# ಮುಸ್ಲಿಂ ವಿದ್ಯಾರ್ಥಿನಿಯರಿಗೆ ಪ್ರತ್ಯೇಕ ಕಾಲೇಜು; ಹಿಂದೂ ಸಂಘಟನೆಯಿಂದ ಗುರುಕುಲ ಸ್ಥಾಪನೆಗೆ ಒತ್ತಾಯ!!!

- Link: https://hosakannada.com/news/hindus-demanding-for-establishment-of-gurukula-system-as-like-seperate-colleges-for-muslim-girls/
- Published: 2022-11-30T17:08:31+00:00
- Author: ಕೆ. ಎಸ್. ರೂಪಾ

ದೇಶದಲ್ಲಿ ಹಿಜಾಬ್ ಕಾವು ಇಳಿಮುಖವಾಗುತ್ತಿದ್ದು, ಈ ನಡುವೆ ಮುಸ್ಲಿಂ ವಿದ್ಯಾರ್ಥಿನಿಯರಿಗೆಂದೇ ಪ್ರತ್ಯೇಕ
ಕಾಲೇಜು ನಿರ್ಮಾಣ ಮಾಡಲು ಸರ್ಕಾರ ಅನುಮತಿ ಸೂಚಿಸಿದ್ದು ಈ ಕುರಿತಾಗಿ ಹಿಂದೂ ಸಂಘಟನೆಗಳು ವಿರೋಧ ವ್ಯಕ್ತಪಡಿಸುತ್ತಿದ್ದಾರೆ.

Sponsored

ರಾಜ್ಯ ವಕ್ಫ್ ಬೋರ್ಡ್‌ನಲ್ಲಿ ಈ ಕುರಿತು ಮೂರು ತಿಂಗಳ ಹಿಂದೆಯೆ ಚರ್ಚೆ ನಡೆದಿದ್ದುಅಲ್ಲದೆ ಒಂದೂವರೆ
ತಿಂಗಳ ಹಿಂದೆ ಸರ್ಕಾರದಿಂದ ಇದಕ್ಕೆ ಅನುಮೋದನೆ ಕೂಡ ದೊರೆತಿದೆ. ಪ್ರತಿ ಕಾಲೇಜಿಗೆ 2.50 ಕೋಟಿ ರು.
ಅನುದಾನವನ್ನೂ ಮೀಸಲಿರಿಸಲಾಗಿದ್ದು, ವಕ್ಫ್ ಬೋರ್ಡ್‌ಗೆ ರಾಜ್ಯ ಸರ್ಕಾರ ನೀಡುವ ಅನುದಾನದಲ್ಲಿ ಈ ಶಾಲೆ
ನಿರ್ಮಾಣಕ್ಕೆ ಬೇಕಾದ ವೆಚ್ಚವನ್ನು ನೀಡಲು ತೀರ್ಮಾನಿಸಲಾಗಿದೆ ಎನ್ನಲಾಗಿದೆ. ಇದಕ್ಕೆ ಮಾನ್ಯ ಮುಖ್ಯ
ಮಂತ್ರಿ ಬಸವರಾಜ್​ ಬೊಮ್ಮಾಯಿ ಕೂಡ ಸಮ್ಮತಿಸಿದ್ದಾರೆ.

Advertisement

Advertisement

ಕರ್ನಾಟಕದಲ್ಲಿ ಹೊಸದಾಗಿ ಹಿಂದೂ ಹಾಗೂ ಮುಸ್ಲಿಂ ಪ್ರತ್ಯೇಕ ಶಾಲೆಗಳ ಕುರಿತು ಚರ್ಚೆ ನಡೆಯುತ್ತಿದ್ದು,
ಅಷ್ಟೇ ಅಲ್ಲದೇ, ಈಗಾಗಲೇ ಕರಾವಳಿಯ ದಕ್ಷಿಣ ಕನ್ನಡ ಜಿಲ್ಲೆ ಒಂದರಲ್ಲಿಯೆ ಮುಸ್ಲಿಂ ಶಿಕ್ಷಣ ಸಂಸ್ಥೆಗಳಿಂದ
ಕಾಲೇಜು ಸ್ಥಾಪನೆಗೆ 13 ಅರ್ಜಿ ಸಲ್ಲಿಕೆಯಾಗಿದೆ ಎಂಬ ವಿಚಾರ ಹೊರಬಿದ್ದಿದೆ. ಇದರ ಜೊತೆಗೆ ಅರ್ಜಿ 
ಸಲ್ಲಿಸಿದ ಎರಡು ಕಾಲೇಜುಗಳಿಗೆ ಅನುಮತಿ ಕೂಡ ದೊರೆತಿದೆ.

ಸರಕಾರದ ಈ ನಡೆ ಹಿಂದೂ ಸಂಘಟನೆಗಳು ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಉಡುಪಿಯಲ್ಲಿ ಹಿಜಾಬ್​ಗೆ ಸಂಬಂಧಿಸಿದಂತೆ
ಈ ಹಿಂದೆ ತೀವ್ರ ಆಕ್ರೋಶಕ್ಕೆ ಕಾರಣವಾದ ಬಳಿಕ ಇದೀಗ ಮತ್ತೊಮ್ಮೆ ಎರಡು ಬಣಗಳ ನಡುವೆ ಕಿತ್ತಾಟ ನಡೆಸಲು
ಅವಕಾಶ ಕಲ್ಪಿಸಿದಂತಾಗಿದೆ.

 ಇದೀಗ, ಮುಸ್ಲಿಂ ವಿದ್ಯಾರ್ಥಿನಿಯರಿಗೆಂದೇ ಪ್ರತ್ಯೇಕ ಕಾಲೇಜು ನಿರ್ಮಾಣ ಮಾಡಲು ಇದೀಗ ಸರ್ಕಾರ ಅನುಮತಿ
ನೀಡಿದ ಬೆನ್ನಲ್ಲೆ ಹಿಂದೂ ಸಂಘಟನೆಗಳು ತಮಗೂ ಗುರುಕುಲ ಪದ್ಧತಿಯ ಶಾಲೆಗಳ ನಿರ್ಮಾಣವಾಗಬೇಕು ಎನ್ನುವ
ಬೇಡಿಕೆ ಇಟ್ಟಿದ್ದು, ಅಷ್ಟೆ ಅಲ್ಲದೆ, ತಮಗೂ ಪ್ರತ್ಯೇಕ ಶಾಲೆ ಬೇಕು ಎಂದು ಆಗೃಹಿಸುತ್ತಿದ್ದಾರೆ. 
ಸರ್ಕಾರದ ಯೋಜನೆಗೆ ಹಿಂದೂ ಪರ ಸಂಘಟನೆಗಳ ಆಕ್ರೋಶ ವ್ಯಕ್ತಪಡಿಸುತ್ತಿದ್ದು, ಹಿಂದೂ ಗುರುಕುಲವನ್ನು
ತೆರೆಯಲೂ ಅವಕಾಶ ನೀಡಬೇಕು ಜೊತೆಗೆ ಹಿಂದುತ್ವದ ಮುಖವಾಡವನ್ನು ಹಾಕಿ ಮೋಸ ಮಾಡಬೇಡಿ ಎಂಬ ಕೂಗು ಜೋರಾಗಿ
ಕೇಳಿ ಬರುತ್ತಿವೆ.

ಸರ್ಕಾರ ಈ ಯೋಜನೆ ಅನುಷ್ಠಾನಗೊಳಿಸಿದರೆ ಹೋರಾಟದ ಎಚ್ಚರಿಕೆ ನೀಡಿರುವ ಹಿಂದೂ ಮಹಾಸಭಾದ ರಾಜ್ಯ ಪ್ರಧಾನ
ಕಾರ್ಯದರ್ಶಿ ಧರ್ಮೇಂದ್ರ ಈ ಕುರಿತು ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

Advertisement