# ಇಳಯರಾಜಗೆ ಶಾಕ್‌ ಕೊಟ್ಟ ಹೈಕೋರ್ಟ್‌: ಉಲ್ಟ ಹೊಡೆದ ಕಾಪಿರೈಟ್‌ ಕೇಸು

- Link: https://hosakannada.com/news/high-court-shocks-ilayaraja-copyright-case-overturned/
- Published: 2026-02-17T13:36:12+00:00
- Author: ಹೊಸಕನ್ನಡ ನ್ಯೂಸ್

ಇಳಯರಾಜ ಅವರು ಭಾರತದ ಪ್ರಖ್ಯಾತ ಸಂಗೀತ ನಿರ್ದೇಶಕರುಗಳಲ್ಲಿ ಒಬ್ಬರು. ಇಳಯರಾಜ ಅವರು ತಮ್ಮ ಸಂಗೀತಕ್ಕಿಂತಲೂ
ಹೆಚ್ಚು ಸುದ್ದಿಯಲ್ಲಿರುವುದು ಇತ್ತೀಚೆಗೆ ಕಾಪಿರೈಟ್ಸ್‌ ಕೇಸುಗಳಿಂದ. ಹಲವಾರು ಸಿನಿಮಾಗಳ ವಿರುದ್ಧ
ಕಾಪಿರೈಟ್‌ ಕೇಸುಗಳನ್ನು ಇವರು ಹಾಕಿದ್ದು ಮಾತ್ರವಲ್ಲದೇ ಹಲವು ಕೇಸುಗಳಲ್ಲಿ ಇವರೇ ಜಯಿಸಿದ್ದಾರೆ 
ಕೂಡಾ. ಆದರೆ ಇದೀಗ ಈ ಕಾಪಿರೈಟ್‌ ಅಸ್ತ್ರ ಇಳಯರಾಜ ಅವರಿಗೆ ತಿರುಗುಬಾಣವಾಗಿ ಪರಿಣಮಿಸಿದೆ.

Sponsored

ಖ್ಯಾತ ಸಂಗೀತ ಸಂಸ್ಥೆ ಸಾರೆಗಾಮ ಅವರು ಇಳಯರಾಜ ವಿರುದ್ಧ ದೆಹಲಿ ಹೈಕೋರ್ಟ್‌ನಲ್ಲಿ ದಾವೆ ಹೂಡಿತ್ತು.
ಅಮೆಜಾನ್‌ ಮ್ಯೂಸಿಕ್ಸ್‌, ಐಟ್ಯೂನ್‌ ಸೇರಿ ಬೇರೆ ಬೇರೆ ಸಂಸ್ಥೆಗಳಿಗೆ ಹಾಗೂ ಕೆಲವು ನಿರ್ಮಾಣ ಸಂಸ್ಥೆಗಳಿಗೆ
ತಮ್ಮ ಒಡೆತನ ಹಾಡುಗಳನ್ನು ಇಳಯರಾಜ ಮಾರಾಟ ಮಾಡಿದ್ದಾರೆ ಎಂದು ದೂರನ್ನು ದಾಖಲು ಮಾಡಿತ್ತು.

Advertisement

Advertisement

ಸಾರೆಗಾಮದ ದೂರಿನ ವಿಚಾರಣೆ ನಡೆಸಿದ ದೆಹಲಿ ಹೈಕೋರ್ಟ್, ಇಳಯರಾಜ ಅವರು ಸಾರೆಗಾಮದ ಒಡೆತನದಲ್ಲಿರುವ
130 ಸಿನಿಮಾಗಳ ಹಾಡುಗಳ ಮೇಲೆ ಹಕ್ಕು ಹೊಂದಿರುವುದಿಲ್ಲ ಎಂದು ಆದೇಶ ನೀಡಿದೆ. ಮಾತ್ರವಲ್ಲದೆ ಯಾವುದೇ
ಸಿನಿಮಾದ ಸಂಗೀತಕ್ಕೆ ಆ ಸಿನಿಮಾದ ನಿರ್ಮಾಪಕನೇ ಮೊದಲ ಹಕ್ಕುದಾರ ಆಗಿರುತ್ತಾನೆ, ಆತನಿಂದ ಹಕ್ಕು ಪಡೆದ
ಸಂಗೀತ ಸಂಸ್ಥೆಗಳು ಸಹ ಹಕ್ಕುದಾರರಾಗಿರುತ್ತವೆ. ಒಂದೊಮ್ಮೆ ಒಪ್ಪಂದ ಬೇರೆ ರೀತಿಯಲ್ಲಿ ಆಗಿದ್ದರೆ 
ಮಾತ್ರವೇ ಬೇರೆಯವರು ಹಕ್ಕುದಾರರಾಗಿರುತ್ತಾರೆ ಎಂದಿದೆ ನ್ಯಾಯಾಲಯ.

ಈ ಮೂಲಕ ಇಳಯರಾಜ ತಮಿಳು, ಹಿಂದಿ, ತೆಲುಗು, ಕನ್ನಡ, ಮಲಯಾಳಂನ 130 ಸಿನಿಮಾಗಳ ಮೇಲಿನ ಹಕ್ಕನ್ನು ಕಳೆದುಕೊಂಡಿದ್ದಾರೆ
ಎಂದೇ ಹೇಳಬಹುದು.

Advertisement
