# ಈ ಬಾರಿಯ ದಸರಾದಲ್ಲಿ ಕಂಬಳ ನಡೆಯುತ್ತೆ – ಸಚಿವ ಯತೀಂದ್ರ!!

- Link: https://hosakannada.com/news/kambala-will-be-held-during-this-years-dasara-minister-yathindra/
- Published: 2026-08-27T08:15:45+00:00
- Author: ಹೊಸಕನ್ನಡ ನ್ಯೂಸ್

ಈ ಬಾರಿ ದಸರಾದಲ್ಲಿ ಕರಾವಳಿಯ ಜನಪದ ಕ್ರೀಡೆಯಾದ ಕಂಬಳವನ್ನು ನಡೆಸುತ್ತೇವೆ. ಕಂಬಳ ಕ್ರೀಡೆ ಈ ದಸರಾದಲ್ಲಿ
ಇದ್ದೇ ಇರುತ್ತದೆ ಎಂಬುದಾಗಿ ಮೈಸೂರು ಜಿಲ್ಲಾ ಉಸ್ತುವಾರಿ ಸಚಿವ ಯತೀಂದ್ರ ಸಿದ್ದರಾಮಯ್ಯ ಅವರು ಹೇಳಿಕೆ
ನೀಡಿದ್ದಾರೆ. 

Sponsored

ವೀರಸೋಮನಹಳ್ಳಿ ಯಲ್ಲಿ ದಸರಾ ಗಜಪಡೆಗಳಿಗೆ ಚಾಲನೆ ನೀಡಿದ ಯತೀಂದ್ರ ಅವರು ಬಳಿಕ ಮಾಧ್ಯಮದವರೊಂದಿಗೆ
ಮಾತನಾಡಿದರು. ಈ ಸಂದರ್ಭದಲ್ಲಿ ದಸರಾದಲ್ಲಿ ಕಂಬಳ ಇರುತ್ತೆ. ಈಗಾಗಲೇ ಸ್ಥಳವನ್ನು ಗುರುತು ಮಾಡಲಾಗಿದ್ದು
ಕೆಲಸಗಳು ಪ್ರಗತಿಯಲ್ಲಿವೆ. ಮುಖ್ಯಮಂತ್ರಿಗಳು ಕೂಡ ದಸರಾದಲ್ಲಿ ಕಂಬಳ ನಡೆಸಲು ಸೂಚನೆ ನೀಡಿದ್ದಾರೆ.
ಹೀಗಾಗಿ ಯಾವುದೇ ಗೊಂದಲಗಳಿಲ್ಲದೆ ಕಂಬಳ ನಡೆಯುತ್ತದೆ ಎಂದು ಸ್ಪಷ್ಟೀಕರಣ ನೀಡಿದ್ದಾರೆ. 

Advertisement

Advertisement

ಪುತ್ತೂರಿನ ಶಾಸಕ ಅಶೋಕ್ ಕುಮಾರ್ ರೈ ಅವರು ಕರಾವಳಿಯ ಜನಪದ ಕ್ರೀಡೆಯಾದ ಕಂಬಳವನ್ನು ಮೈಸೂರು ದಸರದಲ್ಲಿ
ನಡೆಸಬೇಕೆಂದು ಮುತುವರ್ಜಿಯಿಂದ ಕೆಲಸ ಮಾಡುತ್ತಿದ್ದಾರೆ. ಆದರೆ ಈ ನಡುವೆ ಅನೇಕ ಮಂದಿ ಮೈಸೂರ ದಸರಾದಲ್ಲಿ
ಕಂಬಳ ನಡೆಸಲು ಅನುಮತಿ ಕೊಡಬಾರದು, ಕರಾವಳಿಯ ಕೋಣಗಳಿಗೆ ಮೈಸೂರಿನ ಹವಾಮಾನ ಒಗ್ಗದು ಎಂಬುದಾಗಿ ಮನವಿ
ಮಾಡಿದ್ದರು. ಆದರೆ ಸರ್ಕಾರ ಕಂಬಳ ನಡೆಸಲು ಮುಂದಾಗಿದೆ.

Advertisement