# ನಿಮ್ಮ MP ಸ್ಥಾನವನ್ನು ಕ್ರೀಡಾಪಟು, ಹಿಜಾಬಿ ಮತ್ತು AIMIM ನ ಸದಸ್ಯೆ ಸೈಯದಾ ಫಾಲಾಕ್‌ಗೆ ನೀಡಿ, ಮನೆಯಿಂದಲೇ ಒಳ್ಳೆಯ ಕೆಲಸ ಆರಂಭವಾಗಲಿ । ಓವೈಸಿಯ ‘ಹಿಜಾಬ್ ಧರಿಸಿದ ಪ್ರಧಾನಿ ‘ ಆಶಯಕ್ಕೆ ಬಿಜೆಪಿ ವ್ಯಂಗ್ಯ !

- Link: https://hosakannada.com/news/give-your-mp-seat-to-hijabi-and-aimim-member-syeda-falak/
- Published: 2022-10-27T11:41:20+00:00
- Author: ಹೊಸಕನ್ನಡ ನ್ಯೂಸ್

ಹಿಜಾಬ್ ಧರಿಸಿದ ಮುಸ್ಲಿಂ ಯುವತಿಯನ್ನು ಭಾರತದ ಪ್ರಧಾನಿಯಾಗಿ ನೋಡುವ ಆಸೆ ಇದೆ ಎಂಬ ಎಐಎಂಐಎಂ ಮುಖ್ಯಸ್ಥ
ಅಸಾದುದ್ದೀನ್ ಓವೈಸಿ ಹೇಳಿಕೆಗೆ ಬಿಜೆಪಿ ಬುಧವಾರ ವ್ಯಂಗ್ಯವಾಡಿದೆ. ಬಿಜೆಪಿಯ ಅಮಿತ್ ಮಾಳವೀಯ ಅವರು
ಓವೈಸಿಯವರ ಹಳೆಯ ಮಾತಿಗೆ ಪ್ರತಿಕ್ರಿಯಿಸಿ, ‘ದಾನ ಮನೆಯಿಂದಲೇ ಪ್ರಾರಂಭವಾಗುತ್ತದೆ’ ಎಂದು ವಾಗ್ದಾಳಿ
ನಡೆಸಿದ್ದಾರೆ.  ಓವೈಸಿಯವರು ಪಕ್ಕಕೆ ಸರಿದು, ಈಗಿನ ತಮ್ಮ ಹೈದರಾಬಾದ್ ಲೋಕಸಭಾ ಸ್ಥಾನವನ್ನು ಸೈಯದಾ
ಫಾಲಕ್‌ಗೆ ನೀಡಬೇಕೆಂದು ಸಲಹೆ ನೀಡಿದ್ದಾರೆ.

Sponsored

“ಅಸಾದುದ್ದೀನ್ ಓವೈಸಿ ಅವರು ಹಿಜಾಬ್ ಹೊಂದಿರುವ ಮಹಿಳೆಯನ್ನು ಭಾರತದ ಪ್ರಧಾನಿಯಾಗಿ ನೋಡಲು ಬಯಸುತ್ತಾರೆ.
ಓವೈಸಿ ಏನು ಮಾಡಬಹುದು ಎಂಬುದು ಇಲ್ಲಿದೆ. ಪಕ್ಕಕ್ಕೆ ಸರಿಯಿರಿ ಓವೈಸಿ ಯವರೇ, ಮತ್ತು ಅಂತರರಾಷ್ಟ್ರೀಯ
ಕ್ರೀಡಾಪಟು, ಹಿಜಾಬಿ ಮತ್ತು AIMIM ನ ಸದಸ್ಯರಾಗಿರುವ ಸೈಯದಾ ಫಾಲಾಕ್‌ಗೆ ಹೈದರಾಬಾದ್ ನ ಲೋಕಸಭಾ 
ಸ್ಥಾನವನ್ನು ನೀಡಿ. ಸಂಸದರಾಗುವುದು ಪ್ರಧಾನಿಯಾಗುವ ಮೊದಲ ಹೆಜ್ಜೆ. ಧರ್ಮಕಾರ್ಯವು ಮನೆಯಿಂದಲೇ ಪ್ರಾರಂಭವಾಗುತ್ತದೆ…”
ಎಂದು ಓವೈಸಿಯನ್ನು ಸಕತ್ತಾ ಕಿಚಾಯಿಸಿದೆ ಬಿಜೆಪಿ.

Advertisement

Advertisement

ಇದಕ್ಕೂ ಮುನ್ನ, ನಿನ್ನೆ  ಬಿಜೆಪಿ ರಾಷ್ಟ್ರೀಯ ವಕ್ತಾರ ಶೆಹಜಾದ್ ಪೂನವಾಲ ಅವರು ಕರ್ನಾಟಕದ ವಿಜಯಪುರ(
ಬಿಜಾಪುರ)ದಲ್ಲಿ ಅಲ್ಲಿನ ಮುನ್ಸಿಪಲ್ ಕಾರ್ಪೊರೇಷನ್ ಚುನಾವಣೆಯಲ್ಲಿ ಸ್ಪರ್ಧಿಸುವ ಐದು ಪಕ್ಷದ ಅಭ್ಯರ್ಥಿಗಳ
ಪ್ರಚಾರದ ಸಂದರ್ಭದಲ್ಲಿ ಮಾಧ್ಯಮಗೋಷ್ಠಿಯಲ್ಲಿ ಓವೈಸಿ ಅವರ ಹೇಳಿಕೆಗೆ ವ್ಯಂಗ್ಯವಾಡಿದ್ದರು.

AIMIM ಮುಖ್ಯಸ್ಥರ ಮೇಲೆ ದಾಳಿ ಮಾಡಿದ ಪೂನಾವಾಲಾ: “ಒವೈಸಿ ಜೀ ಅವರು ಹಿಜಾಬ್ ಧರಿಸಿದ ಹುಡುಗಿ ಭಾರತದ
ಪ್ರಧಾನಿಯಾಗುತ್ತಾರೆ ಎಂದು ಆಶಿಸುತ್ತಿದ್ದಾರೆ! ಸಂವಿಧಾನವು ಯಾರನ್ನೂ ನಿಷೇಧಿಸುವುದಿಲ್ಲ. ಆದರೆ 
ಹಿಜಾಬ್ ಧರಿಸಿದ ಹುಡುಗಿ AIMIM ನ ಅಧ್ಯಕ್ಷರಾಗಲು ಯಾವಾಗ ಸಿಗುತ್ತದೆ ಎಂದು ನಮಗೆ ತಿಳಿಸಿ? ನಾವು
ಅದರೊಂದಿಗೆ ಪ್ರಾರಂಭಿಸೋಣ !” ಎಂದು ಪ್ರಶ್ನಿಸಿದ್ದರು. 

ರಿಷಿ ಸುನಕ್ ಅವರು ಯುಕೆಯ ಬಿಳಿಯರಲ್ಲದ ಮತ್ತು ಮೊದಲ ಹಿಂದೂ ಪ್ರಧಾನಿಯಾಗಿರುವುದನ್ನು ಉಲ್ಲೇಖಿಸಿ,
ಓವೈಸಿಯವರ ಹೇಳಿಕೆಯನ್ನು ಇಟ್ಟುಕೊಂಡು ಈಗ ಬಿಜೆಪಿ ತಾರ್ಕಿಕವಾಗಿ ವಾಗ್ಯುದ್ಧಕ್ಕೆ ಇಳಿದಿದೆ.

ಎಐಎಂಐಎಂ ಅಧ್ಯಕ್ಷರು ಭಾರತೀಯ ಜನತಾ ಪಾರ್ಟಿ (ಬಿಜೆಪಿ) ಮೇಲೆ ದಾಳಿ ಮಾಡಿದರು ಮತ್ತು ಇದು ಹಲಾಲ್ 
ಮಾಂಸ ಮತ್ತು ಮುಸ್ಲಿಮರ ಇತರ ಜೀವನಶೈಲಿಯ ಅಂಶಗಳಿಗೆ ವಿರುದ್ಧವಾಗಿದೆ ಎಂದು ಹೇಳಿದರು. ಬಿಜೆಪಿ ಮುಸ್ಲಿಮರ
ಅಸ್ಮಿತೆಗೆ ವಿರುದ್ಧವಾಗಿದೆ ಎಂದು ಆರೋಪಿಸಿದರು.
‘ಸಬ್ಕಾ ಸಾಥ್ ಸಬ್ಕಾ ವಿಕಾಸ್ ಸಬ್ಕಾ ವಿಶ್ವಾಸ್’
ಎಂಬ ತಮ್ಮ ಘೋಷಣೆಯೊಂದಿಗೆ ಪ್ರಧಾನಿ ನರೇಂದ್ರ ಮೋದಿ ಕೇವಲ “ಲಿಪ್ ಸರ್ವಿಸ್” ಮಾಡುತ್ತಿದ್ದಾರೆ ಎಂದು
ಓವೈಸಿ ಆರೋಪಿಸಿದ್ದಾರೆ. ದೇಶದ ಬಹುತ್ವವನ್ನು ಕೊಲ್ಲುವುದೇ ಬಿಜೆಪಿಯ ಅಜೆಂಡಾವಾಗಿರುವುದರಿಂದ ನೆಲದ
ವಾಸ್ತವವು ಸಂಪೂರ್ಣವಾಗಿ ವಿಭಿನ್ನವಾಗಿದೆ ಎಂದು ಅವರು ಪ್ರತಿಪಾದಿಸಿದರು.

> Asaduddin Owaisi wants to see a woman with hijab as India’s PM.
> Here is what Owaisi
> can do. Step aside and offer Hyderabad LS to Syeda Falak, an international sportswoman,
> hijabi and a member of AIMIM.Becoming MP is the first step towards becoming PM.
> Charity begins at home…
> — Amit Malviya (@amitmalviya) [October 26, 2022](https://x.com/amitmalviya/status/1585221076426326017?ref_src=twsrc%5Etfw)

Advertisement