# ವಿದ್ಯಾರ್ಥಿನಿಯರಿಗೆ ಖಾಸಗಿ ಅಂಗ ತೋರಿಸಿ ವ್ಯಕ್ತಿಯೋರ್ವನ ಕಿರುಕುಳ | ಪೋಷಕರಲ್ಲಿ ದೂರಿದ ಮಕ್ಕಳು, ನಂತರ ನಡೆಯಿತು ಮಾರಿಹಬ್ಬ!

- Link: https://hosakannada.com/news/harassment-of-a-person-by-showing-private-parts-to-female-students/
- Published: 2022-11-27T08:56:25+00:00
- Author: ನಿಶ್ಮಿತಾ ಎನ್.

ಇತ್ತೀಚೆಗೆ ಎಲ್ಲಿ ನೋಡಿದರಲ್ಲಿ ಹೆಣ್ಮಕ್ಕಳ ಮೇಲೆ ಲೈಂಗಿಕ ದೌರ್ಜನ್ಯ ನಡೆಯುತ್ತಿದೆ. ಯಾವುದೇ ಕಾನೂನು
ಇದ್ದರೂ, ಪೊಲೀಸರ ಎಳ್ಳಷ್ಟು ಭಯವಿಲ್ಲದೆ ಕಾಮಾಂಧ ವ್ಯಕ್ತಿಗಳು ನಡೆದುಕೊಳ್ಳುವ ರೀತಿ ನಿಜಕ್ಕೂ ಆಘಾತಕಾರಿ.
ಅದರಲ್ಲೂ ಶಾಲೆಗೆ ಹೋಗುವ ವಿದ್ಯಾರ್ಥಿನಿಯರಿಗೆ ಈ ರೀತಿಯ ಹಿಂಸೆ ಒಂದು ರೀತಿಯ ಮಾನಸಿಕ ಹಿಂಸೆ ಎಂದೇ
ಹೇಳಬಹುದು. ಇಂತಹ ಒಂದು ಅಸಹ್ಯ ಘಟನೆಯೊಂದು ಚಿಕ್ಕಮಗಳೂರಿನಲ್ಲಿ ನಡೆದಿದೆ. ಈ ಬಗ್ಗೆ ನೊಂದ ವಿದ್ಯಾರ್ಥಿನಿಯರು
ಪೋಷಕರಿಗೆ ಮಾಹಿತಿ ನೀಡಿದ್ದರಿಂದ ವ್ಯಕ್ತಿಯನ್ನು ಹಿಡಿದು ಗ್ರಾಮಸ್ಥರು ತಕ್ಕ ಪಾಠ ಕಲಿಸಿದ ಘಟನೆ 
ನಡೆದಿದೆ.

Sponsored

ವಿದ್ಯಾರ್ಥಿನಿಯರಿಗೆ ಖಾಸಗಿ ಅಂಗ ತೋರಿಸಿ ಕಿರುಕುಳ ನೀಡುತ್ತಿದ್ದ ವ್ಯಕ್ತಿಯೋರ್ವನನ್ನು ಗ್ರಾಮಸ್ಥರೆಲ್ಲಾ
ಸೇರಿ ಕಂಬಕ್ಕೆ ಕಟ್ಟಿ ಥಳಿಸಿದ ಘಟನೆಯೊಂದು ನಡೆದಿದೆ.

Advertisement

Advertisement

ಶಾಲೆಯಿಂದ ಶಿಕ್ಷಕರನ್ನು ಕರೆದುಕೊಂಡು ಬರುತ್ತಿದ್ದ ರಾಜಪ್ಪ, ಅದೇ ಶಾಲೆಯ ವಿದ್ಯಾರ್ಥಿನಿಯರೊಂದಿಗೆ
ಅಸಭ್ಯವಾಗಿ ವರ್ತಿಸುತ್ತಿದ್ದ. ತನ್ನ ಖಾಸಗಿ ಅಂಗ ತೋರಿಸಿ ಅವರೊಂದಿಗೆ ಅನುಚಿತವಾಗಿ ವರ್ತಿಸುತ್ತಿದ್ದನಲ್ಲದೆ,
ಅವರ ಖಾಸಗಿ ಅಂಗಗಳನ್ನು ಮುಟ್ಟಿ ವಿಕೃತ ಆನಂದ ಪಡೆಯುತ್ತಿದ್ದ ಎನ್ನಲಾಗಿದೆ.

ಈ ಕುರಿತು ವಿದ್ಯಾರ್ಥಿನಿಯರು ಪೋಷಕರಿಗೆ ಮಾಹಿತಿ ನೀಡಿದ್ದು, ಪೋಷಕರು ಗ್ರಾಮದ ಹಿರಿಯರಿಗೆ ಮಾಹಿತಿ
ನೀಡಿದ್ದಾರೆ. ಈ ವೇಳೆ ಆಕ್ರೋಶಗೊಂಡ ಗ್ರಾಮಸ್ಥರು ಆರೋಪಿ ರಾಜಪ್ಪನನ್ನು ಹಿಡಿದು ವಿದ್ಯುತ್ ಕಂಬಕ್ಕೆ
ಕಟ್ಟಿ ಥಳಿಸಿದ್ದಾರೆ. ಆರೋಪಿಗೆ ಗ್ರಾಮಸ್ಥರು ಸೇರಿ ತಕ್ಕ ಪಾಠವನ್ನೇ ಕಲಿಸಿದ್ದಾರೆ.

ಚಿಕ್ಕಮಗಳೂರಿನ ಸಕ್ಕರಾಯಪಟ್ಟಣದಲ್ಲಿ ಈ ಘಟನೆ ನಡೆದಿದ್ದು, ಆರೋಪಿ ರಾಜಪ್ಪನ ವಿರುದ್ಧ ಚಿಕ್ಕಮಗಳೂರಿನ
ಸಕ್ಕರಾಯಪಟ್ಟಣ ಪೊಲೀಸ್ ಠಾಣೆಯಲ್ಲಿ ಪೋಕ್ಸೋ ಕಾಯ್ದೆ ಮತ್ತು ಭಾರತೀಯ ದಂಡ ಸಂಹಿತೆಯ ಇತರ ಸೆಕ್ಷನ್
ಗಳ ಅಡಿಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.

> K'taka | FIR filed under POCSO Act at Sakkarayapattana PS in Chikkamagaluru against
> one Rajappa for allegedly flashing & touching girls. He used to pick up & drop
> off teachers at school. Villagers tied him to a pillar & later handed him over
> to Police
> (Pic:Screengrab from video) [pic.twitter.com/uWDOXYj3NJ](https://t.co/uWDOXYj3NJ)
> — ANI (@ANI) [November 26, 2022](https://x.com/ANI/status/1596356899351298048?ref_src=twsrc%5Etfw)

Advertisement