# ಬಿಜೆಪಿ ಶಾಸಕನ ಮನೆ ತೊಳೆಯಲು ಅಗ್ನಿ ಶಾಮಕ ದಳ ವಾಹನ ಬಳಕೆ

- Link: https://hosakannada.com/news/fire-brigade-vehicle-used-to-wash-bjp-mlas-house/
- Published: 2026-10-06T18:33:22+00:00
- Author: ಹೊಸಕನ್ನಡ ನ್ಯೂಸ್

ತುರ್ತು ಪರಿಸ್ಥಿತಿಗಳಲ್ಲಿ ಬೆಂಕಿ ನಂದಿಸಲು ಬಳಸಬೇಕಾದ ಅಗ್ನಿಶಾಮಕ ವಾಹನವನ್ನು ಶಾಸಕನ ಬಂಗಲೆ ತೊಳೆಯಲು
ಬಳಿಸಿರುವ ಆರೋಪ ಕೇಳಿಬಂದಿದ್ದು, ಶಾಸಕನ ಈ ನಡೆಯ ಕುರಿತು ಗುಜರಾತ್‌ನಲ್ಲಿ ಭಾರೀ ಚರ್ಚೆ ನಡೆಯುತ್ತಿದೆ.

Sponsored

ದೇವಗಢ್ ಬರಿಯಾ ಪುರಸಭೆಗೆ ಸೇರಿದ ಫೈರ್ ಎಂಜಿನ್‌ನ ನೀರನ್ನು ಧನ್‌ಪುರ ತಾಲೂಕಿನ ಪಿಪೇರೋ ಗ್ರಾಮದಲ್ಲಿರುವ
ಶಾಸಕ ಬಚುಭಾಯಿ ಖಾಬಡ್ ಅವರ ನಿವಾಸದ ಮೇಲೆ ಸಿಂಪಡಿಸುತ್ತಿರುವ ವಿಡಿಯೊಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್
ಆಗಿದೆ. ವಿಡಿಯೊದಲ್ಲಿ ಫೈರ್ ಎಂಜಿನ್‌ನಿಂದ ಬಂಗಲೆ ಸುತ್ತಮುತ್ತ ನೀರು ಸಿಂಪಡಿಸುತ್ತಿರುವುದು ಕಂಡುಬಂದಿದ್ದು,
ತುರ್ತು ಸೇವೆಯ ವಾಹನವನ್ನು ಖಾಸಗಿ ಕೆಲಸಕ್ಕೆ ಬಳಸುತ್ತಿರುವುದು ಎಷ್ಟು ಸರಿ ಎಂಬ ಪ್ರಶ್ನೆಗಳು ಎದುರಾಗಿದೆ.

Advertisement

Advertisement

ವಿಡಿಯೊ ವೈರಲ್ ಆದ ಬೆನ್ನಲ್ಲೇ ಅಧಿಕಾರಿಗಳು ಘಟನೆ ಕುರಿತು ಕ್ರಮ ಕೈಗೊಂಡಿದ್ದು, ಫೈರ್ ಎಂಜಿನ್ ಸ್ಥಳಕ್ಕೆ
ತೆರಳಿದ್ದಕ್ಕಾಗಿ ₹ 2,700 ಶುಲ್ಕವನ್ನು ಬಚುಭಾಯಿ ಖಾಬಡ್ ಅವರಿಂದ ವಸೂಲಿ ಮಾಡಲಾಗಿದೆ ಎಂದು ತಿಳಿಸಿದ್ದಾರೆ.
ಬದೇವಗಢ್ ಬರಿಯಾ ಪುರಸಭೆ ಅಧ್ಯಕ್ಷ ಘಮೇಶ್ ಕಲಾಲ್ ಈ ಕುರಿತು ಸ್ಪಷ್ಟನೆ ನೀಡಿದ್ದು, ಶಾಸಕರಿಂದ ಫೈರ್
ಎಂಜಿನ್ ಕಳುಹಿಸುವಂತೆ ಕರೆ ಬಂದಿತ್ತು ಎಂದು ಹೇಳಿದ್ದಾರೆ. ಕರೆ ಬಂದಾಗ ಏನಾದರೂ ಗಂಭೀರ ಘಟನೆ ಸಂಭವಿಸಿರಬಹುದು
ಎಂದು ಭಾವಿಸಿ, ತಕ್ಷಣ ಅಗ್ನಿಶಾಮಕ ಇಲಾಖೆಗೆ ವಾಹನ ಕಳುಹಿಸುವಂತೆ ಸೂಚಿಸಿದ್ದಾರೆ. ಆದರೆ ಅಲ್ಲಿ ಅವರು
ತಮ್ಮ ವೈಯಕ್ತಿಕ ಕಾರ್ಯಕ್ಕೆ ಬಳಸಿದ್ದಾರೆ ಎಂದು ಹೇಳಿದ್ದಾರೆ

Advertisement