೆ. ನಾನು ನನ್ನ
ತಾಯಿ-ತಂದೆಯೊಂದಿಗೆ ವಾಸಿಸುತ್ತಿದ್ದೇನೆ. ನನ್ನ ತಾಯಿ ಗರ್ಭಿಣಿ’ ಎಂದು ಬರೆಯಲಾಗಿದೆ. ಸದ್ಯ ಈ ಪತ್ರದ
ಬಗ್ಗೆ ಮೋನ್ ಸೋಷಿಯಲ್ ಮೀಡಿಯಾದಲ್ಲಿ ಹಂಚಿಕೊಂಡಿದ್ದಾರೆ. “ನಾನು ಬಡಗಿಯಾಗಿ ನನ್ನ ವೃತ್ತಿಜೀವನದಲ್ಲಿ
ಬಹಳಷ್ಟು ವಿಷಯಗಳನ್ನು ಕಂಡುಕೊಂಡಿದ್ದೇನೆ ಆದರೆ ಇದು ಎಲ್ಲದಕ್ಕಿಂತ ಮಿಗಿಲಾದುದು” ಎಂದು ಬರೆದುಕೊಂಡಿದ್ದಾರೆ.

ಪೋಸ್ಟ್ ವೈರಲ್ ಆಗುತ್ತಿದ್ದಂತೆ ಸ್ಟೆಫನಿ ಹೆರಾನ್ ಪೋಸ್ಟ್​ ನೋಡಿ, ಪ್ರತಿಕ್ರಿಯೆ ನೀಡಿದ್ದಾರೆ. ‘
ಇದನ್ನು ನಾನು ಬರೆದದ್ದು, ನೋಟಿನ ಬಗ್ಗೆ ಕೇಳಿ ನಾನು ಶಾಕ್​ ಆದೆ’ ಎಂದು ಕಾಮೆಂಟ್ ಮಾಡಿದ್ದಾರೆ. 
ಹೆರಾನ್ 14 ವರ್ಷದ ಬಾಲಕಿಯಾಗಿದ್ದಾಗ ಬರೆದು ಪತ್ರ ಇದಾಗಿದೆ. ಈಗ ಹೆರಾನ್ ಗೆ 61 ವರ್ಷ.

ಇದನ್ನು ಓದಿ:[ Harley-Davidson X440 : ಭಾರತಕ್ಕೆ Harley Davidson ಭರ್ಜರಿ ಎಂಟ್ರಿ ! ರಾಜ ರಸ್ತೆಗಳಲ್ಲಿ ಎನ್ಫೀಲ್ಡ್ ಬುಲೆಟ್ Vs ಹಾರ್ಲೆ ಡೇವಿಡ್ ಸನ್ ಸ್ಟಾರ್ ವಾರ್ ಶುರು ! ](https://hosakannada.com/2023/07/05/latest-news-technology-harley-davidson-x440-the-bike-model-has-been-launched-in-india/)

Advertisement
