# Menstrual leave: ಈ ಕಾಲೇಜಿನ  ಹೆಣ್ಣುಮಕ್ಕಳಿಗೆ ಭರ್ಜರಿ ಗುಡ್ ನ್ಯೂಸ್ :  ಋತುಸ್ರಾವದ ರಜೆ ಘೋಷಣೆ ಮಾಡಿದ ಆಡಳಿತ ಸಂಸ್ಥೆ

- Link: https://hosakannada.com/news/education-news-madhya-pradesh-news-menstrual-leave-policy-for-female-student-in-jabalpur/
- Published: 2023-10-01T16:10:32+00:00
- Author: ಕಾವ್ಯ ವಾಣಿ

Menstrual leave: ಪ್ರತೀ ತಿಂಗಳು (Every Month) ವಿದ್ಯಾರ್ಥಿನಿಯರು ಪಿರಿಯಡ್ಸ್ (Menstrual)
ಸಮಯದಲ್ಲಿ ಹಲವಾರು ಸಮಸ್ಯೆಗಳನ್ನು ಎದುರಿಸಬೇಕಾಗುತ್ತದೆ. ಕೆಲವೊಮ್ಮೆ ಈ ಸಂದರ್ಭದಲ್ಲಿ ಕಾಣಿಸಿಕೊಳ್ಳುವ
ನೋವು ಅಸಹನೀಯವಾಗಿರುತ್ತದೆ.

Sponsored

ಮುಖ್ಯವಾಗಿ ಮಾಸಿಕ ಋತು ಸ್ರಾವದ ಸಮಯದಲ್ಲಿ ತಲೆನೋವು, ವಾಕರಿಕೆ, ಮೈಗ್ರೇನ್, ಮೂಡ್ ಸ್ವಿಂಗ್ಸ್, 
ದೇಹದ ಸೆಳೆತ ಮುಂತಾದ ಸಮಸ್ಯೆಗೆ ಕಾರಣವಾಗುತ್ತದೆ. ಈ ಕುರಿತು ಮಹತ್ವದ ಬೆಳವಣಿಗೆಯೊಂದರಲ್ಲಿ ಮಧ್ಯಪ್ರದೇಶದ
ಜಬಲ್ಪುರ ಜಿಲ್ಲೆಯ ಧರ್ಮಶಾಸ್ತ್ರ ರಾಷ್ಟ್ರೀಯ ಕಾನೂನು ವಿಶ್ವವಿದ್ಯಾಲಯವು ವಿವಿಯ ವಿದ್ಯಾರ್ಥಿನಿಯರಿಗೆ
ಋತುಸ್ರಾವದ ರಜೆಗಳನ್ನು (Menstrual leave) ಅನುಮೋದಿಸಿದೆ. ಪ್ರಸಕ್ತ ಸೆಮಿಸ್ಟರ್‌ನಿಂದಲೇ ಈ ನಿಯಮ
ಜಾರಿಯಾಗಿದೆ ಎಂದು ಆಡಳಿತ ಮಂಡಳಿ ತಿಳಿಸಿದೆ.

Advertisement

Advertisement

ಹೌದು, ವಿದ್ಯಾರ್ಥಿನಿಯರಿಗೆ ಋತುಸ್ರಾವದ ರಜೆ ನೀಡಬೇಕು ಎಂಬುದು ಬಹು ಸಮಯದ ಬೇಡಿಕೆಯಾಗಿದ್ದು, ವಿದ್ಯಾರ್ಥಿನಿಯರ
ಒಕ್ಕೂಟವೂ ಇದಕ್ಕೆ ಕಳೆದ ವರ್ಷದಿಂದಲೂ ಬೇಡಿಕೆ ಇಟ್ಟಿತ್ತು. ಈ ಹಿನ್ನೆಲೆಯಲ್ಲಿ ಪ್ರತಿ ಸೆಮಿಸ್ಟರ್‌ಗೆ
6 ರಜೆಗಳನ್ನು ನೀಡುತ್ತಿದ್ದು, ವಿದ್ಯಾರ್ಥಿನಿಯರು ಅವುಗಳನ್ನು ಋತುಸ್ರಾವದ ರಜೆಯನ್ನಾಗಿ ಬಳಸಿಕೊಳ್ಳಲು
ವಿವಿಯ ಡೀನ್‌ ಸಮ್ಮತಿ ನೀಡಿದ್ದಾರೆಂದು ಅಧಿಕಾರಿಗಳು ಹೇಳಿದ್ದಾರೆ. ಸದ್ಯ ಈ ರಜೆಯು ವಿದ್ಯಾರ್ಥಿನಿಯರು
ತಮ್ಮ ಆರೋಗ್ಯ ಸುಧಾರಿಸಿಕೊಳ್ಳಲು ಸಹಾಯವಾಗಬಲ್ಲದು.

ಇದನ್ನೂ ಓದಿ: [ಅಜ್ಜಿಯ ತಿಥಿ ಕಾರ್ಯಕ್ಕೆ ಬಂದವರು ನಾಲೆಗೆ ಬಿದ್ದು ಸಾವು! ಒಂದೇ ಕುಟುಂಬದ ಮೂವರು ನೀರುಪಾಲು!](https://hosakannada.com/2023/10/01/mysuru-news-three-member-of-same-family-drown-in-canal-in-mysore/)

Advertisement
