# ತೂಗುಸೇತುವೆಯ ಮೇಲೆ ಕಾರು ಚಲಾವಣೆ | ಸ್ಥಳೀಯರ ಆಕ್ರೋಶಕ್ಕೆ ಗುರಿಯಾದ ಚಾಲಕ!!

- Link: https://hosakannada.com/news/car-traffic-on-suspension-bridge-the-driver-was-the-target-of-local-outrage/
- Published: 2022-11-02T06:29:57+00:00
- Author: ಕೆ. ಎಸ್. ರೂಪಾ

ಗುಜರಾತ್​ನ ಮೊರ್ಬಿ ದುರಂತ ಇಡೀ ದೇಶವನ್ನು ಬೆಚ್ಚಿ ಬೀಳಿಸಿದ್ದು, ಸಾಕಷ್ಟು ಜನರ ಸಾವಿಗೆ ಕಾರಣವಾಗಿದೆ.
ಈ ದುರಂತದ ಬಳಿಕವೂ ಜನರು ಎಚ್ಚೆತ್ತುಕೊಂಡಿಲ್ಲ ಎನಿಸುತ್ತದೆ. ಉತ್ತರ ಕನ್ನಡ ಜಿಲ್ಲೆಯಲ್ಲಿ ಈ ನಡುವೆ
ಸೇತುವೆ ನೋಡಲು ಬಂದಂತಹ ಪ್ರವಾಸಿಗರು ಸೇತುವೆಯ ಬಳಿ ಮೈಮರೆತು ತಮಗಿಷ್ಟ ಬಂದ ಹಾಗೆ ನಡೆದುಕೊಂಡಿದ್ದಾರೆ.
ತೂಗು ಸೇತುವೆಯ ಮೇಲೆ ಕಾರು ಚಲಾಯಿಸಿ ಸ್ಥಳೀಯರ ವಿರೋಧಕ್ಕೆ ಕಾರಣರಾಗಿದ್ದಾರೆ. ಇನ್ನೂ ಈ ಕಾರು ಮಹಾರಾಷ್ಟ್ರ
ನೋಂದಣಿ ಹೊಂದಿರುವುದು ಎಂದು ತಿಳಿದುಬಂದಿದೆ.

Sponsored

ಉತ್ತರ ಕನ್ನಡ ಜಿಲ್ಲೆಯಲ್ಲಿ ತೂಗುಸೇತುವೆ ಮೇಲೆ ಕಾರು ಚಲಾಯಿಸಿ ಪ್ರವಾಸಿಗರು ಹುಚ್ಚಾಟವಾಡಿದ್ದಾರೆ.
ಪ್ರವಾಸಿಗರು ತಮ್ಮ ಪ್ರಾಣವನ್ನು ಕಡೆಗಣಿಸಿ ತೂಗುಸೇತುವೆಯ ಮೇಲೆ ಕಾರು ಚಲಾಯಿಸಿ ಪುಂಡಾಟ ತೋರಿದ್ದಾರೆ.
ಈ ಘಟನೆ ಯಲ್ಲಾಪುರದ ಶಿವಪುರ ಗ್ರಾಮದಲ್ಲಿ ಕಾಳಿ ನದಿಗೆ ಅಡ್ಡಲಾಗಿ ಕಟ್ಟಿರುವ ತೂಗುಸೇತುವೆಯಲ್ಲಿ 
ನಡೆದಿದೆ. ಈ ಘಟನೆ ಬಗ್ಗೆ ಸ್ಥಳೀಯರು ತೀವ್ರ ವಿರೋಧ ವ್ಯಕ್ತಪಡಿಸಿದ್ದಾರೆ. ಹಾಗೂ ತೂಗು ಸೇತುವೆಯಲ್ಲಿ
ತುಂಬಾ ಮುಂದೆ ಕಾರು ಚಲಾಯಿಸಿಕೊಂಡು ಹೋದ ಚಾಲಕನಿಗೆ ಬೈದು ರಿವರ್ಸ್ ಗೇರ್‌ನಲ್ಲೇ ಹಿಂದಕ್ಕೆ ಹೋಗುವಂತೆ
ಹೇಳಿದ್ದಾರೆ.

Advertisement

Advertisement

ಶಿವಪುರದ ಸೇತುವೆಯು ಪ್ರಾಕೃತಿಕ ಸೌಂದರ್ಯದ ಕಾರಣ ಪ್ರವಾಸಿಗರ ನೆಚ್ಚಿನ ತಾಣವಾಗಿದೆ. ಇನ್ನೂ ಈ ತೂಗುಸೇತುವೆಯ
ಮೇಲೆ ಕಾರು ಚಲಾಯಿಸಿಕೊಂಡು ಬರುವ ವೀಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ. ಪ್ರವಾಸಿಗರ ಪುಂಡಾಟಕ್ಕೆ
ಸಂಬಂಧಿಸಿದಂತೆ ಯಲ್ಲಾಪುರದ ಪೊಲೀಸರು ಪ್ರಕರಣ ದಾಖಲಿಸುವ ಸಾಧ್ಯತೆ ಇದೆ.

Advertisement