# KSRTC: ಶಕ್ತಿಯೋಜನೆ ಬೆನ್ನಲ್ಲೇ ಮತ್ತೊಂದು ಹೊಸ ಸೇವೆ ಆರಂಭಿಸಿದ KSRTC – ರಾಜ್ಯದ ಜನತೆಗೆ ಖುಷಿಯೋ ಖುಷಿ!!

- Link: https://hosakannada.com/news/cargo-service-started-by-ksrtc-people-will-get-this-service-from-december-23/
- Published: 2023-12-17T08:48:14+00:00
- Author: ಕೆ. ಎಸ್. ರೂಪಾ

KSRTC : ರಾಜ್ಯದ ಸಾರಿಗೆ ಇಲಾಖೆಯು ಜನರಿಗೆ ಅನುಕೂಲವಾಗಲಿ ಎಂದು ಹಾಗೂ ಕೆ ಎಸ್ ಆರ್ ಟಿ ಸಿ(KSRTC)
ಗೆ ಶಕ್ತಿಯೋಜನೆಯಿಂದ ಆಗಿರುವ ನಷ್ಟವನ್ನು ತುಂಬಲು ಇದೀಗ ಮಹತ್ವದ ಹೆಜ್ಜೆಯನ್ನು ಇಟ್ಟಿದ್ದು, ಕಾರ್ಗೋ
ಸೇವೆಯನ್ನು ಆರಂಭಿಸಿದೆ. ಈ ಮೂಲಕ ನಾಡಿನ ಜನತೆಗೆ ಶಕ್ತಿ ಯೋಜನೆಯ ಬೆನ್ನಲ್ಲೇ ಮತ್ತೊಂದು ಹೊಸ ಲಾಭ
ದೊರೆತಂತಾಗಿದೆ.

Sponsored

ಹೌದು, ಒಂದು ದೊಡ್ಡ ಲಗೇಜನ್ನು ಅಥವಾ ಏನಾದರೂ ಪಾರ್ಸಲ್ ಅನ್ನು ಕೊಂಡೊಯ್ಯಬೇಕಾದರೆ ಇದುವರೆಗೂ ಖಾಸಗಿ
ಕಾರ್ಗೋಗಳನ್ನು ಅರಸಬೇಕಿತ್ತು. ಆದರಿನ್ನು ಈ ವರೆಗೆ ಖಾಸಗಿಯವರು ಮಾತ್ರ ನೀಡುತ್ತಿದ್ದ ಕಾರ್ಗೋ ಸೇವೆಯನ್ನು
ಇದೀಗ ಸರ್ಕಾರಿ ಬಸ್‌ಗಳು ನೀಡಲು ಮುಂದಾಗಿದೆ. ಮೊದಲ ಹಂತದಲ್ಲಿ ಕೊರಿಯರ್ ಸರ್ವಿಸ್ ಡಿ.23ರಿಂದ ಆರಂಭವಾಗಲಿದೆ.
ಈ ಮೂಲಕ ಸರ್ಕಾರಿ ಉದ್ಯಮವನ್ನು ವಿಸ್ತರಣೆ ಮಾಡುವ ಕಾರ್ಯಕ್ಕೆ ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ(Ramalinga
Reddy) ಮುಂದಾಗಿದ್ದಾರೆ. ಈ ಮೂಲಕ ಡಿಸೆಂಬರ್ 23ರಿಂದ ನಮ್ಮ‌ ಕಾರ್ಗೋದ 20 ಟ್ರಕ್‌ಗಳು ರಸತೆಗಿಳಿಯಲಿವೆ.

Advertisement

Advertisement

![](https://hosakannada.com/wp-content/uploads/2023/12/Namma-Cargo_01.jpg)

ಅಂದಹಾಗೆ ಡಿ. 17 ರಂದು ಸಾರಿಗೆ ಸಚಿವ ರಾಮಲಿಂಗಾರೆಡ್ಡಿ ಅವರಿಂದ 6 ಟನ್‌‌‌ ಸಾಮರ್ಥ್ಯದ 20 ಟ್ರಕ್‌ಗಳ
ಮೂಲಕ ಪಾರ್ಸಲ್ ಅಂಡ್ ಕೊರಿಯರ್ ಸರ್ವಿಸ್‌ಗಳನ್ನು ಒದಗಿಸಲು ಗ್ರೀನ್ ಸಿಗ್ನಲ್ ನೀಡಿದ್ದಾರೆ. ಈಗಾಗಲೇ
ಕೆಎಸ್‌ಆರ್‌ಟಿಸಿ ಕೇಂದ್ರ‌‌ ಕಛೇರಿಗೆ ಇಪ್ಪತ್ತು ಟ್ರಕ್‌ಗಳು ಆಗಮಿಸಿದ್ದು, ಅವುಗಳನ್ನು ಸಾರಿಗೆ 
ಸಚಿವೆ ರಾಮಲಿಂಗಾರೆಡ್ಡಿ ಪರಿಶಿಲನೆ ಮಾಡಿದ್ದಾರೆ. . 20 ಟ್ರಕ್ ಗಳ ಸೇವೆ ಆರಂಭವಾದ್ರೆ ವರ್ಷಕ್ಕೆ
20 ಕೋಟಿ ಆದಾಯದ ನಿರೀಕ್ಷೆ ಮಾಡಲಾಗಿದೆ. ಶಕ್ತಿ ಯೋಜನೆಯಿಂದ ತಿಂಗಳಿಗೆ 20 ರಿಂದ 25ಕೋಟಿಯಷ್ಟು ನಷ್ಟ
ಅನುಭವಿಸುವ ಸಾರಿಗೆ ಸಂಸ್ಥೆಯು ಕಾರ್ಗೋ ಸೇವೆ ಮೂಲಕ ಅದನ್ನು ಸರಿದೂಗಿಸಿಕೊಳ್ಳಲಿದೆ.

Advertisement