# CM Siddaramiah : ವರುಣ ಕ್ಷೇತ್ರದಲ್ಲಿ ಜಾತ್ರೆ – ಒಂದು ಲಾರಿ ಲೋಡ್ ಸಿಲಿಂಡರ್ ಕೊಡಿಸಿದ ಸಿದ್ದರಾಮಯ್ಯ!!

- Link: https://hosakannada.com/news/fair-in-varuna-constituency-siddaramaiah-gave-a-lorry-load-of-cylinders/
- Published: 2026-03-14T15:48:50+00:00
- Author: ಹೊಸಕನ್ನಡ ನ್ಯೂಸ್

CM Siddaramiah : ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವ ಯುದ್ಧದ ಕಾರಣದಿಂದ ದೇಶಾದ್ಯಂತ ಎಲ್ಲೆಡೆ
ಎಲ್ಪಿಜಿ ಸಿಲಿಂಡರ್ ಅಭಾವ ಉಂಟಾಗುತ್ತಿದೆ. ಇದು ಊಹಿಸಲಾಗದಂತಹ ಹೊಡೆತವನ್ನು ನೀಡಿದ್ದು ಜನರನ್ನು 
ಆತಂಕಕ್ಕೆ ದೂಡಿದೆ. ಈ ನಡುವೆ ಆಶ್ಚರ್ಯವೆಂಬಂತೆ ತನ್ನ ವರುಣ ಕ್ಷೇತ್ರದಲ್ಲಿನ ಜಾತ್ರೆಗೆ ಸಿಎಂ ಸಿದ್ದರಾಮಯ್ಯ
ಅವರು ಒಂದು ಲಾರಿ ಲೋಡು LPG ಸಿಲಿಂಡರನ್ನು ಕೊಡಿಸಿದ್ದಾರೆ.

Sponsored

ಹೌದು, ಸಿಎಂ ಪ್ರತಿನಿಧಿಸುವ ವರುಣ ಕ್ಷೇತ್ರದ ವರಕೊಡುನಲ್ಲಿ ನಿನ್ನೆ (ಮಾರ್ಚ್‌ 13) ದೊಡ್ಡ ಜಾತ್ರೆ
ನಡೆಯಿತು. ಜಾತ್ರೆಗೆ ಬಂದ ಭಕ್ತರಿಗೆ ಪ್ರಸಾದ ವ್ಯವಸ್ಥೆ ಇತ್ತು. ಪ್ರಸಾದ ತಯಾರಿಕೆಗೆ ಮುಖ್ಯಮಂತ್ರಿ
ಸಿದ್ದರಾಮಯ್ಯ (Siddaramaiah) ತಮ್ಮ ಪ್ರಭಾವ ಬಳಸಿ ಒಂದು ಲೋಡ್ ಸಿಲಿಂಡರ್ (Gas Cylinder) ಕೊಡಿಸಿದ್ದಾರೆ.
ಅಂದರೆ ಸುಮಾರು 200-250 ಸಿಲಿಂಡರ್ ಅನ್ನು ಸಿಎಂ ತಮ್ಮ ಕ್ಷೇತ್ರಕ್ಕೆ ಕೊಡುಗೆ ನೀಡಿದ್ದಾರೆ.

Advertisement

Advertisement

ಈ ವಿಚಾರವನ್ನು ಮೈಸೂರು ಹೋಟೆಲ್ ಸಂಘದ ಅಧ್ಯಕ್ಷ ನಾರಾಯಣಗೌಡ ಬಹಿರಂಗ ಪಡಿಸಿದ್ದು, ಸಿಎಂ ಮನಸ್ಸು 
ಮಾಡಿದರೆ ಏನೂ ಬೇಕಾದರು ಆಗುತ್ತದೆ. ಜಾತ್ರೆಗೂ ಎರಡು ದಿನ ಮೊದಲೇ ಡಿಸಿ ಜೊತೆ ಮಾತನಾಡಿ ಸಿಲಿಂಡರ್
ಕೊಡಿಸಿದ್ದಾರೆ. ಹೀಗಾಗಿ ಹೋಟೆಲ್‌ಗಳಿಗೂ ಕೂಡ ದಿನಕ್ಕೆ ಒಂದೋ ಎರಡೋ ಸಿಲಿಂಡರ್ ಕೊಡಿಸಲು ಸಿಎಂ ಪ್ರಭಾವ
ಬೀರಬೇಕು. ಮೈಸೂರಿನಲ್ಲಿ ಸುಮಾರು ಪ್ರತಿನಿತ್ಯ 4,000 ಸಿಲಿಂಡರ್ ಬಳಸಲಾಗುತ್ತದೆ. ಅಷ್ಟು ಸಾಧ್ಯವಿಲ್ಲವೆಂದರೂ
ಕನಿಷ್ಠ 700-800 ಸಿಲಿಂಡರ್ ಲಭ್ಯವಾಗುವಂತೆ ಸಿಎಂ ಮಾಡಬೇಕು ಎಂದು ಮನವಿ ಮಾಡಿದ್ದಾರೆ.

Advertisement