# ಬಾಕ್ಸಿಂಗ್ ದಂತಕಥೆ ಮೈಕ್ ಟೈಸನ್ ವೀಲ್ ಚೇರ್ ನಲ್ಲಿ !!!

- Link: https://hosakannada.com/news/famous-boxer-actor-mike-tyson-on-wheelchair/
- Published: 2022-08-19T08:06:00+00:00
- Author: Mallika

ಬಾಕ್ಸಿಂಗ್ ದಂತಕತೆ ಮೈಕ್ ಟೈಸನ್ ಎಲ್ಲರಿಗೂ ಗೊತ್ತೇ ಇದೆ. ಟಾಲಿವುಡ್ ನಟ ವಿಜಯ್ ದೇವರಕೊಂಡ ಅಭಿನಯದ
ಲೈಗರ್ ಚಿತ್ರದಲ್ಲಿ ಪ್ರಮುಖ ಪಾತ್ರ ನಿರ್ವಹಿಸಿದ ಲೆಜೆಂಡರಿ ಬಾಕ್ಸರ್ ಮೈಕ್ ಟೈಸನ್ ವೀಲ್ ಚೇರ್‌ನಲ್ಲಿ
ಓಡಾಡುವ ಕೆಲವು ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಹರಿದಾಡುತ್ತಿವೆ. ಈ ಫೋಟೊಗಳನ್ನು ನೋಡಿ ಅಭಿಮಾನಿಗಳು
ಶಾಕ್ ಆಗಿದ್ದಾರೆ. ವಿಜಯ್ ದೇವರಕೊಂಡ ನಟನೆಯ ‘ಲೈಗರ್’ ಸಿನಿಮಾದಲ್ಲಿ ನಟಿಸಿದ್ದ ಟೈಸನ್‌ಗೆ ದಿಢೀರನೇ
ಏನಾಯ್ತು ಎಂಬ ಆತಂಕ ಜೊತೆಗೆ ಅಚ್ಚರಿಯಲ್ಲಿದ್ದಾರೆ ಅಭಿಮಾನಿಗಳು.

Sponsored

ಬಾಕ್ಸಿಂಗ್ ದಿಗ್ಗಜ ವೀಲ್‌ಚೇರ್‌ನಲ್ಲಿ ಕುಳಿತು ಓಡಾಡುತ್ತಿರುವ ಫೋಟೊಗಳು ಸೋಶಿಯಲ್ ಮೀಡಿಯಾದಲ್ಲಿ
ವೈರಲ್ ಆಗಿದೆ. ಮಿಯಾಮಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣದಿಂದ ಟೈಸನ್ ಹೊರ ಬರುವಾಗ ಈ ಫೋಟೊಗಳನ್ನು
ಕ್ಲಿಕ್ಕಿಸಲಾಗಿದೆ. ಇಂತಹ ಸಂದರ್ಭದಲ್ಲೂ ಅಭಿಮಾನಿಗಳು ಬಾಕ್ಸಿಂಗ್ ಚಾಂಪಿಯನ್ ಜೊತೆ ಫೋಟೊಗೆ ಮುಗಿ
ಬಿದ್ದಿರುವುದು ಖೇದಕರ.

Advertisement

Advertisement

ನ್ಯೂಯಾರ್ಕ್ ಪೋಸ್ಟ್ ವರದಿ ಪ್ರಕಾರ ಮೈಕ್ ಟೈಸನ್ ‘ಸಿಯಾಟಿಕಾ’ ಸಮಸ್ಯೆ ಇದೆಯಂತೆ. ಇದು ಬೆನ್ನು ನೋವು
ಮತ್ತು ಸೊಂಟದ ನರಗಳ ನೋವಿಗೆ ಸಂಬಂಧಪಟ್ಟದ್ದು. ಹಾಗಾಗಿ ಹೆಚ್ಚು ಓಡಾಡದೇ, ಆಯಾಸ ಮಾಡಿಕೊಳ್ಳದೇ ಇರಲು
ವೀಲ್‌ಚೇರ್ ಬಳಸುತ್ತಿದ್ದಾರೆ. ಕೆಲ ದಿನಗಳ ಹಿಂದೆ ಟೈಸನ್ ವಾಕಿಂಗ್ ಸ್ಟಿಕ್ ಹಿಡಿದು ಓಡಾಡುತ್ತಿದ್ದ
ಫೋಟೊಗಳು ಸಹ ಹೊರ ಬಂದಿತ್ತು. ಆರೋಗ್ಯದಲ್ಲಿ ಏನು ಸಮಸ್ಯೆ ಇಲ್ಲ. ಮುಂಜಾಗ್ರತೆ ಕ್ರಮವಾಗಿ ಸ್ಟಿಕ್
ಬಳಸುತ್ತಿದ್ದೇನೆ ಎಂದು ಹೇಳಿದ್ದರು.

“ಒಂದು ದಿನ ನಾವೆಲ್ಲರೂ ಸಾಯುತ್ತೇವೆ. ಕನ್ನಡಿಯಲ್ಲಿ ನನ್ನ ಮುಖದ ಮೇಲಿನ ಸಣ್ಣ ಮಚ್ಚೆಗಳನ್ನು ನೋಡಿದಾಗ
ಅಂತಿಮ ಹಂತ ಹತ್ತಿರದಲ್ಲಿದೆ ಎನಿಸುತ್ತಿದೆ. ನಿಜವಾಗಿಯೂ ಬಹಳ ಬೇಗ ಅನ್ನಿಸುತ್ತಿದೆ. ಅನೇಕ ಪ್ರಸಿದ್ಧ
ವ್ಯಕ್ತಿಗಳು ಕೊನೆಯ ಹಂತದಲ್ಲಿ ಸಾಕಷ್ಟು ನೋವನ್ನು ಅನುಭವಿಸಿ ಇಹಲೋಕ ತ್ಯಜಿಸಿದ್ದಾರೆ. ನಾನು ಅ ರೀತಿ
ಸಾಯಲು ಬಯಸುವುದಿಲ್ಲ” ಎಂದು ಇತ್ತೀಚಿಗೆ ಸಂದರ್ಶನವೊಂದರಲ್ಲಿ ಟೈಸನ್ ತಮ್ಮ ಆರೋಗ್ಯದ ಬಗ್ಗೆ ಪರೋಕ್ಷವಾಗಿ
ಕೆಲ ಆಘಾತಕಾರಿ ಸಂಗತಿಗಳನ್ನು ಹಂಚಿಕೊಂಡಿದ್ದರು. ಮೈಕ್ ಟೈಸನ್ ಅವರ ಈ ಮಾತುಗಳಿಗೆ ಅವರ ಆರೋಗ್ಯ ಸಮಸ್ಯೆನೇ
ಕಾರಣವಾ ಎಂಬ ಅನುಮಾನ ನಿಜಕ್ಕೂ ಮೂಡುತ್ತಿದೆ.

ಆಗಸ್ಟ್ 25ಕ್ಕೆ ‘ಲೈಗರ್’ ಸಿನಿಮಾ 5 ಭಾಷೆಗಳಲ್ಲಿ ಪ್ಯಾನ್ ಇಂಡಿಯಾ ಲೆವೆಲ್‌ನಲ್ಲಿ ಬಿಡುಗಡೆಯಾಗುತ್ತಿದೆ.
ಪೂರಿ ಜಗನ್ನಾಥ್ ನಿರ್ದೇಶನದ ಈ ಚಿತ್ರದಲ್ಲಿ ಟೈಸನ್ ಗೆಸ್ಟ್ ಅಪಿಯರೆನ್ಸ್ ಮಾಡಿದ್ದಾರೆ. ಮೈಕ್ ಟೈಸನ್‘
ಲೈಗರ್’ ಚಿತ್ರದಲ್ಲಿ ನಟಿಸಲು ಬರೋಬ್ಬರಿ 40 ಕೋಟಿ ರೂ. ಸಂಭಾವನೆ ಪಡೆದುಕೊಂಡಿದ್ದಾರೆ ಎನ್ನಲಾಗುತ್ತಿದೆ.

Advertisement