# ಹೋಗಿ ಹೋಗಿ ಕಾಡಾನೆಯೊಂದಿಗೆ ಸೆಲ್ಫಿ – ಬಚಾವ್ ಆಗಿ ವಾಪಸ್ಸಾದಾಗ 20 ಸಾವಿರ ರೂ. ದಂಡ ಕಕ್ಕಿದ್ರು

- Link: https://hosakannada.com/news/go-go-selfie-with-kadane20-thousand-rupees-when-he-returned-as-bachav-danda-kakkadru/
- Published: 2023-07-06T21:18:24+00:00
- Author: ಹೊಸಕನ್ನಡ

Selfi with Elephant :ಹೋಗಿ ಹೋಗಿ ಕಾಡಾನೆಯೊಂದಿಗೆ ಸೆಲ್ಫಿ (Selfi with Elephant) ಕ್ಲಿಕ್ಕಿಸಿಕೊಂಡ
ಇಬ್ಬರು ಪ್ರವಾಸಿಗರಿಗೆ ತಲಾ 10 ಸಾವಿರ ರೂ. ದಂಡ ವಿಧಿಸಿರುವ ಘಟನೆ ನಡೆದಿದೆ.

Sponsored

 

Advertisement

Advertisement

ಹೌದು, ಚಾಮರಾಜನಗರ (Chamrajnagar) ಜಿಲ್ಲೆಯ ಗಡಿ ಭಾಗದ ತಮಿಳುನಾಡಿನ ಅಸನೂರು ಬಳಿ ಈ ‘ಸೆಲ್ಫಿ 
ವಿತ್ ವೈಲ್ಡ್ ಎಲೆ ಫ್ಯಾಂಟ್ ‘ ನಡೆಸಿದ್ದು ತೆಲಂಗಾಣ ನಿಜಾಮ್‍ಪೇಟೆ ಮೂಲದ ದಿಲೀಪ್ ಕುಮಾರ್ (42) 
ಹಾಗೂ ಶ್ಯಾಂಪ್ರಸಾದ್ (31) ಎಂಬವರೇ ಈ ದುಸ್ಸಾಹಸಕ್ಕೆ ಇಳಿದ ವ್ಯಕ್ತಿಗಳು. ಇದೀಗ ಇಬ್ಬರಿಗೂ ತಲಾ 
ಹತ್ತು ಸಾವಿರ ಫೈನ್ ಹಾಕಲಾಗಿದಿದ್ದು, ಇರಲಾರದೆ ಇರುವೆಬಿಟ್ಟುಕೊಂಡಂತಾಗಿದೆ.

 

ಅಂದಹಾಗೆ ತೆಲಂಗಾಣದ ಈ ಇಬ್ಬರು ಯುವಕರು ಬೆಂಗಳೂರು – ದಿಂಡಿಗಲ್ ರಾಷ್ಟ್ರೀಯ ಹೆದ್ದಾರಿ ಮೂಲಕ ಕೊಯಮತ್ತೂರಿಗೆ
ತೆರಳುತ್ತಿದ್ದರು. ಈ ವೇಳೆ ಆಸನೂರು ಬಳಿ ಕಾಡಾನೆ ಪ್ರತ್ಯಕ್ಷವಾಗಿದೆ. ಅಲ್ಲಿ ಆನೆ ನಿಂತಿದ್ದನ್ನು
ನೋಡಿದ ಅವರು ಕಾರಿನಿಂದ ಇಳಿದು ಕಾಡಾನೆಯ ಸಮೀಪ ಹೋಗಿ ಸೆಲ್ಫಿ ಕ್ಲಿಕ್ಕಿಸಿಕೊಂಡಿದ್ದಾರೆ. ಈ ವೇಳೆ
ಅವರು ಗಸ್ತ್ ಸಿಬ್ಬಂದಿಯ ಕೈಗೆ ಸಿಕ್ಕಿ ಬಿದ್ದಿದ್ದು ಅವರನ್ನು ಹಿಡಿಯಬೇಕು ಎನ್ನುವಷ್ಟರಲ್ಲಿ ಆ ಯುವಕರು
ಕಾರನ್ನೇರಿ ಪರಾರಿಯಾಗಿದ್ದರು.

> For having a selfie, they not only do foolish things,but do them with enthusiasm…
> [pic.twitter.com/rMoFzaHrL3](https://t.co/rMoFzaHrL3)
> — Susanta Nanda IFS (Retd) (@susantananda3) [July 5, 2023](https://x.com/susantananda3/status/1676567765950529536?ref_src=twsrc%5Etfw)

ಆದರೆ ಕಿಲಾಡಿಗಳಾದ ಆ ಸಿಬ್ಬಂದಿಯು ತಮ್ಮ ಮುಂದಿನ ಚೆಕ್ ಪೋಸ್ಟ್ ಆದ ಬಳಿಕ ಬಣ್ಣಾರಿ ಅಮ್ಮನ್ ಚೆಕ್
ಪೋಸ್ಟ್‌ಗೆ ಸುದ್ದಿ ತಲುಪಿಸಿ ಅಲ್ಲಿ ಇವರಿಬ್ಬರನ್ನು ಹಿಡಿಯಲು ತಿಳಿಸಿದ್ದಾರೆ. ಅದರಂತೆ ಕಾರು ಬಣ್ಣಾರಿ
ಚಿಕ್ಕ ಪೋಸ್ಟಿಗೆ ಈ ಇಬ್ಬರು ಸೆಲ್ಫಿ ವೀರರು ಬಂದಾಗ, ರಾಷ್ಟ್ರೀಯ ಹೆದ್ದಾರಿಯಲ್ಲಿ ಹುಡುಗಾಟಿಕೆ ತೋರಿದ
ಅವರಿಗೆ 10 ಸಾವಿರ ರೂಪಾಯಿ ದಂಡ ವಸೂಲಿ ಮಾಡಿ ಎಚ್ಚರಿಕೆ ನೀಡಲಾಗಿದೆ.

ಇದನ್ನೂ  ಓದಿ : [ದಕ್ಷಿಣ ಕನ್ನಡ: ನಾಳೆ, ಜುಲೈ 7 ರಂದು ಶಾಲೆ ಮತ್ತು ಸೀಮಿತ ಕಾಲೇಜುಗಳಿಗೆ ರಜೆ ಘೋಷಣೆ](https://hosakannada.com/2023/07/06/dakshina-kannada-holiday-declared-for-schools-and-limited-colleges-tomorrow-july-7/)

Advertisement