# ನೀವು ಭಾರತೀಯರೇ ಆದ್ರೂ ಈ 4 ರಾಜ್ಯಗಳ ಪ್ರವೇಶ ಅಷ್ಟು ಸುಲಭವಲ್ಲ!

- Link: https://hosakannada.com/news/even-if-you-are-an-indian-entering-these-4-states-is-not-that-easy/
- Published: 2026-08-21T13:13:07+00:00
- Author: ಹೊಸಕನ್ನಡ ನ್ಯೂಸ್

ಭಾರತೀಯರಾದ ನಾವು ನಮ್ಮ ದೇಶದ ಒಳಗಡೆ ಯಾವುದೇ ರಾಜ್ಯ ಅಥವಾ ಕೇಂದ್ರಾಡಳಿತ ಪ್ರದೇಶಗಳಿಗೆ ಯಾರ ಅಪ್ಪಣೆ,
ಅನುಮತಿ ಇಲ್ಲದೆ ಪ್ರವೇಶಿಸಬಹುದು ಎಂದೆಲ್ಲಾ ಅಂದುಕೊಂಡಿರುತ್ತಾರೆ. ಆದ್ರೆ, ಅಸಲಿಗೆ ಅದು ಸುಳ್ಳು
ಎಂಬುದು ನಿಮಗೆ ಗೊತ್ತಿರಲಿ. ಯಾಕೆಂದರೆ ಭಾರತದ ಈ ನಾಲ್ಕು ರಾಜ್ಯಗಳಿಗೆ ಪ್ರವೇಶಿಸುವುದು ಎಂದರೆ ಸುಲಭದ
ಮಾತಲ್ಲ. ಯಾಕೆಂದರೆ ಅದಕ್ಕೆ ಕಾನೂನಿನ ಚೌಕಟ್ಟುಗಳ ಮೂಲಕ ಅನುಮತಿ ಪಡೆದು ತೆರಳಬೇಕು. 

Sponsored

ಹೌದು, ಭಾರತದ ಈಶಾನ್ಯ ರಾಜ್ಯಗಳಾದ ಅರುಣಾಚಲ ಪ್ರದೇಶ, ನಾಗಾಲ್ಯಾಂಡ್, ಮಿಜೋರಾಂ ಮತ್ತು ಮಣಿಪುರಕ್ಕೆ
ಭೇಟಿ ಕೊಡಲು ಅಥವಾ ಆ ಮಾರ್ಗ ಪ್ರಯಾಣಿಸುವ ಮೊದಲು ಇನ್ನರ್ ಲೈನ್ ಪರ್ಮಿಟ್ (ILP) ಪಡೆಯುವುದು ಕಡ್ಡಾಯ.
ಅಷ್ಟಕ್ಕೂ ಈ ಐಎಲ್​ಪಿ ಎಂದರೇನು? ಯಾವ ಕಾರಣಕ್ಕೆ ಇದು ಅವಶ್ಯ? ಆ ಬಗ್ಗೆ ಇಲ್ಲಿದೆ ನೋಡಿ ಡೀಟೇಲ್ಸ್.

Advertisement

Advertisement

ಏನಿದು ಇನ್ನರ್ ಲೈನ್ ಪರ್ಮಿಟ್?ಈ ವ್ಯವಸ್ಥೆ ಏಕೆ ಜಾರಿ?

ಸರಳವಾಗಿ ಹೇಳುವುದಾದರೆ, ಐಎಲ್​ಪಿ ಅಧಿಕೃತ ಪರವಾನಗಿಯಾಗಿದೆ. ರಾಜ್ಯೇತರ ನಾಗರಿಕರು ನಿರ್ದಿಷ್ಟ ಸಮಯದವರೆಗೆ
ಅಲ್ಲಿಗೆ ಪ್ರಯಾಣಿಸಲು ಇದು ಉಪಯುಕ್ತ. ಆದಾಗ್ಯೂ, ಈ ಲೈಸನ್ಸ್​ ಅವಧಿ, ಶುಲ್ಕಗಳು ಮತ್ತು ಅರ್ಜಿ ಪ್ರಕ್ರಿಯೆಯು
4 ರಾಜ್ಯಗಳಲ್ಲಿ ವಿಭಿನ್ನವಾಗಿದೆ. ಪ್ರವಾಸಿಗರ ಅನುಕೂಲಕ್ಕಾಗಿ ಆಯಾ ರಾಜ್ಯಗಳು ಪ್ರಸ್ತುತ ಆನ್‌ಲೈನ್‌ನಲ್ಲಿ
ಈ ಪ್ರಕ್ರಿಯೆಯನ್ನು ಪೂರ್ಣಗೊಳಿಸುವ ಸೌಲಭ್ಯವನ್ನು ಇನ್ನಷ್ಟು ಸುಲಭವಾಗಿಸಿದೆ.

ಇದನ್ನು ಪರಿಚಯಿಸಿದ್ದು ಬ್ರಿಟಿಷರು.  ಬ್ರಿಟಿಷ್ ಸರ್ಕಾರವು ಬಯಲು ಸೀಮೆಯ ಜನರು ಮುಕ್ತವಾಗಿ ಗುಡ್ಡಗಾಡು
ಪ್ರದೇಶಗಳಿಗೆ ಹೋಗುವುದನ್ನು ತಡೆಯಲು ಈ ‘ಇನ್ನರ್ ಲೈನ್’ ನಿಬಂಧನೆಯನ್ನು ಪರಿಚಯಿಸಿತು. ಸ್ಥಳೀಯ ಬುಡಕಟ್ಟುಗಳೊಂದಿಗೆ
ಘರ್ಷಣೆಯನ್ನು ತಡೆಗಟ್ಟುವುದು ಇದರ ಮುಖ್ಯ ಉದ್ದೇಶವಾಗಿತ್ತು. ಆದಾಗ್ಯೂ, ಸ್ವಾತಂತ್ರ್ಯದ ಬಳಿಕ ಈ 
ಕಾನೂನು ತನ್ನ ಸ್ವರೂಪವನ್ನು ಬದಲಾಯಿಸಿತು. ಈಶಾನ್ಯ ಭಾರತದಲ್ಲಿ ದಶಕಗಳಿಂದ ಅಸ್ತಿತ್ವದಲ್ಲಿದ್ದ ಬುಡಕಟ್ಟು
ಬುಡಕಟ್ಟುಗಳ ಸಂಸ್ಕೃತಿ, ಸಂಪ್ರದಾಯಗಳು ಮತ್ತು ಭೂಮಿಯನ್ನು ರಕ್ಷಿಸಲು ಈ ವ್ಯವಸ್ಥೆಯನ್ನು ಮುಂದುವರಿಸಲಾಗಿದೆ.

**ಮಿಜೋರಾಂ**

ಈ ರಾಜ್ಯಕ್ಕೆ ಭೇಟಿ ಕೊಡುವ ಪ್ರವಾಸಿಗರಿಗೆ ಸಾಮಾನ್ಯವಾಗಿ ಸರ್ಕಾರದಿಂದ 15 ದಿನಗಳ ತಾತ್ಕಾಲಿಕ ಪರವಾನಗಿ
ನೀಡಲಾಗುತ್ತದೆ. ಇದನ್ನು ಇನ್ನೂ 15 ದಿನಗಳವರೆಗೆ ವಿಸ್ತರಿಸಬಹುದು. ಅಗತ್ಯಕ್ಕೆ ಅನುಗುಣವಾಗಿ ಈ ರಾಜ್ಯದಲ್ಲಿ
6 ತಿಂಗಳ ಮಾನ್ಯತೆಯೊಂದಿಗೆ ನಿಯಮಿತ ಲೈಸನ್ಸ್​ ಸಹ ಲಭ್ಯವಿವೆ.

**ಮಣಿಪುರ**

ಮಣಿಪುರವನ್ನು ಡಿಸೆಂಬರ್ 2019ರಿಂದ ಈ ಐಎಲ್​ಪಿ ವ್ಯಾಪ್ತಿಗೆ ತರಲಾಗಿದೆ. ಈ ರಾಜ್ಯಕ್ಕೆ ಅಲ್ಪಾವಧಿಯ
ಸಂದರ್ಶಕರಿಗೆ 30 ದಿನಗಳ ತಾತ್ಕಾಲಿಕ ಪರವಾನಗಿಯನ್ನು ನೀಡಲಾಗುತ್ತದೆ. ಇದಕ್ಕಾಗಿ 100 ರೂ. ಪಾವತಿಸಬೇಕು.
ಈ ILP ಅನ್ನು ಇಂಫಾಲ್ ವಿಮಾನ ನಿಲ್ದಾಣ, ಮಾವೋ ಗೇಟ್ ಮತ್ತು ಜಿರಿಬಾಮ್ ಗೇಟ್‌ನಲ್ಲಿಯೂ ಪಡೆಯಬಹುದಾಗಿದೆ.

**ಮಿಜೋರಾಂ**

ಈ ರಾಜ್ಯಕ್ಕೆ ಭೇಟಿ ಕೊಡುವ ಪ್ರವಾಸಿಗರಿಗೆ ಸಾಮಾನ್ಯವಾಗಿ ಸರ್ಕಾರದಿಂದ 15 ದಿನಗಳ ತಾತ್ಕಾಲಿಕ ಪರವಾನಗಿ
ನೀಡಲಾಗುತ್ತದೆ. ಇದನ್ನು ಇನ್ನೂ 15 ದಿನಗಳವರೆಗೆ ವಿಸ್ತರಿಸಬಹುದು. ಅಗತ್ಯಕ್ಕೆ ಅನುಗುಣವಾಗಿ ಈ ರಾಜ್ಯದಲ್ಲಿ
6 ತಿಂಗಳ ಮಾನ್ಯತೆಯೊಂದಿಗೆ ನಿಯಮಿತ ಲೈಸನ್ಸ್​ ಸಹ ಲಭ್ಯವಿವೆ.

**ಅರುಣಾಚಲ ಪ್ರದೇಶ**

ಈ ರಾಜ್ಯಕ್ಕೆ ಪ್ರಯಾಣಿಸಲು ‘eILP’ ಅಗತ್ಯವಿದೆ. ಇದು ಗರಿಷ್ಠ 14 ದಿನಗಳ ವಾಸ್ತವ್ಯವನ್ನು ಅನುಮತಿಸುತ್ತದೆ.
ಸ್ಥಳೀಯರಲ್ಲದವರು 3 ದಿನಗಳವರೆಗೆ 300 ರೂ. ಮತ್ತು 14 ದಿನಗಳವರೆಗೆ 500 ರೂ. ರೂ. ಪಾವತಿಸಿ ಪಡೆಯಬೇಕು.

**ಬೇಕಾಗುವ ದಾಖಲೆಗಳು :**

ಫೋಟೋ ಗುರುತಿನ ಚೀಟಿ, ಪಾಸ್‌ಪೋರ್ಟ್ ಅಳತೆಯ ಭಾವಚಿತ್ರ, ಪ್ರಯಾಣದ ವಿವರಗಳು ಮತ್ತು ಸ್ಥಳೀಯ ಪರಿಚಯಸ್ಥರಿದ್ದರೆ
ಅವರ ವಿವರಗಳನ್ನು ಅರ್ಜಿ ನಮೂನೆಯಲ್ಲಿ ಸೇರಿಸಬೇಕು. ಪ್ರವಾಸಕ್ಕೆ ತೆರಳುವ ಸಂದರ್ಭದಲ್ಲಿ ಆಯಾ ರಾಜ್ಯಗಳ
ವೆಬ್ಸೈಟ್ ಪರಿಶೀಲಿಸಿ,  ದಾಖಲೆಯನ್ನು ಸಲ್ಲಿಸಿ ಅನುಮತಿ ಪಡೆಯಬೇಕು.

Advertisement