# AP: ರಾಜ್ಯ ಸರ್ಕಾರದಿಂದ ‘ಮದ್ಯ ಪ್ರಿಯರಿಗೆ’ ಭರ್ಜರಿ ಗುಡ್ ನ್ಯೂಸ್ – ಪ್ರತೀ ಬಾಟೆಲ್ ಮೇಲೆ 10 ರಿಂದ 100 ರೂ ಕಡಿತ!!

- Link: https://hosakannada.com/news/great-good-news-for-alcohol-lovers-from-the-state-government-rs-10-to-rs-100-discount-on-each-bottle/
- Published: 2025-07-15T17:13:18+00:00
- Author: V R

AP: ಮದ್ಯ ಪ್ರಿಯರಿಗೆ ಸರ್ಕಾರವು ಭರ್ಜರಿ ಸಿಹಿಸುದ್ದಿಯೊಂದು ನೀಡಿದ್ದು, ಮದ್ಯದ ಬೆಲೆಯನ್ನು ಪ್ರತಿ
ಬಾಟಲಿಗೆ 10 ರಿಂದ 100 ರೂ.ಗಳಷ್ಟು ಕಡಿಮೆ ಮಾಡಲಾಗಿದೆ. ಹಾಗಂತ ಇದು ನಮ್ಮ ಕರ್ನಾಟಕದಲ್ಲಿ ಮಾಡಿದ
ಕಡಿತವಲ್ಲ. ಬದಲಿಗೆ ನಮ್ಮ ನೆರೆಯ ರಾಜ್ಯವಾದ ಆಂಧ್ರಪ್ರದೇಶದಲ್ಲಾದ ಬೆಳವಣಿಗೆ.

Sponsored

ಹೌದು, ಆಂಧ್ರಪ್ರದೇಶ ಸರ್ಕಾರವು ಮದ್ಯ ಪ್ರಿಯರಿಗೆ ಸಿಹಿ ಸುದ್ದಿ ಒಂದನ್ನು ನೀಡಿದ್ದು, ಮದ್ಯದ ದರ
ಇಳಿಕೆ ಮಾಡಿದೆ. ಪ್ರತಿ ಬಾಟಲ್ ಮೇಲೆ ಕನಿಷ್ಠ 10 ರೂಪಾಯಿಂದ 100 ರೂಪಾಯಿವರೆಗೆ ಬೆಲೆ ಕಡಿತ ಮಾಡಿದೆ.
ಇದರಿಂದ ಮದ್ಯದ ಗ್ರಾಹಕರಿಗೆ ಪ್ರತಿ ತಿಂಗಳು ಸುಮಾರು 116 ಕೋಟಿ ರೂ.ಗಳಷ್ಟು ಉಳಿತಾಯವಾಗುತ್ತದೆ.

Advertisement

Advertisement

ಅಧಿಕಾರಿಗಳೊಂದಿಗೆ ಪರಿಶೀಲನಾ ಸಭೆ ನಡೆಸಿದ ಆಂಧ್ರಪ್ರದೇಶ ಮುಖ್ಯಮಂತ್ರಿ ಚಂದ್ರಬಾಬು ನಾಯ್ಡು, ಮದ್ಯದ
ನೀತಿಯಲ್ಲಿ ಪಾರದರ್ಶಕತೆ ಖಚಿತಪಡಿಸಿಕೊಂಡು ಕೈಗೆಟುಕುವ ದರದಲ್ಲಿ ಮದ್ಯ ಪೂರೈಸಲು ಕ್ರಮ ಕೈಗೊಳ್ಳಬೇಕು.
ನಕಲಿ ಮದ್ಯ ಮಾರಾಟಕ್ಕೆ ಕಡಿವಾಣ ಹಾಕುವಂತೆ ಸೂಚಿಸಿದ್ದಾರೆ.

ವರದಿಯ ಪ್ರಕಾರ, ರಾಜ್ಯದಲ್ಲಿ ರಾಷ್ಟ್ರೀಯ ಮತ್ತು ಅಂತಾರಾಷ್ಟ್ರೀಯ ಗುಣಮಟ್ಟದ ಮದ್ಯದ ಬ್ರಾಂಡ್‌ಗಳನ್ನು
ಮಾತ್ರ ಮಾರಾಟ ಮಾಡಬೇಕು ಎಂದು ಮುಖ್ಯಮಂತ್ರಿ ಅಧಿಕಾರಿಗಳಿಗೆ ತಿಳಿಸಿದರು. ಅಲ್ಲದೆ ಸುಂಕ ಪಾವತಿಸದೆ
ಅಕ್ರಮ ಅಥವಾ ಹಾನಿಕಾರಕ ಮದ್ಯ ಮಾರಾಟವನ್ನು ಕಟ್ಟುನಿಟ್ಟಾಗಿ ನಿಷೇಧಿಸಬೇಕು. ಹೊಸ ಮದ್ಯ ನೀತಿಯು ರಾಜ್ಯದ
ಆದಾಯವನ್ನು ಹೆಚ್ಚಿಸಿದೆ. ಹಿಂದಿನ ಸರ್ಕಾರದ (ವೈಎಸ್‌ಆರ್‌ಸಿಪಿ ನಿಯಮ) ಅವಧಿಯಲ್ಲಿ ಕುಸಿದಿದ್ದ ವ್ಯವಹಾರ
ಈಗ ಮತ್ತೆ ಚೇತರಿಸಿಕೊಂಡಿದೆ. ನಕಲಿ ಬ್ರಾಂಡ್‌ಗಳಿಗೆ ಕಡಿವಾಣ ಬಿದ್ದಿದ್ದು, ಬಡ ವರ್ಗಗಳಲ್ಲಿ ವ್ಯಸನವನ್ನು
ನಿಗ್ರಹಿಸಲು ಸಹಾಯ ಮಾಡಿದೆ ಎಂದು ಅಧಿಕಾರಿಗಳು ಮಾಹಿತಿ ನೀಡಿದರು.

ಇನ್ನು ಮದ್ಯದ ಬೆಲೆಯನ್ನು ಮೊದಲ ಬಾರಿಗೆ ಪ್ರತಿ ಬಾಟಲಿಗೆ 10 ರಿಂದ 100 ರೂ.ಗಳಷ್ಟು ಕಡಿಮೆ ಮಾಡಲಾಗಿದೆ,
ಇದರಿಂದಾಗಿ ಗ್ರಾಹಕರಿಗೆ ತಿಂಗಳಿಗೆ ಸುಮಾರು 116 ಕೋಟಿ ರೂ.ಗಳಷ್ಟು ಉಳಿತಾಯವಾಗಿದೆ, ಇದರಿಂದಾಗಿ 
ಆಂಧ್ರಪ್ರದೇಶದಲ್ಲಿ 30 ಬ್ರಾಂಡ್ಗಳ ಬೆಲೆಗಳು ತೆಲಂಗಾಣ, ಕರ್ನಾಟಕ ಮತ್ತು ತಮಿಳುನಾಡುಗಿಂತ ಕಡಿಮೆಯಾಗಿದೆ”
ಎಂದು ಅಧಿಕಾರಿಗಳು ತಿಳಿಸಿದ್ದಾರೆ ಎಂದು ಪ್ರಕಟಣೆಯಲ್ಲಿ ಉಲ್ಲೇಖಿಸಲಾಗಿದೆ.

[ಇದನ್ನೂ ಓದಿ: Gokarna: ಗೋಕರ್ಣದ ಗುಹೆಯಲ್ಲಿ ವಾಸವಿದ್ದಿದ್ದೇಕೆ? ಶಾಕಿಂಗ್ ವಿಚಾರ ಬಹಿರಂಗಪಡಿಸಿದ ರಷ್ಯಾ ಮಹಿಳೆ!!](https://hosakannada.com/2025/07/15/why-did-people-live-in-a-cave-in-gokarna-a-russian-woman-revealed-a-shocking-fact/)

Advertisement