# ಹಾಫ್‌ ಹೆಲ್ಮೆಟ್‌ಗೆ ನಿಷೇಧ ಹೇರಿದ ಕರ್ನಾಟಕ ಸರಕಾರ

- Link: https://hosakannada.com/news/karnataka-government-bans-half-helmets/
- Published: 2026-10-08T10:09:05+00:00
- Author: ಹೊಸಕನ್ನಡ ನ್ಯೂಸ್

ಅಸುರಕ್ಷಿತ ಹಾಗೂ ಕಡಿಮೆ ಗುಣಮಟ್ಟದ ಹಾಫ್‌ ಹೆಲ್ಮೆಟ್‌ ಬಳಕೆ, ಉತ್ಪಾದನೆ ಮತ್ತು ಮಾರಾಟವನ್ನು ಕರ್ನಾಟಕ
ಸರಕಾರ ಸಂಪೂರ್ಣವಾಗಿ ನಿಷೇಧ ಮಾಡಿ ಆದೇಶ ಹೊರಡಿಸಿದೆ. ಹಾಫ್‌ ಹೆಲ್ಮೆಟ್‌ ಮಾರಾಟ ಮಾಡುವವರಿಗೆ, ಅದನ್ನು
ತಯಾರಿಸುವ ಕಂಪನಿಗಳಿಗೆ ಕಠಿಣ ಕ್ರಮದ ಎಚ್ಚರಿಕೆ ನೀಡಲಾಗಿದೆ.

Sponsored

ನಿಯಮ ಮೀರಿ ಆ ಹೆಲ್ಮೆಟ್‌ಗಳನ್ನು ಬಳಸುವವರಿಗೆ ದಂಡ ವಿಧಿಸಲಾಗುತ್ತದೆ. ಐಎಸ್‌ಐ ಮುದ್ರೆ ಇಲ್ಲದ ಹಾಫ್‌
ಹೆಲ್ಮೆಟ್‌ ಧರಿಸಿದರೂ ರೂ.500 ದಂಡ ವಿಧಿಸಲಾಗುತ್ತದೆ. ಪದೇ ಪದೇ ತಪ್ಪು ಮಾಡಿ ಸಿಕ್ಕಿಬಿದ್ದರೆ ಮೂರು
ತಿಂಗಳವರೆಗೆ ಚಾಲನಾ ಪರವಾನಗಿ ಅಮಾನತು ಮಾಡಲು ಮೋಟಾರು ವಾಹನ ಕಾಯ್ದೆಯಲ್ಲಿ ಅವಕಾಶವಿದೆ.

Advertisement

Advertisement

ರಾಜ್ಯದಲ್ಲಿ ಸುರಕ್ಷತಾ ಮಾನದಂಡಗಳಿಲ್ಲದ ಹಾಫ್ ಹೆಲ್ಮೆಟ್‌ಗಳು ಹಾಗೂ ಪ್ಲಾಸ್ಟಿಕ್ ಕ್ಯಾಪ್ ಹೆಲ್ಮೆಟ್‌ಗಳ
ಉತ್ಪಾದನೆಯನ್ನು ಸಂಪೂರ್ಣವಾಗಿ ನಿಷೇಧಿಸಲು ಕಾನೂನು ಕ್ರಮಗಳನ್ನು ಕೈಗೊಳ್ಳಲಾಗುತ್ತಿದೆ. ಕಳಪೆ ಹೆಲ್ಮೆಟ್
ತಯಾರಿಸುವ ಕಾರ್ಖಾನೆಗಳ ವಿರುದ್ಧ ತಕ್ಷಣವೇ ದಾಳಿ ನಡೆಸಿ ಸೀಜ್ ಮಾಡಲು ನಿರ್ದೇಶನ ನೀಡಲಾಗಿದೆ.

Advertisement