# 46 ವರ್ಷ ಇತಿಹಾಸವುಳ್ಳ ಪ್ರಸಿದ್ಧ ರೆಸ್ಟೋರೆಂಟ್ ತೇಲುವ ಹಡಗು,ಇನ್ನು ಮುಂದೆ ನೆನಪು ಮಾತ್ರ !!!

- Link: https://hosakannada.com/news/floating-ship/
- Published: 2022-06-19T08:57:35+00:00
- Author: Mallika

ಅಬರ್ ಡೀನ್ ಬಂದರಿನಿಂದ ಹಾಂಕಾಂಗ್‌ ನ ಐಕಾನಿಕ್ ಜಂಬೋ ಫ್ಲೋಟಿಂಗ್ ರೆಸ್ಟೋರೆಂಟ್ ಅನ್ನು 46 ವರ್ಷಗಳ
ನಂತರ ಹೊರತೆಗೆಯುವ ನಿರ್ಧಾರ ಮಾಡಲಾಗಿದೆ. ಈ ರೆಸ್ಟೋರೆಂಟ್‌ ಬಹಳ ಹೆಸರುವಾಸಿಯಾಗಿದ್ದು, ಚೀನೀ ಸಾಮ್ರಾಜ್ಯಶಾಹಿ
ಅರಮನೆಯ ರೀತಿಯಲ್ಲಿ ವಿನ್ಯಾಸಗೊಳಿಸಲಾಗಿದೆ ಮತ್ತು ಕ್ಯಾಂಟೋನೀಸ್ ಮತ್ತು ಸಮುದ್ರಾಹಾರ ಭಕ್ಷ್ಯಗಳಿಗೆ
ಬಹಳ ಹೆಸರುವಾಸಿಯಾಗಿತ್ತು.

Sponsored

ಕೋವಿಡ್ ಸಾಂಕ್ರಾಮಿಕದ ಕಾರಣದಿಂದಾಗಿ 2020ರಲ್ಲಿ ಮುಚ್ಚಲ್ಪಟ್ಟಿದ್ದ ಈ ರೆಸ್ಟೋರೆಂಟ್ ನಂತರ ತೆರೆದಿರಲಿಲ್ಲ.
ಹಾಂಕಾಂಗ್‌ ಹೊರಗೆ ಈ ರೆಸ್ಟೋರೆಂಟ್ ಅನ್ನು ಸ್ಥಳಾಂತರ ಮಾಡಲಾಗಿದ್ದು, ಎಲ್ಲಿ ಹೋಗಿ ನಿಲ್ಲಲಿದೆ ಎನ್ನುವುದು
ಇನ್ನೂ ನಿರ್ಧಾರವಾಗಿಲ್ಲ.

Advertisement

Advertisement

ಈ ತೇಲುವ ರೆಸ್ಟೋರೆಂಟ್ ಹಲವು ವರ್ಷಗಳಿಂದ ಹಾಂಗ್ ಕಾಂಗ್‌ನಲ್ಲಿ ಐತಿಹಾಸಿಕ ಮತ್ತು ವಿಶಿಷ್ಟ ಸಂಸ್ಥೆಯಾಗಿದೆ.
ಈ ರೆಸ್ಟೋರೆಂಟ್‌ಗೆ ಕ್ವೀನ್ ಎಲಿಜಬೆತ್ ಮತ್ತು ಹಾಲಿವುಡ್ ಸೂಪ‌ರ್ ಸ್ಟಾರ್ ಟಾಮ್ ಕ್ರೂಸ್‌ನಂತಹ ಪ್ರಸಿದ್ಧ
ವ್ಯಕ್ತಿಗಳು ಆಗಮಿಸಿ ಹಲವಾರು ಕಾರ್ಯಕ್ರಮಗಳನ್ನು ಆಯೋಜಿಸಿದ್ದಾರೆ. ಆದರೆ ಜಗತ್ತಿಗೆ ಕೊರೊನಾ ಬಂದ
ಬಳಿಕ ಈ ರೆಸ್ಟೋರೆಂಟ್‌ನ್ನು ಮುಚ್ಚಲಾಗಿತ್ತು. ಅಂದಿನಿಂದ ಇದು ತೆರೆದಿಲ್ಲ. ಮುಂದೆ ಇದನ್ನು ಓಪನ್
ಮಾಡುವ ಯಾವುದೇ ಸುದ್ದಿ ಕೂಡಾ ಇಲ್ಲ ಎನ್ನಲಾಗಿದೆ.

ವ್ಯವಹಾರವನ್ನು ನಡೆಸುವ ವೆಚ್ಚವು ದಿನದಿಂದ ದಿನಕ್ಕೆ ಹೆಚ್ಚು, ರೆಸ್ಟೋರೆಂಟ್‌ನಲ್ಲಿ ನಿರಂತರವಾಗಿ
ಹಣ ಹೂಡುವುದು ಅವರಿಗೆ ಅಸಾಧ್ಯ ಎಂದು ಈ ರೆಸ್ಟೋರೆಂಟ್ ಅನ್ನು ನಿರ್ವಹಿಸುವ ಕಂಪನಿಯಾದ ಅಬರ್ಡೀನ್ 
ರೆಸ್ಟೋರೆಂಟ್ ಎಂಟರ್‌ಪ್ರೈಸಸ್ ಹೇಳಿದೆ.
ಕಂಪನಿಯು ಪ್ರತಿ ವರ್ಷ ನಿರ್ವಹಣಾ ಮತ್ತು ತಪಾಸಣೆ ವೆಚ್ಚಗಳಿಗಾಗಿ
ಲಕ್ಷಾಂತರ ಡಾಲರ್‌ಗಳನ್ನು ಖರ್ಚು ಮಾಡುತ್ತಿದೆ. ಆದರೆ ಗಳಿಸಿದ ಆದಾಯಕ್ಕಿಂತ ಖರ್ಚಾದ ವೆಚ್ಚವೇ ಹೆಚ್ಚು
ಎಂದು ಕಂಪನಿ ಹೇಳುತ್ತದೆ.

Advertisement