# ಹೋಟೆಲ್‌ ಅಡುಗೆ ಎಣ್ಣೆ ಕಲಬೆರಕೆಗೆ ಬ್ರೇಕ್ : ವಿಶೇಷ ಸಮಿತಿ ರಚನೆಗೆ ಖಾದರ್ ಸೂಚನೆ

- Link: https://hosakannada.com/news/hotel-cooking-oil-adulteration-special-committee-khader/
- Published: 2026-08-27T12:56:30+00:00
- Author: ಹೊಸಕನ್ನಡ ನ್ಯೂಸ್

**ಬೆಂಗಳೂರು**: ರಾಜ್ಯಾದ್ಯಂತ ಹೋಟೆಲ್‌ಗಳಲ್ಲಿ ಬಳಸಲಾಗುವ ಅಡುಗೆ ಎಣ್ಣೆಯ ಕಲಬೆರಕೆಗೆ ಕಡಿವಾಣ ಹಾಕಲು
ಆರೋಗ್ಯ ಮತ್ತು ಕುಟುಂಬ ಕಲ್ಯಾಣ ಇಲಾಖೆ ಭಾರಿ ಕಾರ್ಯಾಚರಣೆಗೆ ಮುಂದಾಗಿದೆ. ಸಾರ್ವಜನಿಕರ ಆರೋಗ್ಯದ
ದೃಷ್ಟಿಯಿಂದ ಹೋಟೆಲ್ ಹಾಗೂ ಉಪಹಾರ ಗೃಹಗಳಲ್ಲಿ ಬಳಸುವ ಎಣ್ಣೆಯ ಗುಣಮಟ್ಟ ಮತ್ತು ಲೇಬಲಿಂಗ್ ಪ್ರಕ್ರಿಯೆಯ
ಬಗ್ಗೆ ತೀವ್ರ ಪರಿಶೀಲನೆ ನಡೆಸಲಾಗುತ್ತಿದ್ದು, ಈ ಕುರಿತು ವಿಸ್ತೃತ ತನಿಖೆ ಹಾಗೂ ನಿಯಂತ್ರಣಕ್ಕಾಗಿ
ಶೀಘ್ರವೇ ವಿಶೇಷ ಸಮಿತಿ ರಚಿಸುವಂತೆ ಸಚಿವ ಯು.ಟಿ. ಖಾದರ್ ಅವರು ಅಧಿಕಾರಿಗಳಿಗೆ ಸೂಚನೆ ನೀಡಿದ್ದಾರೆ.

Sponsored

> [ರಾಜ್ಯ ಸರಕಾರದ ರೂ.15000 ಶಿಕ್ಷಕರ ನೇಮಕಾತಿ ಅಧಿಸೂಚನೆಗೆ ತಡೆ ನೀಡಲು ಹೈಕೋರ್ಟ್‌ ನಕಾರ](https://hosakannada.com/news/high-court-says-no-to-stopping-the-state-governments-notification-for-the-recruitment-of-15000-teachers/)
> Advertisement
> Advertisement

ಇತ್ತೀಚಿನ ದಿನಗಳಲ್ಲಿ ಹಲವು ಹೋಟೆಲ್‌ಗಳಲ್ಲಿ ನಿಯಮ ಬಾಹಿರವಾಗಿ ಕಳಪೆ ಹಾಗೂ ಮರುಬಳಕೆಯ ಎಣ್ಣೆಯನ್ನು
ಉಪಯೋಗಿಸುತ್ತಿರುವ ದೂರುಗಳು ಕೇಳಿಬಂದಿದ್ದವು. ಈ ಹಿನ್ನೆಲೆಯಲ್ಲಿ ಆರೋಗ್ಯ ಇಲಾಖೆಯು ರಾಜ್ಯಾದ್ಯಂತ
ಆಹಾರ ಭದ್ರತೆ ಮತ್ತು ಗುಣಮಟ್ಟ ಕಾಯ್ದೆಯಡಿ ಆಹಾರ ಮಾದರಿಗಳ ತನಿಖೆಯನ್ನು ಚುರುಕುಗೊಳಿಸಿದೆ. ಪ್ರತಿಯೊಂದು
ಹೋಟೆಲ್‌ಗೆ ಪೂರೈಕೆಯಾಗುವ ಅಡುಗೆ ಎಣ್ಣೆಯ ಪ್ರತಿಯೊಂದು ಕ್ಯಾನ್ ಅಥವಾ ಪ್ಯಾಕೆಟ್‌ ಮೇಲಿರುವ ಲೇಬಲಿಂಗ್,
ತಯಾರಿಕಾ ದಿನಾಂಕ ಹಾಗೂ ಎಫ್‌ಎಸ್‌ಎಸ್‌ಎಐ (FSSAI) ಪ್ರಮಾಣೀಕರಣವನ್ನು ಕಡ್ಡಾಯವಾಗಿ ಪರಿಶೀಲಿಸಲು
ಅಧಿಕಾರಿಗಳು ಸಜ್ಜಾಗಿದ್ದಾರೆ.

> [ರಾಜ್ಯ ಸರಕಾರದ ರೂ.15000 ಶಿಕ್ಷಕರ ನೇಮಕಾತಿ ಅಧಿಸೂಚನೆಗೆ ತಡೆ ನೀಡಲು ಹೈಕೋರ್ಟ್‌ ನಕಾರ](https://hosakannada.com/news/high-court-says-no-to-stopping-the-state-governments-notification-for-the-recruitment-of-15000-teachers/)

ಸಮಿತಿಯು ರಾಜ್ಯದಾದ್ಯಂತ ಹೋಟೆಲ್‌ಗಳಿಗೆ ದಿಢೀರ್ ಭೇಟಿ ನೀಡಿ ಮಾದರಿಗಳನ್ನು ಸಂಗ್ರಹಿಸಲಿದ್ದು, ಕಲಬೆರಕೆ
ಅಥವಾ ಕಳಪೆ ಗುಣಮಟ್ಟದ ಎಣ್ಣೆ ಬಳಸುವುದು ಕಂಡುಬಂದರೆ ಅಂತಹ ಹೋಟೆಲ್ ಹಾಗೂ ಎಣ್ಣೆ ಪೂರೈಕೆದಾರರ ವಿರುದ್ಧ
ಕಾನೂನು ಕ್ರಮ ಜರುಗಿಸಲಾಗುವುದು ಎಂದು ಎಚ್ಚರಿಸಲಾಗಿದೆ. ಸಾರ್ವಜನಿಕರಿಗೆ ಶುದ್ಧ ಮತ್ತು ಸುರಕ್ಷಿತ
ಆಹಾರ ಸಿಗುವಂತೆ ನೋಡಿಕೊಳ್ಳುವುದು ಇಲಾಖೆಯ ಆದ್ಯತೆಯಾಗಿದ್ದು, ಈ ಹೊಸ ಸಮಿತಿಯ ಕಾರ್ಯಚರಣೆಯಿಂದಾಗಿ
ಅಡುಗೆ ಎಣ್ಣೆ ಕಲಬೆರಕೆ ಜಾಲಕ್ಕೆ ದೊಡ್ಡ ಮಟ್ಟದ ತಡೆ ಬೀಳುವ ನಿರೀಕ್ಷೆಯಿದೆ.

Advertisement