# Latest news: ಹೋಗಿ ಹೋಗಿ ಪೊಲೀಸ್ ವಾಹನಕ್ಕೇ ಕೈ ತೋರಿಸಿ ನಿಲ್ಲಿಸಿ, ಸೀಟ್ ಬೆಲ್ಟ್  ಎಲ್ರೀ ಎಂದ ಹುಡುಗರು – ಮುಂದೇನಾಯ್ತು ಎಂದು ಊಹಿಸಿ !

- Link: https://hosakannada.com/news/latest-news-boys-stopped-the-police-vehicle-and-asked-where-the-seat-belt/
- Published: 2023-10-13T16:32:32+00:00
- Author: ಹೊಸಕನ್ನಡ

ಪೊಲೀಸ್​ ವಾಹನವನ್ನೇ ತಡೆದು ನಿಲ್ಲಿಸಿ, ‘ ನೀವು ಸೀಟ್​ ಬೆಲ್ಟ್​ ಎಲ್ರೀ, ಯಾಕೆ ಧರಿಸಿಲ್ಲ ಸೀಟ್
ಬೆಲ್ಟ್, ರೂಲ್ಸ್ ಗೊತ್ತಿಲ್ವಾ ?’ ಎಂದು ಪ್ರಶ್ನೆ ಮಾಡಿದ ಯುವಕರಿಬ್ಬರನ್ನು ಬಂಧಿಸಿರುವ ಘಟನೆ ಪೊಲೀಸರ
ನಡೆಗೆ ಸಾರ್ವಜನಿಕರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಯುವಕರ ರಕ್ಷಣೆಗೆ ಸ್ಥಳೀಯರು ಧಾವಿಸಿದ ಸಂಗತಿ
ಕೂಡಾ ತಿಳಿದುಬಂದಿದೆ.

Sponsored

ಕೇರಳದ ಪನೂರ್ ಎಂಬಲ್ಲಿ ಈ ಘಟನೆ ನಡೆದಿದ್ದು, ಬಂಧಿತ ಯುವಕರನ್ನು ಫಯಿಜ್ ಮತ್ತು ಸನೂಪ್​ ಎಂದು ಗುರುತಿಸಲಾಗಿದೆ.
ಪೊಲೀಸ್​ ಸಿಬ್ಬಂದಿ ಸೀಟ್​ ಬೆಲ್ಟ್​ ಧರಿಸದೇ ಇರುವುದನ್ನು ನೋಡಿದ ಯುವಕರು ತಕ್ಷಣ ಕಾರನ್ನು ತಡೆದು
ಪ್ರಶ್ನೆ ಮಾಡಿದ್ದಾರೆ. ಆದರೆ, ಅವರ ವಿರುದ್ಧವೇ ಕಾರು ತಡೆದು ಪೊಲೀಸರಿಗೆ ಬೆದರಿಕೆ ಹಾಕಿದ ಆರೋಪದ
ಮೇಲೆ ಪ್ರಕರಣ ದಾಖಲಿಸಿ ಬಂಧನ ಮಾಡಿದ್ದಾರೆ.

Advertisement

Advertisement

ಈ ಘಟನೆಗೆ ಹಿನ್ನೆಲೆಯಲ್ಲಿ ಸದರಿ ಯುವಕರು ಮತ್ತು ಪೊಲೀಸರ ಮಧ್ಯೆ ಸಣ್ಣ ಮನಸ್ತಾಪ ಇತ್ತು. ಇದೀಗ ಬಂಧಿತ
ಯುವಕರು ಹೆಲ್ಮೆಟ್​ ಧರಿಸದೇ ವಾಹನ ಓಡಿಸುವ ಅಭ್ಯಾಸ ಉಳ್ಳವರಾಗಿದ್ದರು. ಹೀಗಾಗಿ ಈ ಹಿಂದೆ ಅವರನ್ನು
ತಡೆದ ಪೊಲೀಸರು ದಂಡ ವಿಧಿಸಿದ್ದರು. ಈಗ ಈ ಯುವಕರು ಪೊಲೀಸ್​ ವಾಹನವನ್ನು ತಡೆದು ಸೀಟ್​ ಬೆಲ್ಟ್​ 
ಧರಿಸದಿರುವುದನ್ನು ಪ್ರಶ್ನೆ ಮಾಡಿದ್ದಾರೆ. ಅಲ್ಲದೆ, ಕಾನೂನು ಎಲ್ಲರಿಗೂ ಒಂದೇ ಎಂದಿದ್ದಾರೆ. ಈ ವೇಳೆ
ಪೊಲೀಸ್​ ಅಧಿಕಾರಿಗೂ ಮತ್ತು ಯುವಕರ ನಡುವೆ ಮಾತಿನ ಚಕಮಕಿಯಾಗೋಡೆ. ಅಲ್ಲದೆ ಅಲ್ಲಿದ್ದ ಸ್ಥಳೀಯರು 
ಸಹ ಯುವಕರ ನೆರವಿಗೆ ಧಾವಿಸಿದ್ದಾರೆ ಮತ್ತು ಪೊಲೀಸ್​ ಅಧಿಕಾರಿಯನ್ನು ತರಾಟೆಗೆ ತೆಗೆದುಕೊಂಡಿದ್ದಾರೆ.

ಬಳಿಕ ಪ್ರಶ್ನೆ ಮಾಡಿದ ಯುವಕರ ವಿರುದ್ಧವೇ ಪೊಲೀಸರು ಪ್ರಕರಣ ದಾಖಲಿಸಿ, ಬಂಧಿಸಿದ್ದಾರೆ. ಈ ಘಟನೆಗೆ
ಪೂರಕ ವಿಡಿಯೋ ಒಂದು ಈಗ ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿದ್ದು, ಪೊಲೀಸರ ನಡೆಯನ್ನು ನೆಟ್ಟಿಗರು
ಜನರು ಖಂಡಿಸಿದ್ದಾರೆ. ಕಾನೂನು ಎಲ್ಲರಿಗೂ ಒಂದೇ, ನೀವೇನು ಪ್ರಶ್ನಾತೀತರಲ್ಲ ಎಂದು ಪ್ರಶ್ನೆ ಮಾಡಿದ್ದಾರೆ.

 

ಇದನ್ನು ಓದಿ: [Government Employee: ದಿನಗೂಲಿ ನೌಕರರ ವೇತನದಲ್ಲಿ ಭಾರೀ ಹೆಚ್ಚಳ ?! ಇಲ್ಲಿದೆ ನೋಡಿ ಸಂಪೂರ್ಣ ವಿವರ](https://hosakannada.com/2023/10/13/7th-pay-commission-government-employee-news-here-is-the-details-about-daily-wage-workers-salary-hike-latest-updates/)

Advertisement