# Jaipur: ಪತ್ನಿಗೆ ಜೀವನಾಂಶ ನೀಡಲು 280 ಕೆಜಿ ನಾಣ್ಯಗಳ ಮೂಟೆ ಸಮೇತ ಕೋರ್ಟ್ ಗೆ ಹಾಜರ್ ಆದ ಪತಿರಾಯ !

- Link: https://hosakannada.com/news/latest-national-news-husband-gave-55000-compensation-money-to-wife-as-form-of-coin-in-family-court-at-jaipur-rajasthan/
- Published: 2023-06-21T10:06:11+00:00
- Author: ವಿದ್ಯಾ ಗೌಡ

Jaipur : ಪತ್ನಿಗೆ (wife) ಜೀವನಾಂಶ ನೀಡಲು ಗಂಡ 280 ಕೆಜಿ ನಾಣ್ಯಗಳ ಮೂಟೆ ಸಮೇತ ಕೋರ್ಟ್ ಗೆ ಹಾಜರ್
ಆದ ಘಟನೆ ರಾಜಸ್ಥಾನದ ಜೈಪುರದಲ್ಲಿ (Jaipur) ನಡೆದಿದೆ. ಕೇವಲ ನಾಣ್ಯದಿಂದಲೇ 55 ಸಾವಿರ ರೂ. ಒಟ್ಟುಗೂಡಿಸಿ,
ಪತ್ನಿಯ ಜೀವ​ನಾಂಶ​ವನ್ನು ನೀಡಿರುವುದು ವಿಭಿನ್ನವಾಗಿದೆ.

Sponsored

ದಶರಥ್‌ ಕುಮಾವತ್ ಹಾಗೂ ಸೀಮಾ ಹತ್ತು ವರ್ಷಗಳ ಹಿಂದೆ ವಿವಾಹವಾಗಿದ್ದರು. ನಂತರ ಈ ದಂಪತಿ ವಿಚ್ಛೇದನ
ಪಡೆದಿದ್ದು, ನ್ಯಾಯಾಲಯವು ವಿಚ್ಛೇದನವಾಗಿ ಸೀಮಾಗೆ ಮಾಸಿಕ 5 ಸಾವಿರ ನೀಡುವಂತೆ ಆದೇಶ ಹೊರಡಿಸಿತ್ತು.
ಆದರೆ ದಶರಥ್‌ ಹಣ‌ ನೀಡಿರಲಿಲ್ಲ. ಹಾಗಾಗಿ ಆತನನ್ನು ಜೂನ್ 17 ರಂದು
 ಬಂಧಿ​ಸ​ಲಾ​ಗಿತ್ತು.

Advertisement

Advertisement

ನಂತರದಲ್ಲಿ ಈತ ತನ್ನ ವಿಚ್ಛೇದಿತ (divorce) ಪತ್ನಿಗೆ 11 ತಿಂಗಳ ಜೀವನಾಂಶವನ್ನು ಒಟ್ಟಿಗೆ ನೀಡಿದ್ದಾನೆ.
11 ತಿಂಗಳ 55 ಸಾವಿರ ರೂ. ಹಣವನ್ನು ನಾಣ್ಯಗಳ ರೂಪದಲ್ಲಿ ನೀಡಿ​ದ್ದಾನೆ. ಒಂದು ಹಾಗೂ ಎರಡು ರೂಪಾಯಿಯ
ನಾಣ್ಯಗಳನ್ನು ಒಟ್ಟು 7 ಚೀಲಗಳಲ್ಲಿ ತುಂಬಿಸಿ ಮೂಟೆ ಸಮೇತ ಕೋರ್ಟ್ ಗೆ ಹಾಜರ್ ಆಗಿದ್ದಾನೆ.

ದಶರಥ್‌’ನ ಈ ವರ್ತನೆಗೆ ಮನೆಯವರು ಸೇರಿದಂತೆ ಕೋರ್ಟ್ ನಲ್ಲಿದ್ದವರೇ ಶಾಕ್ ಆಗಿದ್ದಾರೆ. ಅಲ್ಲದೆ, 
ಪತ್ನಿ ಸೀಮಾ ಕಡೆ ವಕೀಲರು ಇದು ಒಂದು ರೀತಿಯ ಹಿಂಸೆ ಎಂದು ಆರೋಪಿಸಿದ್ದಾರೆ. ಅದಕ್ಕಾಗಿ ನ್ಯಾಯಾಲಯ,
ಜೂ.26 ರಂದು ಕೋ​ರ್ಟನಲ್ಲಿಯೇ ಈ ಎಲ್ಲ ನಾಣ್ಯಗಳನ್ನು ದಶರಥ್‌ ಕಡೆಯವರೇ ಎಣಿಕೆ ಮಾಡಿ ವಿಚ್ಚೇದಿತ 
ಪತ್ನಿಗೆ ನೀಡಬೇಕು ಎಂದು ಆದೇಶಿಸಿದೆ.

ಇದನ್ನೂ ಓದಿ: [Adipurush: ಮತ್ತೊಂದು ವಿವಾದಕ್ಕೆ ಕಾರಣವಾಯ್ತು ‘ಆದಿಪುರುಷ್’ !! ಪೊಲೀಸ್ ಭದ್ರತೆಯೊಂದಿಗೆ ‘ಹನುಮಂತ ದೇವರೇ ಅಲ್ಲ’ ಎಂದ ಸಂಭಾಷಣೆಕಾರ !!](https://hosakannada.com/2023/06/21/cinema-news-aadipurush-co-writer-manoj-muntashir-gives-controversial-statement-hanuman-is-not-god-he-is-devoteel/)

Advertisement
