# ದೇಶದಲ್ಲಿ ಮತ್ತೆ ಕೋವಿಡ್ ಆತಂಕ – ಇಬ್ಬರು ಸಾವು, 8 ಮಂದಿಗೆ ಪಾಸಿಟಿವ್‌

- Link: https://hosakannada.com/news/covid-19-fears-rise-again-in-the-country-two-dead-8-test-positive/
- Published: 2026-07-12T17:37:53+00:00
- Author: ಹೊಸಕನ್ನಡ ನ್ಯೂಸ್

ಕರೋನ ಮಹಾಮಾರಿ ಕಣ್ಮರೆಯಾಗಿದೆ, ಇನ್ನು ಅದರ ಆತಂಕವಿಲ್ಲ  ಎಂದು ಜನರು ಭಾವಿಸುತ್ತಿರುವ ಹೊತ್ತಿನಲ್ಲಿಯೇ
ಆಂಧ್ರ ಪ್ರದೇಶದಲ್ಲಿ ಕೋವಿಡ್‌ 19 ಮತ್ತೆ ಆತಂಕ ಸೃಷ್ಟಿಸಿದೆ. ವೈಎಸ್‌ಆರ್‌ ಕಡಪ ಜಿಲ್ಲೆಯಲ್ಲಿ 8
ಕೊರೊನಾ ವೈರಸ್‌ ಪ್ರಕರಣಗಳು ವರದಿಯಾಗಿದೆ.  ಅಲ್ಲದೆ ಈ ಹೆಮ್ಮಾರಿ ಇಬ್ಬರನ್ನು ಬಲಿ ಪಡೆದಿದೆ.

Sponsored

ಕೋವಿಡ್‌ ಪಾಸಿಟಿವ್‌ ಬಂದವರಲ್ಲಿ ಒಬ್ಬರು ಕಡಪದ ರಾಜಂಪೇಟೆ ಪ್ರದೇಶದ 52 ವರ್ಷದ ವ್ಯಕ್ತಿಯಾಗಿದ್ದಾರೆ.
ಆರಂಭದಲ್ಲಿ ಜ್ವರ ಮತ್ತು ಕೆಮ್ಮು ಕಾಣಿಸಿಕೊಂಡಿದ್ದು, ಬಳಿಕ ಕೋವಿಡ್‌-19 ಸೋಂಕು ದೃಢಪಟ್ಟಿದೆ. ವೆಲ್ಲೂರಿನ
ಕ್ರಿಶ್ಚಿಯನ್‌ ವೈದ್ಯಕೀಯ ಕಾಲೇಜಿನಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದ ವೇಳೆ ಅವರು ನಿಧನರಾಗಿದ್ದಾರೆ
ಎನ್ನಲಾಗಿದೆ.

Advertisement

Advertisement

ಮತ್ತೊಬ್ಬರು ಕಡಪ ಮೂಲದ 43 ವರ್ಷದ ವ್ಯಕ್ತಿಯೊಬ್ಬರು ಆರೋಗ್ಯ ಸಮಸ್ಯೆಗಳಿಂದಾಗಿ ಸರ್ಕಾರಿ ಜನರಲ್‌
ಆಸ್ಪತ್ರೆಗೆ ದಾಖಲಾಗಿದ್ದರು. ಈ ವೇಳೆ ಅವರಿಗೆ ಕೊರೊನಾ ವೈರಸ್‌ ಸೋಂಕು ತಗುಲಿರುವುದು ದೃಢಪಟ್ಟಿದೆ.
ಆದ್ದರಿಂದ ಕೋವಿಡ್ -19 ತೀವ್ರ ನಿಗಾ ಘಟಕದಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾಗ ಅವರು ನಿಧನರಾದರು ಎಂದು
ವರದಿಯಾಗಿದೆ.

ಅಲ್ಲದೇ ಕಡಪ ವೈದ್ಯಕೀಯ ಕಾಲೇಜಿನ 25 ವರ್ಷದ ವೈದ್ಯಕೀಯ ವಿದ್ಯಾರ್ಥಿನಿಗೂ ಕೋವಿಡ್‌ ಪಾಸಿಟಿವ್‌ ಬಂದಿದ್ದು,
ಪ್ರಸ್ತುತ ಚಿಕಿತ್ಸೆ ಪಡೆದು, ಮನೆಯಲ್ಲಿಯೇ ಚೇತರಿಸಿಕೊಳ್ಳುತ್ತಿದ್ದಾರೆ ಎನ್ನಲಾಗಿದೆ.

Advertisement