# Election Commission: ರಾಹುಲ್ ಗಾಂಧಿ ಮತಗಳ್ಳತನ ಆರೋಪಕ್ಕೆ  ಚುನಾವಣಾ ಆಯೋಗದಿಂದ ಶಾಕಿಂಗ್ ಹೇಳಿಕೆ?!

- Link: https://hosakannada.com/news/election-commission-shocking-statement-from-the-election-commission-on-rahul-gandhis-vote-rigging-allegations/
- Published: 2025-08-17T16:37:20+00:00
- Author: ಹೊಸಕನ್ನಡ ನ್ಯೂಸ್

Election Commission: ಬಿಹಾರ (Bihar) ವಿಶೇಷ ತೀವ್ರ ಪರಿಷ್ಕರಣೆ (Special Intensive Revision)
ಪ್ರಕ್ರಿಯೆಯಲ್ಲಿ ಮತ ಕಳ್ಳತನದ (Vote theft) ಆರೋಪಗಳನ್ನು ತೀವ್ರವಾಗಿ ಖಂಡಿಸಿರುವ ಭಾರತೀಯ ಚುನಾವಣಾ
ಆಯೋಗವು (ECI), ಆರೋಪವನ್ನು ಭಾರತೀಯ ಸಂವಿಧಾನಕ್ಕೆ ಮಾಡಿದ ಅವಮಾನ ಎಂದು ಕರೆದಿದೆ. ಇದರೊಂದಿಗೆ, 
ಮತದಾರರು ಇಂತಹ ಸಣ್ಣ ರಾಜಕೀಯಕ್ಕೆ ತಲೆಕೆಡಿಸಿಕೊಳ್ಳುವುದಿಲ್ಲ ಎಂದು ಚುನಾವಣಾ ಆಯುಕ್ತ (Election
Commissioner) ಜ್ಞಾನೇಶ್ ಕುಮಾರ್ (Gyanesh Kumar) ಹೇಳಿದ್ದಾರೆ.

Sponsored

ಮತ ಕಳ್ಳತನ ಹಾಗೂ ಬಿಹಾರದ SIR ಕುರಿತು ಉಂಟಾಗಿರುವ ವಿವಾದ ಬೆನ್ನಲ್ಲೇ ಕೇಂದ್ರ ಚುನಾವಣಾ ಆಯುಕ್ತರಾದ
ಜ್ಞಾನೇಶ್​ ಕುಮಾರ್ ಅವರು ಸುದ್ದಿಗೋಷ್ಠಿಯಲ್ಲಿ, ಸಂವಿಧಾನದ ಪ್ರಕಾರ, 18 ವರ್ಷಕ್ಕಿಂತ ಮೇಲ್ಪಟ್ಟ
ಪ್ರತಿಯೊಬ್ಬ ನಾಗರಿಕನು ಮತದಾರರಾಗಿ ನೋಂದಾಯಿಸಿಕೊಳ್ಳಬೇಕು ಮತ್ತು ತಮ್ಮ ಮತದಾನದ ಹಕ್ಕನ್ನು ಚಲಾಯಿಸಬೇಕು
ಎಂದು ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಹೇಳಿದರು.

Advertisement

Advertisement

ರಾಜಕೀಯ ಪಕ್ಷಗಳ ನಡುವೆ ಯಾವುದೇ ತಾರತಮ್ಯವಿಲ್ಲ
 ಇದರೊಂದಿಗೆ ಪ್ರತಿಯೊಂದು ರಾಜಕೀಯ ಪಕ್ಷವು ಚುನಾವಣಾ
ಆಯೋಗದಲ್ಲಿ ನೋಂದಾಯಿಸಲ್ಪಟ್ಟಿರುವುದರಿಂದ, ಅವರ ನಡುವೆ ಯಾವುದೇ ತಾರತಮ್ಯದ ಪ್ರಶ್ನೆಯೇ ಇಲ್ಲ ಎಂದು
ಅವರು ಹೇಳಿದ ಆಯೋಗವು, ಚುನಾವಣಾ ಸಂಸ್ಥೆಗೆ ವಿರೋಧ ಪಕ್ಷ ಅಥವಾ ಆಡಳಿತ ಪಕ್ಷ ಎಂಬುದಿಲ್ಲ, ಏಕೆಂದರೆ
ಎಲ್ಲರೂ ಸಮಾನರು ಮತ್ತು ಆಯೋಗವು ತನ್ನ ಸಾಂವಿಧಾನಿಕ ಕರ್ತವ್ಯದಿಂದ ಹಿಂದೆ ಸರಿಯುವುದಿಲ್ಲ ಎಂದು ಹೇಳಿದರು.

ಲೋಕಸಭಾ ಚುನಾವಣೆಯ ಸಮಯದಲ್ಲಿ, ಒಂದು ಕೋಟಿಗೂ ಹೆಚ್ಚು ಉದ್ಯೋಗಿಗಳು, 10 ಲಕ್ಷಕ್ಕೂ ಹೆಚ್ಚು ಬೂತ್
ಮಟ್ಟದ ಏಜೆಂಟ್‌ಗಳು ಮತ್ತು 20 ಲಕ್ಷಕ್ಕೂ ಹೆಚ್ಚು ಅಭ್ಯರ್ಥಿಗಳ ಮತಗಟ್ಟೆ ಏಜೆಂಟ್‌ಗಳು ಚುನಾವಣಾ 
ಪ್ರಕ್ರಿಯೆಗಾಗಿ ಕೆಲಸ ಮಾಡಿದ್ದಾರೆ ಎಂದ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರು, ಇಷ್ಟೊಂದು
ಜನರ ಸಮ್ಮುಖದಲ್ಲಿ ನಡೆಸಲಾದ ಇಂತಹ ಪಾರದರ್ಶಕ ಪ್ರಕ್ರಿಯೆಯಲ್ಲಿ, ಯಾವುದೇ ಮತದಾರ ಮತಗಳನ್ನು ಕದಿಯಲು
ಸಾಧ್ಯವೇ ಎಂದು ಪರೋಕ್ಷವಾಗಿ ರಾಹುಲ್​ ಗಾಂಧಿಯನ್ನು ಪ್ರಶ್ನಿಸಿದರು.

Advertisement