# 100 ರೂಪಾಯಿ ಲಾಟರಿ ಟಿಕೆಟ್ ಖರೀದಿಸಿ 10 ಲಕ್ಷ ರೂ.ಬಂಪರ್ ಆಫರ್ ಗೆದ್ದ ಬಾಲಕಿ!!

- Link: https://hosakannada.com/news/girl-won-lottery-ticket/
- Published: 2022-07-13T20:17:42+00:00
- Author: ಹೊಸಕನ್ನಡ ನ್ಯೂಸ್

ಅದೃಷ್ಟ ಎಂಬುದು ಯಾರಿಗೆ? ಹೇಗೆ? ಖುಲಾಯಿಸುತ್ತದೆ ಎಂಬುದು ಹೇಳಲಾಗುವುದಿಲ್ಲ. ಯಾಕಂದ್ರೆ, ಈ ಅದೃಷ್ಟ
ಎಂಬುದು ಹೇಳಿ-ಕೇಳಿ ಬರುವುದಿಲ್ಲ. ಇಂದು ಭಿಕ್ಷೆ ಬೇಡುವವನು ನಾಳೆ ದೊಡ್ಡ ವ್ಯಕ್ತಿಯಾಗಿ ಬೆಳೆಯೋದ್ರಲ್ಲಿ
ಸಂಶಯವಿಲ್ಲ. ಅದೇ ರೀತಿ ಇಲ್ಲೊಬ್ಬಳು ಹುಡುಗಿ 100 ರೂಪಾಯಿ ಲಾಟರಿ ಟಿಕೆಟ್ ಖರೀದಿಸಿ 10 ಲಕ್ಷ ರೂ.
ಗೆದ್ದ ಘಟನೆ ನಡೆದಿದೆ.

Sponsored

ಪಂಜಾಬ್​ನ ಅಮೃತಸರದ ಬಾಲಕಿ 100 ರೂಪಾಯಿ ಲಾಟರಿ ಟಿಕೆಟ್​ಗೆ ಖರೀದಿಸಿ, ಆ ಟಿಕೆಟ್ ಗೆ 10 ಲಕ್ಷ ರೂಪಾಯಿ
ಬಹುಮಾನ ಬಂದಿದೆ.ಅಮೃತಸರದ ಬಾಬಾ ಬಕಲಾ ಸಾಹಿಬ್‌ನ ನಿವಾಸಿ ಹರ್‌ಸಿಮ್ರಾನ್ ಕೌರ್ ಎಂಬ ಬಾಲಕಿಯೇ ಆ 
ಅದೃಷ್ಟವಂತೆ.

Advertisement

Advertisement

ಹರ್​ಸಿಮ್ರಾನ್​ ಕೌರ್​ ಅವರ ತಂದೆ ಜಮಾಲ್ ಸಿಂಗ್, ಬಾಬಾಬಕಲಾ ಸಾಹಿಬ್​ನ ರಸ್ತೆ ಬದಿ ಚಿಕ್ಕ ಅಂಗಡಿಯನ್ನು
ನಡೆಸುತ್ತಿದ್ದಾರೆ. ಭಾನುವಾರ ಶಾಲೆಗೆ ರಜೆ ಇದ್ದ ಕಾರಣ ತಂದೆಗೆ ನೆರವಾಗಲೆಂದು ಹರ್​ಸಿಮ್ರಾನ್​ ಅಂಗಡಿ
ಬಂದಿದ್ದರು. ಈ ವೇಳೆ ಲಾಟರಿ ಮಾರಾಟ ಮಾಡುವ ವ್ಯಕ್ತಿ ಬಂದು ಲಾಟರಿ ಟಿಕೆಟ್​ ಖರೀದಿಸಲು ಕೇಳಿದ್ದಾರೆ.
ಈ ವೇಳೆ ಹರ್​ಸಿಮ್ರಾನ್​ ಕೌರ್​ ಅವರ ತಂದೆ ನಿರಾಕರಿಸಿದ್ದಾರೆ. ಬಳಿಕ ಸಿಮ್ರಾನ್​ ಒತ್ತಾಯ ಮಾಡಿ 
100 ರೂಪಾಯಿ ಲಾಟರಿ ಟಿಕೆಟ್​ ಖರೀದಿಸುವಂತೆ ಮಾಡಿದ್ದಾರೆ. ಬಳಿಕ ಟಿಕೆಟ್​ ಹರಿದು ನೋಡಿದಾಗ ಅದರಲ್ಲಿ
10 ಲಕ್ಷ ರೂಪಾಯಿ ಬಹುಮಾನ ಬಂದಿರುವುದು ಗೊತ್ತಾಗಿದೆ.

ಲಾಟರಿಯಲ್ಲಿ 10 ಲಕ್ಷ ರೂಪಾಯಿ ಬಂದಿದ್ದಕ್ಕೆ ಹರ್​​ಸಿಮ್ರಾನ್​ ಕೌರ್​ ಅವರ ಕುಟುಂಬಸ್ಥರು ಸಂತಸ 
ವ್ಯಕ್ತಪಡಿಸಿದ್ದು, ಈ ಹಣವನ್ನು ತನ್ನ ತಂದೆಯ ವ್ಯಾಪಾರದಲ್ಲಿ ತೊಡಗಿಸಿಕೊಳ್ಳುವುದರ ಜೊತೆಗೆ ತನ್ನ
ಓದಿಗೆ ಬಳಕೆ ಮಾಡಿಕೊಳ್ಳುವುದಾಗಿ ಸಿಮ್ರಾನ್​ ತಿಳಿಸಿದ್ದಾರೆ.

Advertisement