# ಈ ಹಳ್ಳಿಯ ಏಳು ಜನರಿಗೆ ಇದೆಯಂತೆ ‘ಕಾ ಕಾ ‘ಕಂಟಕ|ಮನೆಯ ಹೊಸ್ತಿಲು ದಾಟಲು ಬಿಡದೆ ಕಾದು ಕೂರುತ್ತೆ ಅಂತೆ ಈ ಕಾಗೆ|ಈ ಕಾಗೆ ದ್ವೇಷದ ಹಿಂದಿರುವ ಮರ್ಮ?

- Link: https://hosakannada.com/news/crow-angry/
- Published: 2022-01-25T11:52:08+00:00
- Author: ಹೊಸಕನ್ನಡ ನ್ಯೂಸ್

ಹಾವಿನ ದ್ವೇಷ ಹನ್ನೆರಡು ವರ್ಷ ಎಂದು ಕೇಳಿದ್ದೇವೆ. ಹಾವು ತನಗೆ ನೋವು ಕೊಟ್ಟವರನ್ನು ಜನ್ಮಜನ್ಮಾಂತರದವರೆಗೆ
ಬಿಡುವುದಿಲ್ಲವಂತೆ. ಇಂಥ ಮಾತುಗಳನ್ನು ನಾವು ಕೇಳಿದ್ದೇವೆ. ಆದರೆ ಇಲ್ಲೊಂದು ಹೊಸ ಘಟನೆ ನಡೆದಿದೆ.
ಇಲ್ಲೊಂದು ಕಾಗೆ ಹಳ್ಳಿ ಜನರ ಪಾಲಿಗೆ ಕಂಟಕವಾಗಿ ಪರಿಣಮಿಸಿದೆ. ಈ ಊರಿನ ಜನರು ಹೊರ ಬಂದರೆ ಸಾಕು ಈ
ಕಾಗೆ ಹಾರಿ ಬಂದು ತಲೆಗೆ ಕುಕ್ಕುತ್ತದೆ.

Sponsored

ಚಿತ್ರದುರ್ಗ ಜಿಲ್ಲೆ ಭರಮಸಾಗರ ಹೋಬಳಿ ಸಮೀಪದ ಓಬಳಾಪುರ ಗ್ರಾಮಸ್ಥರು ಕಾಗೆ ಕಾಟದಿಂದ ಬೇಸತ್ತು ಹೋಗಿದ್ದಾರೆ.
ಹೌದು ಈ ಕಾಗೆಯ ದಾಳಿಯಿಂದ ಪಾರಾಗಲು ಪಾವಗಡ ಶನೀಶ್ವರ ಸನ್ನಿಧಿ ಸೇರಿ ಇತರೆ‌ ಪುಣ್ಯ ಸ್ಥಳಗಳ ದರ್ಶನ
ಪಡೆದು ಬಂದರೂ ಕಾಗೆ ಕಾಟ ತಪ್ಪಿಲ್ಲ.

Advertisement

Advertisement

ಏಳು ಜನರನ್ನು ಗುರಿಯಾಗಿಸಿಕೊಂಡು ಈ ಕಾಗೆ ಕಾಟ ಕೊಡುತ್ತದೆ. ಈ ಏಳು ಜನರು ಹೊರ ಬಂದರೆ ಸಾಕು ದಾಳಿ
ಮಾಡುತ್ತದೆ. ಕಳೆದೊಂದು ತಿಂಗಳಿನಿಂದ ಈ ರೀತಿ ನಡೆಯುತ್ತಿದೆ. ಈ ಕಾಗೆಗೆ ಏನೂ ತೊಂದರೆ ಕೊಡದಿದ್ದರೂ
ಈ ರೀತಿ ದಾಳಿ ಮಾಡುತ್ತಿದೆ.

ಬೆಳಗ್ಗೆ ಫ್ರೆಶ್ ಮೂಡ್ ನಲ್ಲಿ ಕೆಲಸ ಕಾರ್ಯಗಳಲ್ಲಿ ತೊಡಗಿಸಿಕೊಳ್ಳಲು ಮುಂದಾದರೆ ಕಾಗೆ ಕಾಟ ಕೊಡುತ್ತದೆಯಂತೆ.
ನಾವು ಕಾಗೆಗೆ ಏನೂ ಉಪದ್ರ ಮಾಡದಿದ್ದರೂ ಈ ಕಾಗೆ ದಾಳಿ ನಡೆಸುವುದನ್ನು ಮಾತ್ರ ನಿಲ್ಲಿಸಿಲ್ಲ.

ಈ ಮೊದಲು ಎ ಕೆ ಕಾಲೋನಿಯ ಪರಶುರಾಮಪ್ಪ ಎಂಬುವವರ ಮೇಲೆ ಇದೇ ಕಾಗೆ ತನ್ನ ಪ್ರತಾಪ ತೋರುತ್ತಿತ್ತು. 
ಇದರಿಂದ ತಪ್ಪಿಸಿಕೊಂಡು ಹರಸಾಹಸ ಪಟ್ಟರು ಪರಶುರಾಮಪ್ಪ. ಇದೀಗ ಸರಕಾರಿ ಶಾಲೆ ಪಕ್ಕದ ರಸ್ತೆಯ ಇಕ್ಕೆಲಗಳಲ್ಲಿನ
ಮನೆ ಬಳಿ ಈ ಕಾಗೆ ಹಾರಾಡುತ್ತಿದೆ. ಈ ಏಳು ಜನರನ್ನು ಮಾತ್ರ ಬಿಡುತ್ತಿಲ್ಲ. ಮನೆಯ ಹೊಸ್ತಿಲು ದಾಟಿದರೆ
ಸಾಕು ಈ ಏಳು ಮಂದಿಗೆ ಕಾಗೆ ದರ್ಶನ ಖಂಡಿತ ಆಗುತ್ತದೆ. ಅಂದ ಹಾಗೆ ಈ ಕಾಗೆಯ ಸೇಡಿನ ಹಿಂದಿನ ಮರ್ಮವೇನು
ಎಂದು ಊರಿನವರಿಗೆ ಇಲ್ಲಿಯವರೆಗೂ ಗೊತ್ತಾಗಿಲ್ಲವಂತೆ.

Advertisement