# ಕೂಲಿ ಹಣದ ವಿಚಾರಕ್ಕೆ ಗಲಾಟೆ- ಮಾಲೀಕನಿಂದ ಫೈರಿಂಗ್‌, ಮಗುವಿನ ತಲೆ ಸೀಳಿದ ಗುಂಡು

- Link: https://hosakannada.com/news/dispute-over-wages-employer-fires-employee-childs-head-is-shot/
- Published: 2026-07-24T15:56:21+00:00
- Author: ಹೊಸಕನ್ನಡ ನ್ಯೂಸ್

ಕೂಲಿ ವಿಚಾರವಾಗಿ ಕಾರ್ಮಿಕರು ಮತ್ತು ಮಾಲೀಕನ ನಡುವೆ ಗಲಾಟೆ ನಡೆದಿದ್ದು, ಕಾರ್ಮಿಕರನ್ನು ಹೆದರಿಸಲು
ಮಾಲೀಕ ಹಾರಿಸಿದ ಗುಂಡು ಮಗುವಿನ ತಲೆಗೆ ಹೊಕ್ಕು ಗಂಭೀರವಾಗಿ ಗಾಯಗೊಂಡ ಘಟನೆ ಚಿಕ್ಕಮಗಳೂರು ಜಿಲ್ಲೆಯ
ಮೂಡಿಗೆರೆ ತಾಲೂಕಿನ ಬಾಳೆಹಳ್ಳಿ ಗ್ರಾಮದಲ್ಲಿ ನಡೆದಿದೆ.

Sponsored

ಜಗದೀಶ್ ಗೌಡ ಎಂಬವವರು ಗುಂಡು ಹಾರಿಸಿದ ತೋಟದ ಮಾಲೀಕ. ಇವರ ಮನೆಗೆ ಅಸ್ಸಾಂ ಮೂಲದ ಕಾರ್ಮಿಕರು ಕೆಲಸಕ್ಕೆ
ಬಂದಿದ್ದರು. ಕಾರ್ಮಿಕರು 400 ರೂ. ಕೂಲಿ ಕೇಳಿದ್ದರು. ಆದರೆ ಜಗದೀಶ್‌ ಗೌಡ ಈಗ 350 ರೂ. ಕೊಡ್ತೀನಿ,
ಆಮೇಲೆ 50 ರೂ. ಕೊಡ್ತೀನಿ ಎಂದು ತಿಳಿಸಿದ್ದ. ಇದೇ ವಿಚಾರಕ್ಕೆ ಕಾರ್ಮಿಕರು ಹಾಗೂ ಮಾಲೀಕನ ನಡುವೆ 
ಗಲಾಟೆಯಾಗಿದೆ. ಇವಳೆ ಕೂಲಿ ಕಾರ್ಮಿಕ ಸಂಪೂರ್ಣ ಹಣವನ್ನು ಕೊಡಬೇಕು ಇಲ್ಲವೆಂದರೆ ಕೆಲಸ ಬಿಟ್ಟು ಹೋಗುತ್ತೇನೆ
ಎಂದು ಸ್ಥಳದಿಂದ ಹೊರಟಿದ್ದಾರೆ. 

Advertisement

Advertisement

ಈ ವೇಳೆ ಮಾತಿಗೆ ಮಾತು ಬೆಳೆದು, ಕಾರ್ಮಿಕರಿಂದ ಮಾಲೀಕರ ಮೇಲೆ ಹಲ್ಲೆಗೆ ಯತ್ನ ನಡೆದಿದೆ ಎನ್ನಲಾಗಿದೆ.
ಆಗ ಕಾರ್ಮಿಕರಿಗೆ ಹೆದರಿಸಲು ತೋಟದ ಮಾಲೀಕ ಜಗದೀಶ್ ಗೌಡ ಕೋವಿ ಹಿಡಿದಿದ್ದಾರೆ. ಈ ವೇಳೆ ಮಿಸ್ ಫೈರ್
ಆಗಿ ಮಗುವಿನ ತಲೆಗೆ ಗುಂಡು ತಗುಲಿದೆ ಎಂದು ತಿಳಿದುಬಂದಿದೆ.

ಮಗುವಿಗೆ ಮೂಡಿಗೆರೆ ತಾಲೂಕು ಆಸ್ಪತ್ರೆಯಲ್ಲಿ ಪ್ರಾಥಮಿಕ ಚಿಕಿತ್ಸೆ ನೀಡಿ, ಹೆಚ್ಚಿನ ಚಿಕಿತ್ಸೆಗಾಗಿ
ಮಂಗಳೂರಿಗೆ ರವಾನಿಸಲಾಗಿದೆ. ಮಗುವಿನ ಸ್ಥಿತಿ ಗಂಭೀರವಾಗಿದೆ ಎಂದು ತಿಳಿದುಬಂದಿದೆ. ಸ್ಥಳಕ್ಕೆ ಪೋಲೀಸರು
ಆಗಮಿಸಿ ತನಿಖೆ ನಡೆಸಿದ್ದಾರೆ.

Advertisement