# ಸಿಎಂ ಡಿಕೆಶಿ ಇನ್ಸ್ಟಾ ಪೇಜ್ ನಲ್ಲಿ ತುಳುನಾಡ ವರ್ಣನೆ – ಗಮನ ಸೆಳೆದ ಪುತ್ತೂರು ದಿವ್ಯಶ್ರೀ ರೈ ಧ್ವನಿ

- Link: https://hosakannada.com/news/description-of-tulu-nadu-on-cm-dk-shivkumar-instagram-page-voice-of-putturs-divyashree-rai-draws-attention/
- Published: 2026-09-22T10:21:28+00:00
- Author: ಹೊಸಕನ್ನಡ ನ್ಯೂಸ್

ಮುಖ್ಯಮಂತ್ರಿ ಡಿ.ಕೆ.ಶಿವಕುಮಾರ್ ಅವರ ಅಧಿಕೃತ ಇನ್ಸ್ಟಾಗ್ರಾಮ್  ಪೇಜ್‌ನಲ್ಲಿ ತುಳುನಾಡನ್ನು ವರ್ಣಿಸುವ
ವೀಡಿಯೋ ಅಪ್ಲೋಡ್ ಮಾಡಿದ್ದು, ಭಾರೀ ಮೆಚ್ಚುಗೆಗೆ ಪಾತ್ರವಾಗಿದೆ. ವಿಶೇಷ ಅಂದ್ರೆ ಸ್ಟೋರಿಗೆ ಧ್ವನಿ
ನೀಡಿರುವ ಪುತ್ತೂರಿನ ದಿವ್ಯಶ್ರೀ ರೈ ವಜ್ರದುಂಬಿ ಅವರು. ಸದ್ಯ ಅವರೀಗ ತನ್ನ ಕಂಠಸಿರಿಯ ಮೂಲಕ ಕರಾವಳಿಯಲ್ಲಿ
ಗಮನ ಸೆಳೆಯುತ್ತಿದ್ದಾರೆ.

Sponsored

ದಿವ್ಯಶ್ರೀ ರೈ ವಜ್ರದುಂಬಿ ಅವರು ಪ್ರಸ್ತುತ ಪುತ್ತೂರು ವಿವೇಕಾನಂದ ಕಾಲೇಜಿನ ಸ್ನಾತಕೋತ್ತರ ಸಮೂಹ
ಸಂಹವನ ಮತ್ತು ಪತ್ರಿಕೋದ್ಯಮ ವಿಭಾಗದಲ್ಲಿ ಅಸಿಸ್ಟೆಂಟ್ ಪ್ರೊಫೆಸರ್ ಆಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ.
ಡಿಕೆಶಿ ಅಪ್ಲೋಡ್ ಮಾಡಿದ ಸ್ಟೋರಿಗೆ ದಿವ್ಯಶ್ರೀ ಧ್ವನಿ ನೀಡಿ ಮೆಚ್ಚುಗೆಗೆ ಪಾತ್ರರಾಗಿದ್ದಾರೆ. 2023ನೇ
ಸಾಲಿನ ಮಂಗಳೂರು ವಿಶ್ವವಿದ್ಯಾನಿಲಯದ ಸ್ನಾತಕೋತ್ತರ ಸಮೂಹ ಸಂಹವನ ಮತ್ತು ಪತ್ರಿಕೋದ್ಯಮ ವಿಭಾಗದಲ್ಲಿ
ಪ್ರಥಮ ರಾಂಕ್ ಗಳಿಸಿದ್ದ ದಿವ್ಯಶ್ರೀ ಅರಿಯಡ್ಕ ಗ್ರಾಮದ ತ್ಯಾಗರಾಜನಗರ ನಗರ ನಿವಾಸಿ ವಿಠಲ ರೈ ಹಾಗೂ
ಶಾಲಿನಿ ರೈ ದಂಪತಿಯ ಪುತ್ರಿ.

Advertisement

Advertisement

ನಿರೂಪಕಿ ಮತ್ತು ವಾಯ್ಸ್ ಓವರ್ ಆರ್ಟಿಸ್ಟ್ ಆಗಿ ಹಲವು ಸುದ್ದಿ ಮಾಧ್ಯಮಗಳಲ್ಲಿ ಕಾರ್ಯ ನಿರ್ವಹಿಸಿರುವ
ದಿವ್ಯಶ್ರೀ ಕಾರ್ಯಕ್ರಮ ನಿರೂಪಕಿಯಾಗಿಯೂ ಗುರುತಿಸಿಕೊಂಡಿದ್ದಾರೆ. ವಿಶೇಷ ಅಂದ್ರೆ 2025ರಲ್ಲಿ ಪ್ರಕಟವಾದ
ಸುದ್ದಿ ಬಿಡುಗಡೆ ದೀಪಾವಳಿ ವಿಶೇಷಾಂಕದ ಮುಖಪುಟ ರೂಪದರ್ಶಿಯಾಗಿಯೂ ಗುರುತಿಸಿಕೊಂಡಿದ್ದ ಇವರು ವಿವಿಧ
ಕ್ಷೇತ್ರಗಳ ಡಾಕ್ಯುಮೆಂಟರಿ, ಸ್ಪೆಷಲ್ ಸ್ಟೋರಿ ಹಾಗೂ ಅನೇಕ ಜಾಹೀರಾತುಗಳಿಗೆ ಧ್ವನಿ ನೀಡಿ ಗಮನ ಸೆಳೆದಿದ್ದಾರೆ.

Advertisement
