# Namibia: ’83 ಆನೆ, 100 ಕಾಡುಕೋಣ ಸೇರಿದಂತೆ 723 ಕಾಡು ಪ್ರಾಣಿಗಳನ್ನು ಕೊಲ್ಲಿ, ಮಾಂಸವನ್ನು ಜನರಿಗೆ ಹಂಚಿ’ – ನಮೀಬಿಯಾ ಸರ್ಕಾರದ ಆದೇಶ !!

- Link: https://hosakannada.com/news/kill-723-wild-animals-including-83-elephants-100-wild-boars-distribute-the-meat-to-the-people-namibian-government-order/
- Published: 2024-08-28T15:15:32+00:00
- Author: ಹೊಸಕನ್ನಡ ನ್ಯೂಸ್

Namibia: ಬರದಿಂದ ತತ್ತರಿಸಿ, ಆಹಾರ ಸಿಗದೆ ಕಂಗಾಲಾಗಿರುವ ಜನರ ಹಸಿವನ್ನು ನೀಗಿಸಲ ಸರ್ಕಾರವೇ ಕಾಡುಪ್ರಾಣಿಗಳನ್ನು(
Wild Animals) ಕೊಂದು, ಜನರಿಗೆ ಅದರ ಮಾಂಸವನ್ನು ಹಂಚಬೇಕೆಂದು ಸರ್ಕಾರ ಆದೇಶಿಸಿದೆ.

Sponsored

ಅರೆ ಏನಪ್ಪಾ ಕಾಡು ಪ್ರಾಣಿಗಳನ್ನು ಭಾರತದಲ್ಲಿ (India) ಕೊಲ್ಲಲು ನಿಷೇಧವಿದೆ. ಆದರೆ ಇದೆಂತಾ ಹೊಸ
ನಿಯಮ? ಕ್ರೌರ್ಯ ಎಂದು ಅಚ್ಚರಿಯಾಯಿತೇ? ಅಷ್ಟಕ್ಕೂ ಇದು ನಡೆದದ್ದು ಭಾರತದಲ್ಲಿ ಅಲ್ಲ. ಬದಲಿಗೆ ನಮೀಬಿಯಾ(
Namibia) ದಲ್ಲಿ. ಹೌದು, ತೀವ್ರ ಬರಗಾಲದಿಂದ ಆಹಾರಕ್ಕಾಗಿ ಹೆಣಗಾಡುತ್ತಿರುವ ತನ್ನ ದೇಶದ ಜನರಿಗೆ
ಮಾಂಸವನ್ನು ವಿತರಿಸುವುದಾಗಿ ಸರ್ಕಾರ ಹೇಳಿದೆ.

Advertisement

Advertisement

ಅಂದಹಾಗೆ ನಮೀಬಾ ಬರದಿಂದ (Drought) ತತ್ತರಿಸಿದ ಕಾರಣ ಜನ ಕಂಗಾಲಾಗಿದ್ದಾರೆ. ಹೀಗಾಗಿ ತನ್ನ ಜನರಿಗೆ
ಆಹಾರ ಒದಗಿಸುವ ನಿಟ್ಟಿನಲ್ಲಿ ಸರ್ಕಾರವು 83 ಆನೆಗಳು (Elephants) ಸೇರಿದಂತೆ 723 ಕಾಡು ಪ್ರಾಣಿಗಳನ್ನು
ಕೊಲ್ಲುವ ಯೋಜನೆಯನ್ನು ರೂಪಿಸಿದೆ.

**ಯಾವೆಲ್ಲಾ ಪ್ರಾಣಿಗಳ ಕೊಲೆ?**
 ಆನೆಗಳ ಜೊತೆಗೆ, 30 ಹಿಪ್ಪೋಗಳು, 60 ಎಮ್ಮೆಗಳು, 50 ಇಂಪಾಲಾಗಳು,
100 ನೀಲಿ ಕಾಡುಕೋಣಗಳು, 300 ಜೀಬ್ರಾಗಳು ಮತ್ತು 100 ಎಲ್ಯಾಂಡ್‌ಗಳನ್ನು ಕೊಲ್ಲಲು ಯೋಜಿಸಿದೆ. ವೃತ್ತಿಪರ
ಬೇಟೆಗಾರರು ಮತ್ತು ಸರ್ಕಾರದಿಂದ ಗುತ್ತಿಗೆ ಪಡೆದ ಕಂಪನಿಗಳು ಈಗಾಗಲೇ 157 ಪ್ರಾಣಿಗಳನ್ನು ಬೇಟೆಯಾಡಿ,
56,800 ಕೆಜಿ ಮಾಂಸವನ್ನು ಜನರಿಗೆ ನೀಡಲಾಗಿದೆ.

**ಏನಿದು ಬೀಕರ ಬರಗಾಲ?**
 ದಕ್ಷಿಣ ಆಫ್ರಿಕಾವು ಪ್ರಸ್ತುತ ದಶಕಗಳಲ್ಲಿ ಅತ್ಯಂತ ಭೀಕರ ಬರವನ್ನು ಅನುಭವಿಸುತ್ತಿದೆ.
ವಿಶ್ವಸಂಸ್ಥೆಯು ವರದಿ ಮಾಡಿದಂತೆ ಜುಲೈನಲ್ಲಿ ನಮೀಬಿಯಾ ಸಂಗ್ರಹಿಸಿಟ್ಟಿದ್ದ ಮೀಸಲು ಆಹಾರದಲ್ಲಿ 84%
ರಷ್ಟು ಆಹಾರ ಖಾಲಿಯಾಗಿದೆ. ನಮೀಬಿಯಾದ ಜನಸಂಖ್ಯೆಯ ಅರ್ಧದಷ್ಟು ಜನರು ಮುಂಬರುವ ತಿಂಗಳುಗಳಲ್ಲಿ ಭಾರೀ
ಆಹಾರದ ಸಮಸ್ಯೆ ಎದುರಿಸಬಹುದು. ಪರಿಸರ ಸಚಿವಾಲಯವು ಕೂಡಲೇ ಮಧ್ಯಪ್ರವೇಶಿಸದಿದ್ದರೆ ಭೀಕರ ಬರಗಾಲವು
ಮಾನವ-ವನ್ಯಜೀವಿ ಸಂಘರ್ಷವನ್ನು ಹೆಚ್ಚಿಸುವ ಸಾಧ್ಯತೆಯಿದೆ ಎಂದು ಎಚ್ಚರಿಸಿತ್ತು.

Advertisement
