# Devara Movie: ‘ದೇವರ’ ಸಿನಿಮಾ ರಿಲೀಸ್​ಗೂ ಮುನ್ನ 8 ಕೋಟಿ ಗಳಿಕೆ! ಯಾಕಿಷ್ಟು ಡಿಮ್ಯಾಂಡ್ ಈ ಸಿನಿಮಾಗೆ!?

- Link: https://hosakannada.com/news/devara-movie-earned-8-crores-before-its-release-what-is-the-demand-for-this-movie/
- Published: 2024-09-14T11:25:47+00:00
- Author: ಕಾವ್ಯ ವಾಣಿ

Devara Movie: ‘ದೇವರ’ ಸಿನಿಮಾ (Devara Movie) ರಿಲೀಸ್​ಗೂ ಮುನ್ನ 8 ಕೋಟಿ ರೂಪಾಯಿ ಗಳಿಕೆ ಮಾಡಿದೆ
ಎಂಬ ಮಾಹಿತಿ ಬೆಳಕಿಗೆ ಬಂದಿದೆ. ಹೌದು, ಜೂನಿಯರ್​ ಎನ್​ಟಿಆರ್ ನಟನೆಯ ‘ದೇವರ’ ಸಿನಿಮಾ ಸೆಪ್ಟೆಂಬರ್
27ರಂದು ಬಿಡುಗಡೆ ಅಗಲಿದ್ದು, ಕೊರಟಾಲ ಶಿವ ಅವರು ಈ ಚಿತ್ರವನ್ನು ನಿರ್ದೇಶನ ಮಾಡಿದ್ದಾರೆ.

Sponsored

ಇದು ಜೂನಿಯರ್ ಎನ್​ಟಿಆರ್ ಅವರ 30ನೇ ಸಿನಿಮಾ ಆಗಿದ್ದು, ಈ ಚಿತ್ರದಲ್ಲಿ ಬಾಲಿವುಡ್​ನ ಜಾನ್ವಿ ಕಪೂರ್
ಹಾಗೂ ಸೈಫ್ ಅಲಿ ಖಾನ್ ನಟಿಸುತ್ತಿದ್ದಾರೆ. ರಮ್ಯಾ ಕೃಷ್ಣ ಕೂಡ ಸಿನಿಮಾದಲ್ಲಿ ನಟಿಸುತ್ತಿದ್ದಾರೆ.
ಈ ಚಿತ್ರದ ವಿಎಫ್​ಎಕ್ಸ್​ಗೆ ತಂಡ 140 ಕೋಟಿ ರೂಪಾಯಿ ಖರ್ಚು ಮಾಡಿದೆ. ಆಶ್ಚರ್ಯ ಅಂದರೆ ದೇವರ ಈ ಸಿನಿಮಾ
ರಿಲೀಸ್ ಮುನ್ನವೇ ಯಶಸ್ಸು ಕಂಡಿದೆ. ಯಾಕಂದ್ರೆ ಈ ಚಿತ್ರ ಕೇವಲ ಭಾರತ ಮಾತ್ರವಲ್ಲದೆ ವಿದೇಶದಲ್ಲೂ 
ಭರ್ಜರಿ ಗಳಿಕೆ ಮಾಡುತ್ತಿದೆ. ಅಮೆರಿಕದಲ್ಲಿ ಈ ಸಿನಿಮಾ ಈಗಾಗಲೇ 8 ಕೋಟಿ ರೂಪಾಯಿ ಗಳಿಕೆ ಮಾಡಿದೆಯಂತೆ.

Advertisement

Advertisement

ಮಾಹಿತಿ ಪ್ರಕಾರ, ತೆಲುಗು ಸಿನಿಮಾಗಳಿಗೆ ಅಮೆರಿಕದಲ್ಲಿ ಭರ್ಜರಿ ಬೇಡಿಕೆ ಇದೆ. ಸಿನಿಮಾ ರಿಲೀಸ್​ಗೂ
ಕೆಲ ವಾರ ಮೊದಲೇ ಅಮೆರಿಕದ 276 ಲೊಕೇಶನ್​ಗಳಲ್ಲಿ ಈ ಸಿನಿಮಾಗೆ ಅಡ್ವಾನ್ಸ್ ಬುಕಿಂಗ್ ಆರಂಭ ಆಗಿದ್ದು,
ಈಗಾಗಲೇ 32 ಸಾವಿರ ಟಿಕೆಟ್​ಗಳು ಮಾರಾಟ ಆಗಿವೆ. ಇದರಿಂದ 8 ಕೋಟಿ ರೂಪಾಯಿ ಕಲೆಕ್ಷನ್ ಆಗಿದೆ. ಈ ಮೂಲಕ
ಸಿನಿಮಾ ದಾಖಲೆ ಬರೆದಿದೆ.ಸದ್ಯ ಅಮೆರಿಕದ ಹಾಲಿವುಡ್ ಥಿಯೇಟರ್​ನಲ್ಲಿ ಸೆಪ್ಟೆಂಬರ್ 26ರಂದು ‘ದೇವರ’
ಚಿತ್ರದ ವಿಶೇಷ ಶೋ ಆಯೋಜನೆ ಮಾಡಲಾಗಿದೆ.

ಎನ್​ಟಿಆರ್ ಅವರ ಸಿನಿಮಾ ಸಾಮಾನ್ಯವಾಗಿ ಜನರ ಮನಸು ಗೆಲ್ಲೋದರಲ್ಲಿ ಸಂಶಯ ಇಲ್ಲ. ಅಂತೆಯೇ ಈಗಾಗಲೇ 
ಜೂನಿಯರ್ ಎನ್​ಟಿಆರ್ ಅವರ ನಟನೆಯ ‘ಆರ್​ಆರ್​ಆರ್’ ಸಿನಿಮಾ ಆಸ್ಕರ್ ಗೆದ್ದಿದೆ. ಈ ಕಾರಣಕ್ಕೆ ಅವರ
ಹೆಸರು ಹಾಲಿವುಡ್​ನಲ್ಲಿ ಚಿರಪರಿಚತವಾಗಿದೆ. ಒಟ್ಟಿನಲ್ಲಿ ಈ ಎಲ್ಲಾ ಅವರ ಈ ಚಿತ್ರದ ಬಗ್ಗೆಯೂ ನಿರೀಕ್ಷೆ
ಸೃಷ್ಟಿ ಆಗಿದೆ ಎನ್ನಲಾಗುತ್ತಿದೆ.

Advertisement