# ನಕಲಿ ಔಷಧಿ ಜಾಲಕ್ಕೆ 5 ರಾಜ್ಯಗಳ ಲಿಂಕ್‌; ತನಿಖೆಗೆ 5 ತಂಡ ರಚನೆ

- Link: https://hosakannada.com/news/fake-medicine-network-five-states-investigation/
- Published: 2026-08-21T10:13:43+00:00
- Author: ಹೊಸಕನ್ನಡ ನ್ಯೂಸ್

**ಬೆಂಗಳೂರು: ರಾಜ್ಯದಲ್ಲಿ ಪತ್ತೆಯಾಗಿರುವ ನಕಲಿ ಔಷಧಿ ಜಾಲದ ತನಿಖೆ ಮತ್ತಷ್ಟು ವಿಸ್ತರಣೆಯಾಗಿದ್ದು,
ಪ್ರಕರಣಕ್ಕೆ ಬರೋಬ್ಬರಿ ಐದು ರಾಜ್ಯಗಳ ಸಂಪರ್ಕ ಇರುವುದು ಬಯಲಾಗಿದೆ.**

Sponsored

> [ಎಸ್‌.ಡಿ.ಎಂ ಕಾಲೇಜು : ‘ ಕೆಮ್ಸಿನ್–2026’ ರಾಷ್ಟ್ರ ಮಟ್ಟದ ವಿಚಾರ ಸಂಕಿರಣ ಮಾಹಿತಿ ಕೈಪಿಡಿ ಬಿಡುಗಡೆ](https://hosakannada.com/news/s-d-m-college-kemsin-2026-national-level-conference-information-handbook-released/)
> Advertisement
> Advertisement

ತನಿಖೆಯಲ್ಲಿ ಹಿಮಾಚಲ ಪ್ರದೇಶ, ತೆಲಂಗಾಣ, ದೆಹಲಿ, ತಮಿಳುನಾಡಿನ ಚೆನ್ನೈ ಹಾಗೂ ಆಂಧ್ರಪ್ರದೇಶಕ್ಕೆ
ನಕಲಿ ಔಷಧಿ ಜಾಲದ ಲಿಂಕ್‌ ಇರುವ ಮಾಹಿತಿ ಹೊರಬಿದ್ದಿದೆ. ಪ್ರಕರಣದ ವ್ಯಾಪ್ತಿ ಹಲವು ರಾಜ್ಯಗಳಿಗೆ 
ವಿಸ್ತರಿಸಿರುವ ಹಿನ್ನೆಲೆಯಲ್ಲಿ ಅಧಿಕಾರಿಗಳು ತನಿಖೆಯನ್ನು ಮತ್ತಷ್ಟು ಚುರುಕುಗೊಳಿಸಿದ್ದಾರೆ.

ಐದು ರಾಜ್ಯಗಳಲ್ಲಿ ಜಾಲದ ಸುಳಿವು ಸಿಕ್ಕಿರುವ ಹಿನ್ನೆಲೆಯಲ್ಲಿ ಡ್ರಗ್ ಕಂಟ್ರೋಲರ್‌ಗಳ ಐದು ಪ್ರತ್ಯೇಕ
ತಂಡಗಳನ್ನು ರಚಿಸಲಾಗಿದೆ. ಈ ತಂಡಗಳು ಸಂಬಂಧಪಟ್ಟ ರಾಜ್ಯಗಳಿಗೆ ಭೇಟಿ ನೀಡಿ ಔಷಧಿಗಳ ಮೂಲ, ಪ್ಯಾಕಿಂಗ್,
ಲೇಬಲ್ ಹಾಗೂ ಪೂರೈಕೆ ಜಾಲದ ಬಗ್ಗೆ ಮಾಹಿತಿ ಕಲೆಹಾಕಲಿವೆ.

> [ಎಸ್‌.ಡಿ.ಎಂ ಕಾಲೇಜು : ‘ ಕೆಮ್ಸಿನ್–2026’ ರಾಷ್ಟ್ರ ಮಟ್ಟದ ವಿಚಾರ ಸಂಕಿರಣ ಮಾಹಿತಿ ಕೈಪಿಡಿ ಬಿಡುಗಡೆ](https://hosakannada.com/news/s-d-m-college-kemsin-2026-national-level-conference-information-handbook-released/)

ಈಗಾಗಲೇ ನಕಲಿ ಔಷಧಿಗಳ ಮೇಲೆ ವಿವಿಧ ರಾಜ್ಯಗಳ ಔಷಧ ಕಂಪನಿಗಳ ಲೇಬಲ್‌ಗಳನ್ನು ಬಳಸಿರುವುದು ತನಿಖೆಯಲ್ಲಿ
ಬೆಳಕಿಗೆ ಬಂದಿದೆ. ಹೀಗಾಗಿ, ಸಂಬಂಧಪಟ್ಟ ಕಂಪನಿಗಳ ಹೆಸರಿನಲ್ಲಿ ನಕಲಿ ಲೇಬಲ್‌ಗಳನ್ನು ತಯಾರಿಸಿ ಔಷಧಿಗಳನ್ನು
ಮರುಪ್ಯಾಕಿಂಗ್ ಮಾಡಲಾಗಿದೆಯೇ ಎಂಬ ಬಗ್ಗೆಯೂ ಅಧಿಕಾರಿಗಳು ಪರಿಶೀಲನೆ ನಡೆಸಲಿದ್ದಾರೆ.
 ಐದು ರಾಜ್ಯಗಳಲ್ಲಿರುವ
ಸಂಬಂಧಪಟ್ಟ ಕಂಪನಿಗಳಿಗೆ ಅಧಿಕೃತ ಪತ್ರ ರವಾನಿಸಿ, ಅವರ ಹೆಸರಿನ ಲೇಬಲ್‌ಗಳನ್ನು ಅನಧಿಕೃತವಾಗಿ ಬಳಸಲಾಗಿದೆಯೇ
ಎಂಬ ಕುರಿತು ಮಾಹಿತಿ ಕೋರಲು ಅಧಿಕಾರಿಗಳು ಮುಂದಾಗಿದ್ದಾರೆ.

ನಕಲಿ ಔಷಧಿಗಳ ತಯಾರಿಕೆ ಹಾಗೂ ವಿತರಣೆಯ ಮೂಲ ಪತ್ತೆಹಚ್ಚಲು ತನಿಖಾ ತಂಡಗಳು ರಾಜ್ಯದಿಂದ ಹೊರಗೆ ತೆರಳಿ
ಪರಿಶೀಲನೆ ನಡೆಸಲಿದ್ದು, ತನಿಖೆ ಮುಂದುವರಿದಂತೆ ಜಾಲದ ಇನ್ನಷ್ಟು ಅಂಶಗಳು ಬಹಿರಂಗವಾಗುವ ಸಾಧ್ಯತೆ
ಇದೆ.

> [ಎಸ್‌.ಡಿ.ಎಂ ಕಾಲೇಜು : ‘ ಕೆಮ್ಸಿನ್–2026’ ರಾಷ್ಟ್ರ ಮಟ್ಟದ ವಿಚಾರ ಸಂಕಿರಣ ಮಾಹಿತಿ ಕೈಪಿಡಿ ಬಿಡುಗಡೆ](https://hosakannada.com/news/s-d-m-college-kemsin-2026-national-level-conference-information-handbook-released/)

Advertisement