# “ಪುತ್ತೂರ್ದ ಪಿಲಿಗೊಬ್ಬು” ಸೀಸನ್ 4 ಗೆ ಡೇಟ್  ಫಿಕ್ಸ್

- Link: https://hosakannada.com/news/date-fix-for-puthurda-piligobbu-season-4/
- Published: 2026-07-01T09:08:53+00:00
- Author: ಹೊಸಕನ್ನಡ ನ್ಯೂಸ್

ಪುತ್ತೂರು: ಕಳೆದ ಮೂರು ವರ್ಷಗಳಿಂದ ವಿಜಯ ಸಾಮ್ರಾಟ್‌(ರಿ.) ಪುತ್ತೂರು ವತಿಯಿಂದ ಯುವನಾಯಕ ಸಹಜ್ 
ಜೆ ರೈ ಬಳಜ್ಜ ರವರ ಮುಂದಾಳತ್ವದಲ್ಲಿ ಅದ್ದೂರಿಯಾಗಿ ಆಯೋಜಿಸಲಾಗುತ್ತಿರುವ ‘ಪುತ್ತೂರ್ದ ಪಿಲಿಗೊಬ್ಬು’
ಕಾರ್ಯಕ್ರಮದ ಸೀಸನ್ ನಾಲ್ಕರ ದಿನಾಂಕ ನಿಗದಿಯಾಗಿದೆ.

Sponsored

ಅಕ್ಟೋಬರ್ 17, ಶನಿವಾರ ನಡೆಯಲಿರುವ ಈ ವಿಶೇಷ ಕಾರ್ಯಕ್ರಮವು ಮಹಾತೋಭಾರ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ
ದೇವರಮಾರು ಗದ್ದೆಯಲ್ಲಿ ಜರುಗಲಿದ್ದು, ಹುಲಿವೇಷ ಕಲಾವಿದರ ಅದ್ಭುತ ಪ್ರದರ್ಶನ, ಸಾಂಪ್ರದಾಯಿಕ ನೃತ್ಯ
ಹಾಗೂ ಸಾಂಸ್ಕೃತಿಕ ವೈಭವದ ಸಂಗಮಕ್ಕೆ ವೇದಿಕೆಯಾಗಲಿದೆ.

Advertisement

Advertisement

ಈ ಕಾರ್ಯಕ್ರಮದ ಆಯೋಜಕರಾಗಿ ವಿಜಯ ಸಾಮ್ರಾಟ್(ರಿ.) ಪುತ್ತೂರು ಕಾರ್ಯನಿರ್ವಹಿಸುತ್ತಿದ್ದು, ಸರ್ವರಿಗೂ
ಆತ್ಮೀಯ ಸ್ವಾಗತ ಕೋರಲಾಗಿದೆ.

ತುಳುನಾಡಿನ ಸಾಂಸ್ಕೃತಿಕ ಹೆಮ್ಮೆಯಾದ ಹುಲಿವೇಷವನ್ನು ಸಂಭ್ರಮದಿಂದ ಆಚರಿಸುವ ಈ ಕಾರ್ಯಕ್ರಮದಲ್ಲಿ 
ಸಾವಿರಾರು ಕಲಾಭಿಮಾನಿಗಳು ಭಾಗವಹಿಸುವ ನಿರೀಕ್ಷೆಯಿದೆ. ಹುಲಿವೇಷದ ರೋಚಕ ಪ್ರದರ್ಶನಗಳನ್ನು ಕಣ್ಣುಂಬಿಕೊಳ್ಳಲು
ಸಾರ್ವಜನಿಕರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ಆಯೋಜಕರು ಮನವಿ ಮಾಡಿದ್ದಾರೆ.

Advertisement