# ನಾನು ಮಂತ್ರಿ ಆದೆ, ಈಗೇನು ಮಾಡ್ತೀಯಾ ಜಗದ್ಗುರು? ಜಯಮೃತ್ಯುಂಜಯ ಶ್ರೀ ವಿರುದ್ಧ ಕಾಶಪ್ಪನವರ್ ವಾಗ್ದಾಳಿ

- Link: https://hosakannada.com/news/i-became-a-minister-what-will-you-do-now-jagadguru-kasappanavar-attacks-jayamruthyunjaya-sri/
- Published: 2026-08-08T12:57:38+00:00
- Author: ಹೊಸಕನ್ನಡ ನ್ಯೂಸ್

ತಮಗೆ ಸಚಿವ ಸ್ಥಾನ ಸಿಗದಂತೆ ತಡೆಯಲು ನಡೆಸಿದ ಸತತ ಪ್ರಯತ್ನಗಳಿಗೆ ನೂತನ ಸಚಿವ ವಿಜಯಾನಂದ ಕಾಶಪ್ಪನವರ್
ಖಡಕ್ ಉತ್ತರ ನೀಡಿದ್ದಾರೆ. ಅಲ್ಲದೆ ನಾನು ಮಂತ್ರಿ ಅದೆ, ಈಗೇನು ಮಾಡ್ತೀಯೋ ಜಗದ್ಗುರು ಎಂದು ಕೂಡಲಸಂಗಮ
ಪಂಚಮಸಾಲಿ ಪೀಠದ ಬಸವಜಯ ಮೃತ್ಯುಂಜಯ ಸ್ವಾಮೀಜಿಗೆ ಕೌಂಟರ್ ಕೊಟ್ಟಿದ್ದಾರೆ.

Sponsored

ಬಾಗಲಕೋಟೆಯಲ್ಲಿ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಬಸವಜಯ ಮೃತ್ಯುಂಜಯ ಸ್ವಾಮೀಜಿ ವಿರುದ್ಧ ಬಹಿರಂಗವಾಗಿಯೇ
ತೀವ್ರ ವಾಗ್ದಾಳಿ ನಡೆಸಿದ್ದಾರೆ. ತಮಗೆ ಮಂತ್ರಿಗಿರಿ ತಪ್ಪಿಸಲು ಸ್ವಾಮೀಜಿಯವರು ಮುಖ್ಯಮಂತ್ರಿ ಡಿ.
ಕೆ. ಶಿವಕುಮಾರ್ ಅವರ ಬಳಿ ಹೋಗಿ ಮನವಿ ಮಾಡಿದ್ದರು ಎಂದು ಕಾಶಪ್ಪನವರ್ ಆರೋಪಿಸಿದ್ದಾರೆ. ಆದರೆ, “
ಪಂಚಮಸಾಲಿ ಶ್ರೀಗಳು ನಿನ್ನನ್ನು ಮಂತ್ರಿ ಮಾಡಬಾರದು ಎಂದಿದ್ದಕ್ಕೆ ನಾನು ನಿನ್ನನ್ನು ಮಂತ್ರಿ ಮಾಡುತ್ತಿದ್ದೇನೆ”
ಎಂದು ಮುಖ್ಯಮಂತ್ರಿಗಳು ತಮಗೆ ಸಚಿವ ಸ್ಥಾನ ನೀಡಿದ್ದಾರೆ ಎಂದು ತಿಳಿಸಿದ ಅವರು, “ಸಚಿವನಾಗಿದ್ದೇನೆ,
ಈಗೇನು ಮಾಡುತ್ತೀಯಪ್ಪಾ ಜಗದ್ಗುರು?” ಎಂದು ನೇರವಾಗಿ ಸವಾಲು ಹಾಕಿದ್ದಾರೆ.

Advertisement

Advertisement

ಕಾಂಗ್ರೆಸ್ ಸರ್ಕಾರ ಇರುವವರೆಗೆ ಯಾವುದೇ ಮುಖ್ಯಮಂತ್ರಿಯ ಮನೆಗೆ ಹೋಗುವುದಿಲ್ಲ ಎಂದು ಪ್ರಮಾಣ ಮಾಡಿದ್ದ
ಸ್ವಾಮೀಜಿ, ಈಗ ತಮ್ಮ ನೈತಿಕ ಮಟ್ಟ ಎಲ್ಲಿದೆ ಎಂಬುದನ್ನು ಆಲೋಚಿಸಬೇಕು ಎಂದು ಕಾಶಪ್ಪನವರ್ ಪ್ರಶ್ನಿಸಿದ್ದಾರೆ.
ಧರಿಸಿದ ಕಾವಿ ಬಟ್ಟೆಗೆ ಮತ್ತು ಸಮಾಜ ಕೊಟ್ಟ ಸ್ಥಾನಕ್ಕೆ ತಕ್ಕಂತೆ ನಡೆದುಕೊಳ್ಳಬೇಕೇ ಹೊರತು ‘ನನ್ನದೇ
ನಡೆಯುತ್ತದೆ’ ಎಂಬ ಧೋರಣೆ ಸರಿಯಲ್ಲ ಎಂದು ಕಿಡಿಕಾರಿದ್ದಾರೆ.

Advertisement