# Cheaper Gold: ಚಿನ್ನ ಪ್ರಿಯರಿಗೆ ಸಿಹಿ ಸುದ್ದಿ! ಇಲ್ಲಿ ಭಾರತಕ್ಕಿಂತಲೂ ಅತೀ ಕಡಿಮೆ ಬೆಲೆಯಲ್ಲಿ ಸಿಗುತ್ತೆ ಚಿನ್ನ!! ಖರೀದಿಗೆ ಜನ ಮುಗಿ ಬೀಳೋದಂತೂ ಪಕ್ಕಾ!!!

- Link: https://hosakannada.com/news/latest-news-cheaper-gold-here-gold-is-available-at-a-much-lower-price-than-in-india/
- Published: 2023-07-28T14:51:24+00:00
- Author: ವಿದ್ಯಾ ಗೌಡ

Cheaper Gold: ಆಭರಣ ಪ್ರಿಯರಿಗೆ ಸಿಹಿ ಸುದ್ದಿ ಇಲ್ಲಿದೆ. ಇಲ್ಲಿ ಭಾರತಕ್ಕಿಂತಲೂ ಅತೀ ಕಡಿಮೆ ಬೆಲೆಗೆ
ಚಿನ್ನ ಸಿಗುತ್ತದೆ. ಎಲ್ಲಿ ಗೊತ್ತಾ? ಭೂತಾನ್​ನಲ್ಲಿ. ಭೂತಾನ್ ವಿಶ್ವದಲ್ಲಿ ಅತ್ಯಂತ ಕಡಿಮೆ ಬೆಲೆಗೆ
ಚಿನ್ನ (Cheaper Gold) ಸಿಗುವ ದೇಶಗಳಲ್ಲಿ ಒಂದು. ಭೂತಾನ್​ನ ಕೆಲ ನಿರ್ದಿಷ್ಟ ನಗರಗಳಲ್ಲಿ ಪ್ರವಾಸಿಗರಿಗೆಂದು
ಡ್ಯೂಟಿ ಫ್ರೀ ಚಿನ್ನವನ್ನು (Tax Free Gold) ಮಾರಲಾಗುತ್ತದೆ‌. ನೀವು ಇಲ್ಲಿ ಯಾವುದೇ ಸುಂಕ, ತೆರಿಗೆ
ಇಲ್ಲದೇ ಚಿನ್ನವನ್ನು ಖರೀದಿಸಬಹುದು.

Sponsored

ಭಾರತದಲ್ಲಿ 24 ಕ್ಯಾರಟ್ ಚಿನ್ನದ ಬೆಲೆ 10 ಗ್ರಾಮ್​ಗೆ 60,000 ರೂಗಿಂತ ಹೆಚ್ಚಿದೆ. ಭೂತಾನ್​ನಲ್ಲಿ
ಇದರ ಬೆಲೆ 43,000 ಬಿಟಿಎನ್ (ಭೂತಾನ್ ಕರೆನ್ಸಿ) ಆಸುಪಾಸಿನಲ್ಲಿದೆ. ಭೂತಾನ್​ನ ನುಗುಲ್​ಟ್ರುಮ್ 
ಕರೆನ್ಸಿ ಮತ್ತು ರುಪಾಯಿ ಸಮಾನ ಬೆಲೆ ಹೊಂದಿವೆ. ಹೀಗಾಗಿ, ಭೂತಾನ್​ನಲ್ಲಿ 24 ಕ್ಯಾರೆಟ್​ನ 10 ಗ್ರಾಮ್
ಚಿನ್ನವನ್ನು 43,000 ರುಪಾಯಿಗೆ ಖರೀದಿಸಬಹುದು.

Advertisement

Advertisement

ಆದರೆ, ಕೆಲ ಷರತ್ತುಗಳಿವೆ. ಭೂತಾನ್ ಸರ್ಕಾರ ನಿರ್ದಿಷ್ಟಪಡಿಸಿದ ಟೂರಿಸ್ಟ್ ಹೋಟೆಲ್​ನಲ್ಲಿ ಕನಿಷ್ಠ
1 ರಾತ್ರಿಯಾದರೂ ಉಳಿಯಬೇಕು. ದಿನಕ್ಕೆ ಎಸ್​ಡಿಎಫ್ ಶುಲ್ಕ ಪಾವತಿಸಬೇಕು. ಭಾರತೀಯರಾದರೆ ಒಬ್ಬ ವ್ಯಕ್ತಿಗೆ
ದಿನಕ್ಕೆ 1,200 ರೂನಿಂದ 1,800 ರೂ ಪಾವತಿಸಬೇಕು. ಬೇರೆ ದೇಶಗಳವರಾದರೆ ಒಬ್ಬ ವ್ಯಕ್ತಿ ದಿನಕ್ಕೆ 
65ರಿಂದ 200 ಡಾಲರ್ ಅಂದರೆ 5,350 ರೂನಿಂದ 16,500 ರೂನವರೆಗೆ ಶುಲ್ಕ ಪಾವತಿಸಬೇಕು.

ಹಾಗೇ ಭೂತಾನ್​ನಲ್ಲಿ ಪ್ರವಾಸಿಗರಿಗೆ ಎಲ್ಲೆಂದರಲ್ಲಿ ಚಿನ್ನ ಖರೀದಿಸಲು ಸಾಧ್ಯವಾಗುವುದಿಲ್ಲ. ಚಿನ್ನ
ಬೇಕೆನ್ನುವವರು ಭೂತಾನ್​ನ ಥಿಂಫು ಮತ್ತು ಫ್ಯೂಂಟ್​ಶೋಲಿಂಗ್ ಪಟ್ಟಣಗಳಿಗೆ ಹೋಗಬೇಕು. ಅಲ್ಲಿ ಹಣಕಾಸು
ಸಚಿವಾಲಯದ ವತಿಯಿಂದ ನಡೆಸಲಾಗುವ ಕೆಲ ಮಳಿಗೆಗಳಲ್ಲಿ ಡ್ಯೂಟಿ ಫ್ರೀ ಚಿನ್ನವನ್ನು ಮಾರಲಾಗುತ್ತದೆ. 
ಅಲ್ಲಿ ಅಗ್ಗದ ಬೆಲೆಗೆ ಚಿನ್ನ ಖರೀದಿಸಬಹುದು. ಭೂತಾನ್​ನಲ್ಲಿರುವ ಕಾನೂನಿನ ಪ್ರಕಾರ, ಭಾರತದ ಪುರುಷನೊಬ್ಬ
50,000 ರೂ, ಹಾಗು ಭಾರತೀಯ ಮಹಿಳೆ 1 ಲಕ್ಷ ರೂವರೆಗೂ ಚಿನ್ನವನ್ನು ಖರೀದಿಸಬಹುದು. ಅಂದಹಾಗೆ ಈ ಚಿನ್ನಕ್ಕೆ
ಹಣದ ಪಾವತಿಯನ್ನು ಡಾಲರ್​ನಲ್ಲೇ ಮಾಡಬೇಕು.

 

ಇದನ್ನು ಓದಿ:[ ITR Filing: ಅನ್ನದಾತ ಐಟಿ ರಿಟರ್ನ್ಸ್ ಸಲ್ಲಿಸುವ ಅಗತ್ಯವಿದೆಯೇ? ಏನಿದು ಹೊಸ ಚರ್ಚೆ!!!](https://hosakannada.com/2023/07/28/latest-news-itr-filing-should-farmers-file-it-returns/)

Advertisement