# Haveri: ಯುವಕರೇ ಹುಷಾರ್ – ಬ್ರೋಕರ್ ನಂಬಿ ಹೋದವನಿಗೆ 2 ಮಕ್ಕಳ ಆಂಟಿ ಜೊತೆ ಮದುವೆ!!

- Link: https://hosakannada.com/news/haveri-a-man-who-trusted-a-broker-got-married-to-an-aunt-with-2-children/
- Published: 2026-02-10T23:47:15+00:00
- Author: ಹೊಸಕನ್ನಡ ನ್ಯೂಸ್

Haveri: ಯುವಕರಿಗೆ ಮದುವೆಯಾಗಲು ಹೆಣ್ಣು ಸಿಗದೇ ಇರುವುದು ಅತಿ ದೊಡ್ಡ ಸಮಸ್ಯೆಗಳಲ್ಲಿ ಒಂದಾಗಿ ಪರಿಣಮಿಸಿಬಿಟ್ಟಿದೆ.
ಹೆಣ್ಣಿಗಾಗಿ ಯುವಕರು ಹರಕೆ ಹೊರುವುದು, ಪಾದಯಾತ್ರೆ ಹೋಗುವುದನ್ನು ಮಾಡುತ್ತಿದ್ದಾರೆ. ಈ ನಡುವೆ ಮದುವೆಯ
ಬ್ರೋಕರ್ ಗಳು ಬೇಳೆ ಬೇಯಿಸಿಕೊಳ್ಳುವುದನ್ನು ಕಾಣಬಹುದು. ಇದೀಗ ಒಬ್ಬ ಯುವಕ ಬ್ರೋಕರ್ ನಂಬಿ ಆತನ ಹಿಂದೆ
ಹೋಗಿದ್ದಕ್ಕೆ ಎರಡು ಮಕ್ಕಳಿರೋ ಆಂಟಿಯ ಜೊತೆ ಮದುವೆಯಾಗಿದ್ದಾನೆ. 

Sponsored

ಮದುವೆಯಾಗಲು ಹೆಣ್ಣು ಸಿಗುತ್ತಿಲ್ಲವೆಂಬ ಯುವಕನ ಗೋಳನ್ನೇ ಬಂಡವಾಳಿ ಮಾಡಿಕೊಂಡ ಖತರ್ನಾಕ್ ಬ್ರೋಕರ್
ಗ್ಯಾಂಗ್‌ ಒಂದು ಯುವಕನಿಂದ ಲಕ್ಷಾಂತರ ರೂಪಾಯಿ ಸುಲಿಗೆ ಮಾಡಿ ಎರಡು ಮಕ್ಕಳು ಇರುವ ತಾಯಿಯ ಜೊತೆ ಮದುವೆ
ಮಾಡಿಸಿರುವ ಘಟನೆ ಹಾವೇರಿ ಜಿಲ್ಲೆಯ ರಾಣೆಬೆನ್ನೂರು ತಾಲೂಕಿನ ತುಮ್ಮಿನಕಟ್ಟಿ ಗ್ರಾಮದಲ್ಲಿ ನಡೆದಿದೆ.

Advertisement

Advertisement

ಅಂದಹಾಗೆ ತುಮ್ಮಿನಕಟ್ಟಿ ಗ್ರಾಮದ ರವೀಂದ್ರ ಜವಳಿ ಎಂಬ ಯುವಕ ಮದುವೆಗಾಗಿ ಹೆಣ್ಣು ಹುಡುಕುತ್ತಿದ್ದರು.
ಇದನ್ನು ತಿಳಿದ ಬ್ರೋಕರ್, ರೇಖಾ ಎಂಬಾಕೆಯನ್ನು ಪರಿಚಯಿಸಿದ್ದಾರೆ. ರೇಖಾ ನೋಡಲು ಲಕ್ಷಣವಾಗಿದ್ದಾಳೆಂದು
ನಂಬಿದ ರವೀಂದ್ರ ಮತ್ತು ಅವರ ಕುಟುಂಬಸ್ಥರು ಮದುವೆಗೆ ಒಪ್ಪಿಗೆ ನೀಡಿದ್ದಾರೆ. ಇಷ್ಟು ಮಾತ್ರವಲ್ಲದೆ
ಈ ಕತರ್ನಾಕ್ ರೇಖಾ ಗ್ಯಾಂಗ್, ವಧು ದಕ್ಷಿಣ ಎಂದು ರವೀಂದ್ರನ ಬಳಿ 2.5 ಲಕ್ಷವನ್ನು ಪೀಕಿದ್ದಾರೆ. 
ಜೊತೆಗೆ ರೇಖಾ ಆಧಾರ್ ಕಾರ್ಡಲ್ಲಿ ತನ್ನ ವಯಸ್ಸನ್ನು ಕೂಡ ಬದಲಾಯಿಸಿದ್ದಾಳೆ.

ಬಣ್ಣ ಬಯಲಾಗಿದ್ದು ಹೇಗೆ?

ಮದುವೆಯಾಗಿ ಐದು ದಿನ ಆಗುವಾಗ ರೇಖಾಳ ಅಸಲಿ ಮುಖವಾಡ ಕಳಚಿ ಬಿದ್ದಿದೆ. ರೇಖಾಳಿಗೆ ಆಕೆಯ ಮಕ್ಕಳು ಫೋನ್
ಮಾಡಿದ್ದರು. ಮಕ್ಕಳೊಂದಿಗೆ ಮಾತನಾಡುತ್ತಿದ್ದಾಗ ಬಂದ ಅನುಮಾನದಿಂದ ರವೀಂದ್ರ ರೇಖಾಳನ್ನು ವಿಚಾರಿಸಿದ್ದಾರೆ.
ಬಳಿಕ ತನಗೆ ಈಗಾಗಲೇ ಎರಡು-ಮೂರು ಮದುವೆಯಾಗಿರುವುದು ಮತ್ತು ಇಬ್ಬರು ಮಕ್ಕಳಿರುವ ಸತ್ಯವನ್ನು ಆಕೆ 
ಒಪ್ಪಿಕೊಂಡಿದ್ದಾಳೆ. ತನ್ನ ಕಳ್ಳಾಟ ಬಯಲಾಗುತ್ತಿದ್ದಂತೆ ರೇಖಾ ಅಲ್ಲಿಂದ ಪರಾರಿಯಾಗಲು ಯತ್ನಿಸಿದ್ದಾಳೆ.
ಗ್ರಾಮದಿಂದ ಸುಮಾರು 2 ಕಿಲೋಮೀಟರ್ ದೂರದವರೆಗೂ ಓಡಿ ಹೋಗಿದ್ದಾಳೆ. ಆದರೆ ಬಿಡದ ರವೀಂದ್ರ ಮತ್ತು ಗ್ರಾಮಸ್ಥರು
ಆಕೆಯನ್ನು ಬೆನ್ನಟ್ಟಿ ಹಿಡಿದಿದ್ದಾರೆ. ಇದೀಗ ರವೀಂದ್ರ ನ್ಯಾಯಕ್ಕಾಗಿ ಪೊಲೀಸ್ ಸ್ಟೇಷನ್ ಮೆಟ್ಟಿಲೇರಿದ್ದಾನೆ.

Advertisement