# Cyber fraud: ಸಿಂಗಲ್ ಆಗಿದ್ದ 75ರ ವೃದ್ಧೆಗೆ ಮಿಂಗಲ್ ಆಗೋ ಬಯಕೆ! ನಂಬಿಸಿ, ಲಕ್ಷ ಲಕ್ಷ ಉಡಾಯಿಸಿದ ಕಿರಾತಕ!

- Link: https://hosakannada.com/news/latest-news-cyber-fraud-old-woman-meets-german-man-online-gets-scammed/
- Published: 2023-06-26T15:48:51+00:00
- Author: Mallika

Cyber fraud:  ಸೈಬರ್ ಕ್ರೈಂ ನಂತಹ ಪ್ರಕರಣಗಳು ದಿನೇ ದಿನೇ ಹೆಚ್ಚಾಗುತ್ತಲೇ ಇದೆ. ಸಾಮಾಜಿಕ ಮಾಧ್ಯಮ,
ಮೆಸೆಜ್​, ಓಟಿಪಿ, ಲಿಂಕ್​ಗಳ (Link) ಮೂಲಕ ಹ್ಯಾಕರ್ಸ್​ ಹಣವನ್ನು ದೋಚುತ್ತಲೇ ಇದ್ದಾರೆ. ಡೇಟಿಂಗ್​
ಆ್ಯಪ್​​ಗಳು ಕೂಡ ಈಗ ಸೈಬರ್​ (Cyber fraud) ಕ್ರೈಂನ ಹೊಸ ವಂಚನೆಯ ಜಾಲವಾಗಿದೆ. ಮೊದಲೆಲ್ಲ ಹನಿಟ್ಯ್ರಾಪ್​
ಮಾಡಲಾಗುತ್ತಿತ್ತು. ಇತ್ತೀಚೆಗೆ ನೇರವಾಗಿ ಪ್ರೀತಿಸಿ, ನಂಬಿಸಿ ಹಣವನ್ನು ದೋಚುವುದು ಸಾಮಾನ್ಯವಾಗಿದೆ.
ಇದೀಗ ಅಂತಹುದೇ ಘಟನೆಯೊಂದು ಮುಂಬೈ ನಗರದಲ್ಲಿ ಬೆಳಕಿಗೆ ಬಂದಿದೆ.

Sponsored

ಮುಂಬೈ ನಗರದ ದಾದರ್​ನಲ್ಲಿ (Mumbai Dadar) ವಾಸಿಸುತ್ತಿರುವ 75 ವರ್ಷದ ಮಹಿಳೆಯೊಬ್ಬರಿಗೆ ಮದುವೆಯಾಗುತ್ತೇನೆಂದು
ನಂಬಿಸಿ, ಲಕ್ಷ ಲಕ್ಷ ಪಂಗನಾಮ ಹಾಕಿರುವ ಘಟನೆ ನಡೆದಿದೆ.

Advertisement

Advertisement

ಮಹಿಳೆಯು ಆನ್​ಲೈನ್​ನಲ್ಲಿ (Online) ಸಂಗಾತಿಯನ್ನು (Partner) ಹುಡುಕುತ್ತಿದ್ದರು. ಈ ವೇಳೆ ಆಕೆಯ
ವಾಟ್ಸಪ್​ಗೆ ಸಂದೇಶವೊಂದು ಬಂದಿದ್ದು, ಅದರಲ್ಲಿ ತನ್ನನ್ನು ಕ್ರಿಸ್ ಪಾಲ್ ಎಂದು ಪರಿಚಯಿಸಿಕೊಂಡಿದ್ದು
ಹಾಗೂ ತಾನೂ ಜರ್ಮನ್​ ಪ್ರಜೆ ಎಂದಿದ್ದಾನೆ. ತನ್ನ ಪತ್ನಿ ಮೃತಪಟ್ಟಿರುವುದರಿಂದಾಗಿ ತಾನೂ ಕೂಡ ಮದುವೆಯಾಗಲು
ಸಂಗಾತಿಯನ್ನು ಹುಡುಕುತ್ತಿರುವುದಾಗಿ ತಿಳಿಸಿದ್ದಾನೆ.​ ಅಲ್ಲದೆ ತಾನೊಬ್ಬ ಶ್ರೀಮಂತ ಮನೆತನಕ್ಕೆ ಸೇರಿದವನಾಗಿದ್ದು,
ತಾವು ಬಯಸಿದರೆ ನಿಮ್ಮನ್ನು ಮದುವೆಯಾಗುತ್ತೇನೆ ಎಂದು ಪ್ರೀತಿಯ ಮಾತುಗಳನ್ನಾಡಿ ಮಹಿಳೆಯನ್ನು ಮೋಸದ
ಜಾಲಕ್ಕೆ ಸಿಲುಕಿಸಿದ್ದಾನೆ.

ತಾನು ಶೀಘ್ರದಲ್ಲಿ ಮುಂಬೈಗೆ ಬರಲಿದ್ದೇನೆಂದು ಆ ಮಹಿಳೆಗೆ ಮದುವೆಯ ಆಸೆಯನ್ನು ಹುಟ್ಟಿಸಿದ್ದಾನೆ. 
ಸ್ವಲ್ಪ ದಿನಗಳ ನಂತರ ಆ ವ್ಯಕ್ತಿ ಮತ್ತೆ ಮಹಿಳೆಗೆ ಕರೆಮಾಡಿ, ಕೆಲವು ದುಬಾರಿ ಉಡುಗೊರೆಗಳನ್ನು ಕಳುಹಿಸಿದ್ದಾಗಿ
ಹೇಳಿದ್ದಾನೆ. ಸ್ವಲ್ಪ ಸಮಯದಲ್ಲೇ ಮತ್ತೊಬ್ಬ ಮಹಿಳೆ ಸಂತ್ರಸ್ತೆಗೆ ಕರೆ ಮಾಡಿ, ತಾನು ಕಸ್ಟಮ್ಸ್ ಇಲಾಖೆಯ
ಅಧಿಕಾರಿ ಎಂದು ಪರಿಚಯಿಸಿಕೊಂಡು, ನಿಮಗೆ ಪಾರ್ಸಲ್​ ಬಂದಿದ್ದು, 3.85 ಲಕ್ಷ ಸುಂಕ ಕಟ್ಟಬೇಕೆಂದು 
ಹೇಳಿದ್ದಾಳೆ. ಅದನ್ನು ನಂಬಿದ ವೃದ್ಧ ಮಹಿಳೆ ಹಣವನ್ನು ನೀಡಿದ್ದಾಳೆ.

ಆದರೆ ಮಹಿಳೆ ಹಣ ನೀಡಿದ ನಂತರ ಯಾವುದೇ ಉಡುಗೊರೆಯನ್ನೂ ಸ್ವೀಕರಿಸಲಿಲ್ಲ ಈ ಬಗ್ಗೆ ವ್ಯಕ್ತಿಗೆ ತಿಳಿಸಿದಾಗ,
ಆತನು ಮುಂಬೈಗೆ ಬಂದಾಗ ಆ ಹಣವನ್ನು ನೀಡುವುದಾಗಿ ಮಹಿಳೆಯನ್ನು ನಂಬಿಸಿದ್ದಾನೆ. ಕೆಲವು ದಿನಗಳ ನಂತರ
ಮಹಿಳೆಗೆ ಮತ್ತೆ ಕರೆ ಮಾಡಿದ್ದಾರೆ. ತಾನು ಮುಂಬೈನಲ್ಲಿದ್ದೇನೆ, ಆದರೆ ವಿದೇಶಿ ಕರೆನ್ಸಿ ಇರುವುದರಿಂದ
ಕಸ್ಟಮ್ಸ್​ ಅಧಿಕಾರಿಗಳ ಕೈಗೆ ಸಿಕ್ಕಿಬಿದ್ದಿದ್ದೇನೆ ಎಂದು ಹೇಳಿದ್ದಾನೆ. ಅಲ್ಲಿಂದ ಹೊರಬರಲು ಎಂಟು
ಲಕ್ಷ ರೂಪಾಯಿ ಅವಶ್ಯಕತೆ ಇರುವುದರಿಂದ, ಕಳುಹಿಸುವಂತೆ ಮಹಿಳೆಗೆ ಮನವಿ ಮಾಡಿದ್ದಾನೆ. ಅಲ್ಲದೆ ತಾನೂ
ಭೇಟಿ ಮಾಡುವಾಗ ಎಲ್ಲಾ ಹಣವನ್ನು ಒಟ್ಟಿಗೆ ಕೊಡುವುದಾಗಿ ಹೇಳಿ 8 ಲಕ್ಷ ಹಣವನ್ನು ತನ್ನ ಖಾತೆಗೆ ವರ್ಗಾಯಿಸಿಕೊಂಡಿದ್ದಾನೆ.
ಎಂದು ಹಿರಿಯ ಪೊಲೀಸ್ ಅಧಿಕಾರಿ ದೀಪಕ್ ಚೌಹಾಣ್ ಮಾಧ್ಯಮಕ್ಕೆ ತಿಳಿಸಿದ್ದಾರೆ.

ಆರೋಪಿಗಳು ನೈಜೀರಿಯನ್​ ಸೈಬರ್​ ಕಾನ್ ಗ್ಯಾಂಗ್ (Nigerian cyber con gang)​ ಸದಸ್ಯರು ಎಂದು 
ತಿಳಿದುಬಂದಿದ್ದು, ಅವರು ಜರ್ಮನ್​ ಪ್ರಜೆ ಎಂದು ನಂಬಿಸಿ ಮಹಿಳೆಗೆ ಮೋಸ ಮಾಡಿದ್ದಾರೆ. ಎಂದು ಪೊಲೀಸರು(
Police) ಮಾಹಿತಿಯನ್ನು ನೀಡಿದ್ದಾರೆ.

Advertisement