# KSRTC : ರೀಲ್ಸ್ ನೋಡುತ್ತಾ 80KM ಸ್ಪೀಡ್ ನಲ್ಲಿ ಬಸ್ ಚಲಾಯಿಸಿದ KSRTC ಚಾಲಕ!!

- Link: https://hosakannada.com/news/ksrtc-driver-drives-bus-at-80km-speed-while-reels-watch/
- Published: 2026-02-07T13:19:47+00:00
- Author: ಹೊಸಕನ್ನಡ ನ್ಯೂಸ್

KSRTC : ಸೋಷಿಯಲ್ ಮೀಡಿಯಾ (Social Media) ರೀಲ್ಸ್ ಗಳನ್ನು (Reels) ಮಾಡುವವರ ಹಾವಳಿ ಹೆಚ್ಚಾಗುವುದಕ್ಕಿಂತ
ಅದನ್ನು ನೋಡುವವರ ಸಂಖ್ಯೆಯೇ ಹೆಚ್ಚುತ್ತಿದೆ. ನೋಡುವವರು ಯಾವಾಗಲೂ ನೋಡಿಕೊಳ್ಳಲಿ ಬಿಡಿ, ಆದರೆ KSRTC
ಡ್ರೈವರ್ (Driver) ಒಬ್ಬ ಗಾಡಿ ಓಡಿಸುವಾಗಲೇ ರೀಲ್ಸ್ ನೋಡುತ್ತಾ ಹುಚ್ಚಾಟ ಮೆರೆದಿದ್ದಾನೆ.

Sponsored

ಹೌದು, ಮಳವಳ್ಳಿಯಿಂದ ಮೈಸೂರಿಗೆ ತೆರಳುತ್ತಿದ್ದ KSRTC ಬಸ್ ಚಾಲಕನೊಬ್ಬರು ಬಸ್‌ ಓಡಿಸುವಾಗಲೇ ಮೊಬೈಲ್‌ನಲ್ಲಿ
ರೀಲ್ಸ್ ನೋಡುತ್ತಿದ್ದ ಭೀಕರ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ. ಯಸ್, KSRTC ಬಸ್‌ನ
ಚಾಲಕ ಮಹೇಶ್ ಎಂಬುವರು ಸ್ಟೇರಿಂಗ್ ಬಳಿ ಮೊಬೈಲ್‌ ಇಟ್ಟುಕೊಂಡು ರೀಲ್ಸ್ ನೋಡುತ್ತಾ ಬಸ್‌ ಓಡಿಸುತ್ತಿರೋ
ವಿಡಿಯೋ ಎಲ್ಲೆಡೆ ವೈರಲ್ ಆಗಿದೆ. ಬಸ್ ಸುಮಾರು 70-80 ಕಿ.ಮೀ. ವೇಗದಲ್ಲಿ ಚಲಿಸುತ್ತಿದ್ದ ಮಹೇಶ್ 
ಆ ಸಮಯದಲ್ಲಿ ಚಾಲಕನ ಗಮನ ಸಂಪೂರ್ಣವಾಗಿ ಮೊಬೈಲ್ ಮೇಲೆ ಇತ್ತು ಎಂದು ವಿಡಿಯೋ ನಿಖರವಾಗಿ ತೋರಿಸುತ್ತದೆ.

Advertisement

Advertisement

ಇನ್ನೂ ಈ ವಿಚಾರ ವೈರಲ್ ಆದ ಕೂಡಲೇ ಅಧಿಕಾರಿಗಳು ಅಲರ್ಟ್ ಆಗಿದ್ದಾರೆ. ಜನರ ಜೀವದ ಜೊತೆ ಆಟ ಆಡ್ತಿದ್ದ
ಚಾಲಕ ಮಹೇಶ್‌ನನ್ನು ತಕ್ಷಣದಿಂದಲೇ ಜಾರಿಗೆ ಬರುವಂತೆ ಅಮಾನತ್ತು (Suspension) ಮಾಡಿ ಆದೇಶ ಹೊರಡಿಸಲಾಗಿದೆ.
ಮಂಡ್ಯ ವಿಭಾಗದ ಕೆಎಸ್‌ಆರ್‌ಟಿಸಿ ನಿಯಂತ್ರಣಾಧಿಕಾರಿಗಳು ಈ ಖಡಕ್ ಆದೇಶ ನೀಡಿದ್ದಾರೆ.

ಸುದ್ದಿ ಪ್ರಸಾರವಾಗ್ತಿದ್ದಂತೆ ಸ್ವತಃ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ಅವರೇ ಈ ಬಗ್ಗೆ ಮಾಹಿತಿ ಪಡೆದುಕೊಂಡಿದ್ದಾರೆ.
ವಿಡಿಯೋ ನೋಡಿ ಗರಂ ಆದ ಸಚಿವರು, ಮಂಡ್ಯ ವಿಭಾಗದ ಶಿಸ್ತುಪಾಲನಾ ಅಧಿಕಾರಿಗೆ ಕೂಡಲೇ ಕ್ರಮ ಕೈಗೊಳ್ಳುವಂತೆ
ಸ್ಟ್ರಿಕ್ಟ್ ಆಗಿ ಸೂಚನೆ ನೀಡಿದ್ರು. ಸಚಿವರ ಸೂಚನೆ ಸಿಕ್ತಿದ್ದಂಗೆ ಅಧಿಕಾರಿಗಳು ಆಕ್ಷನ್ ತೆಗೆದುಕೊಂಡಿದ್ದಾರೆ.

Advertisement