# Aditya L1 : ಬಾಹ್ಯಾಕಾಶದಲ್ಲಿ ಭೂಮಿ ಮತ್ತು ಚಂದ್ರನ ಸೆಲ್ಫಿ ಕ್ಲಿಕ್ಕಿಸಿದ ಸೂರ್ಯನ ಬೆನ್ನತ್ತಿರೋ ‘ಆದಿತ್ಯ’ – ವೈರಲ್ ಆಯ್ತು ಸುಂದರ ದೃಶ್ಯ !!

- Link: https://hosakannada.com/news/isro-aditya-l1-update-suryayaan-aditya-l1-takes-selfies-of-earth-moon-from-space/
- Published: 2023-09-07T14:12:40+00:00
- Author: ಕೆ. ಎಸ್. ರೂಪಾ

Aditya L1: ಇಡಿ ವಿಶ್ವವನ್ನೇ ನಿಬ್ಬೆರಗಾಗಿಸಿದ್ದ ಭಾರತದ ಚಂದ್ರಯಾನ – 3(Chandrayana 3) ಯಶಸ್ಸಿನ
ಬೆನ್ನಲ್ಲೇ ಭಾರತದ ಹೆಮ್ಮೆಯ ಬಾಹ್ಯಾಕಾಶ ಸಂಸ್ಥೆ ಇಸ್ರೋ ಮೊಟ್ಟ ಮೊದಲ ಬಾರಿಗೆ ಕೈಗೊಂಡಿದ್ದ ಸೂರ್ಯಯಾನ
ಯಶಸ್ಸಿನ ಹಾದಿಯಲ್ಲಿ ಮುನ್ನಡೆಯುತ್ತಿದೆ. ಈ ನಡುವೆ ಸೂರ್ಯನ ಬೆನ್ನಟ್ಟಿರುವ ಆದಿತ್ಯ(Aditya L1)
ಬ್ಯಾಹ್ಯಾಕಾಶದಿಂದ ಸುಂದರ ಚಿತ್ರವೊಂದನ್ನು ಕಳಿಸಿದೆ.

Sponsored

ಹೌದು, ಸೂರ್ಯನ ಕುರಿತ ಸಂಶೋಧನೆಗಾಗಿ ಭಾರತೀಯ ಬಾಹ್ಯಾಕಾಶ ಸಂಸ್ಥೆ (ISRO) ಕಳುಹಿಸಿದ್ದ ಆದಿತ್ಯ 
ಎಲ್1 (Aditya L1) ಈಗ ಮತ್ತೊಂದು ಮಹತ್ವದ ಕಾರಣಕ್ಕೆ ಸುದ್ದಿಯಾಗಿದ್ದು, ಆದಿತ್ಯ ಎಲ್ 1 ಬಾಹ್ಯಾಕಾಶ
ನೌಕೆ ಬಾಹ್ಯಾಕಾಶದಿಂದ ಸೆಲ್ಫಿ ಹಂಚಿಕೊಂಡಿದೆ. ಇದರಲ್ಲಿ ಭೂಮಿ, ಚಂದ್ರನನ್ನು ಸೆರೆಹಿಡಿದಿದೆ. ಸದ್ಯ
ಈ ಫೋಟೋವನ್ನು ಇಸ್ರೋ ಹಂಚಿಕೊಂಡಿದ್ದು ಸೋಷಿಯಲ್ ಮೀಡಿಯಾಗಳಲ್ಲಿ ವೈರಲ್ ಆಗಿದೆ.

Advertisement

Advertisement

ಅಂದಹಾಗೆ ಟ್ವೀಟರ್ ನಲ್ಲಿ ಈ ಬಗ್ಗೆ ಇಸ್ರೋ ಮಾಹಿತಿ ಹಂಚಿಕೊಂಡಿದ್ದು, ಆದಿತ್ಯ ಎಲ್‌1 ತನ್ನ ಮೊದಲ
ಸೆಲ್ಫಿಯನ್ನು ತೆಗೆದುಕೊಂಡಿದೆ ಎಂದು ಹೇಳಿದೆ. ಇದರಲ್ಲಿ ಆದಿತ್ಯ ಎಲ್ 1 ಬಾಹ್ಯಾಕಾಶ ನೌಕೆಯು ಲ್ಯಾಗ್ರೇಂಜ್
ಪಾಯಿಂಟ್ 1 ಗೆ ಪ್ರಯಾಣಿಸುವ ಮೊದಲು ಗ್ರಹದ ಸುತ್ತಲೂ ಸುತ್ತುತ್ತಿರುವಾಗ ತನ್ನದೇ ಆದ ಸೆಲ್ಫಿಯೊಂದಿಗೆ
ಭೂಮಿ ಮತ್ತು ಚಂದ್ರನನ್ನು ಸೆರೆಹಿಡಿದಿದೆ.

ಇನ್ನು ಕಳೆದ ಸೆಪ್ಟೆಂಬರ್ 5 ರ ರಾತ್ರಿ 2.45 ಕ್ಕೆ ಆದಿತ್ಯ ಎಲ್ -1 ಭೂಮಿಯ ಎರಡನೇ ಕಕ್ಷೆಯನ್ನು 
ಪ್ರವೇಶಿಸಿತ್ತು. ಆದಿತ್ಯ L-1 ಸೆಪ್ಟೆಂಬರ್ 10 ರಂದು ರಾತ್ರಿ 2:30 ಕ್ಕೆ ಮೂರನೇ ಕಕ್ಷೆಯನ್ನು ಪ್ರವೇಶಿಸುತ್ತದೆ
ಎಂದು ಇಸ್ರೋ ತಿಳಿಸಿದೆ. ಸೆಪ್ಟೆಂಬರ್ 3 ರಂದು, ಸೂರ್ಯ ಮಿಷನ್ ಆದಿತ್ಯ L-1 ಮೊದಲ ಕಕ್ಷೆಯನ್ನು ಯಶಸ್ವಿಯಾಗಿ
ಬದಲಾಯಿಸಿತ್ತು. ಕಳೆದ ಭಾನುವಾರ ಇಸ್ರೋ ಬೆಳಿಗ್ಗೆ 11.45 ರ ಸುಮಾರಿಗೆ ಭೂಮಿಗೆ ಫೈರಿಂಗ್ ಮಾಡಿತು,
ಅದರ ಸಹಾಯದಿಂದ ಆದಿತ್ಯ ಎಲ್ -1 ತನ್ನ ಕಕ್ಷೆಯನ್ನು ಬದಲಾಯಿಸಿತು.

https://twitter.com/isro/status/1699663615169818935?t=y3Yo89KgzAHEuXHdmZ04Sw&s=08

ಇದನ್ನೂ ಓದಿ: [Internet problem: ನಿಮ್ಮ ಫೋನ್ ನಲ್ಲಿ ಇಂಟರ್​ನೆಟ್​ ತುಂಬಾ ಸ್ಲೋ ಆಗಿ ಕಿರಿ ಕಿರಿ ಆಗ್ತಿದ್ಯಾ? ಹಾಗಿದ್ರೆ ಚಿಂತೆ ಬಿಡಿ, ಈ ಸಿಂಪಲ್ ಟ್ರಿಕ್ ಫಾಲೋ ಮಾಡಿ](https://hosakannada.com/2023/09/07/technology-news-mobile-tricks-is-the-internet-too-slow-on-mobile-then-follow-these-tricks-and-solve-problem/)

Advertisement